Спорт
ФА му нуди нов договор на Саутгејт
Англија на „мускули“ стигна до финалето на ЕП, второ по ред, а таму ќе ја чека Шпанија. Во Фудбалската асоцијација (ФА) веќе размислуваат за следниот циклус во кој повторно на клупата го гледаат Герет Саутгејт.
Англија чека на трофеј на големите натпреварувања од 1966 година кога единствен пат го освои Светското првенство. Никогаш не победиле на најголемото натпреварување на Стариот континент, а во недела ќе имаат можност да го сторат тоа.
Герет Саутгејт е на клупата на Англија осум години, поточно од фијаското на Англија на ЕУРО 2016 кога загубија од Исланд.
Уште пред почетокот на овогодинешното ЕП имаше полемики околу тоа дали Саутгејт ќе остане, а заклучокот е дека ФА сака да го задржи искусниот тренер, без разлика на резултатот од неделното финале.
Саутгејт уште пред почетокот на Европското првенство изјави дека ќе се повлече од селекторската функција доколку Англија не победи на натпреварувањето, сепак веќе се започнати преговори околу продолжување на соработката.
Англичаните не блескаат на ЕП но сепак стигнаа до финалето во кое со репрезентацијата на Шпанија в недела ќе се борат трофејот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонскиот шахист Тони Лазов олимписки вицешампион
Македонскиот интернационален мајстор Тони Лазов освои сребрен медал на втората табла на 45. Шаховска олимпијада што се одржа од 10 до 22 септември во Будимпешта.
Лазов, кој го почна турнирот со рејтинг 2360, освои 7,5 поени од осум партии и со рејтинг-перформанс 2763 заврши втор на втората табла, зад олимпискиот првак, велемајсторот Таи Даи Ван Нгујен од Чешка со 2783, а бронзата му припадна на Едиз Ѓурел од Турција со 2755.
Пред 24-годишниот неготинец капитулираа велемајсторите Качпер Пјорун (рејтинг 2599) од Полска и Јаник Пелетје (2526) од Швајцарија, ИМ Аделард Баи (2378) од Тајван, ФИДЕ-мајсторите Диого Алјо (2192) од Зеленортските Острови и Рикардо Ернесто Чавез (2185) од Ел Салвадор, кандидат-мајсторот Џејмисон Едрих Као (2125) од Хонгконг и Коси Тиери Егбе (1847) од Того. Единственото реми го забележа против ВМ Јорден ван Хорест (2696) од Холандија.
Ова е четврти поединечен медал за Македонија на шаховските олимпијади по бронзениот на учителот на Лазов, ВМ Трајко Недев, во Ереван 1996 со 8 поени од 11 партии како резерва, златниот на ВМ Драгољуб Јаќимовиќ на третата табла во Истанбул 2000 со 7/9 и среброто на ВМ Владимир Георгиев на третата табла во Калвија (Шпанија) со 9/12.
Македонија во Будимпешта го освои 61. место во конкуренција на 188 машки селекции со 6 победи и 5 порази.
Златниот медал ѝ припадна на Индија, сребрениот на САД, а бронзениот на Узбекистан.
Спорт
(Видео) Габија го реши „Дерби дела Мадонина“
Милан како гостин го победи Интер со 2:1 во дерби мечот одигран во петотот коло во Серија А. Милан ја прекина црната низа против градскиот ривал, Интер ги доби претходните шест натпревари (три во првенството, два во Лигата на шампионите и еден во Суперкупот).
Милан и тренерот Паоло Фонсека, поради лошиот старт во сезоната беа под голем притисок пред дербито и одговорија на предизвикот. Го победија градскиот ривал во „Дерби дела Мадонина“.
Милан генерално беше подобриот тим на теренот, имаш повеќе шанси и на крајот заслужено победи.
Триумфот на црвено-црните го најави Кристијан Пулишиќ во десеттата минута. Американецот мина неколку играчи и успеа да го совлада Јан Сомер. На голот му претходеше грепата на Мхитаријан, кој загуби топка на 35 метри од својот гол.
По голот на Милано, тој успеа да ја умртви играта, малку да го забави ритамот на мечот, Интер го имаше поседот но не создаде сериозни шанси. Единствено што вреди да се спомене е обидот на Лаутаро.
Милан ја менуваше формацијата како одминуваше првото полувреме, но не можеше да го спречи израмнувањето кое следеше во 28. минута. Ди Марко со прецизен удар го совлада Мењан.
Гостите подобро влегоа и во вториот дел по неполни пет минути фудбал имаа шанса преку Рафаел Леао да стигнат до нова предност, но се истакна Сомер, додека Шајцарецот можеше скапо да го чини својот тим, бидејќи откако ја изби топката го закачи Ејбрахам. Се активираше ВАР кој ја поддржа одлуката на маријани да не досуди пенал.
Потоа Милан пропушти две големи шанси преку Леао и Ејрахам.
Милан можеше да има пенал, Маријани покажа на белата точка за според него, играње со рака на играч на Интер, но откако ВАР ја поништи неговата одлука.
И кога се очекуваше дербито да заврши без победник на сцена стапи дефанзивецот Габија кој погоди во 89. минута и со тоа на својот тим му ја донесе победата.
По пет кола лидер на табелата е Торино со 11 поени еден помалку има Наполи, додека со по осум бода Милан и Интер се на шестото и седмото место.
Спорт
Заврши сезоната за Тер Штеген
Капитенот на Барселона, Марк-Андре Тер-Штеген ја заврши сезоната 2024/25. Германецот се повреди во финишот на првото полувреме, против Виљареал, каде Барселона победи со 5:1.
Голманот на Барселона заработи тешка повреда на коленото, а според првите прогнози ќе отсуствува меѓу седум и девет месеци. Во најдобар случај би можел да се врати во финишот на сезоната.
Вечерва, Тер-Штеген незгодно се приземји по еден корнер, веднаш се фати за коленото, беше изнесен на носилки и набргу по натпреварот се потврдија лошите прогнози.
Работите да бидат уште полоши, тој е вториот играч за кого оваа сезона е завршена, претходно истото му се случи на младиот Марко Бернал. Тој против Рајо Ваљекано ги скина лигамнетите во коленото и ќе паузира околу 12 месеци.
Младиот Инаки Пења повторно ќе треба да го замени Тер-Штеген, што го направи пред точно една година, кога Германецот отсуствуваше два месеци.
Прашање е и дали Барселона ќе донесе нов голман во зимскиот преоден рок.