Спорт
Хаман: Од десетте најлоши натпревари на турнирот Англија играше на седум од нив
Англија на Европското првенство пристигна како фаворит број 1 за освојување на титулата, но дома се врати без трофеј. Синоќа, Англија доживеа пораз во финалето од Шпанија (1:2). Пресуди голот на Микел Ојерзабал во 86.минута.
Англија 58 години чека на голем трофеј, чека фудбалот „да се врати дома“, впечатокот е дека со игра каква што прикажа на ЕУРО 2024 ќе чека уште долго на голем трофеј.
Фудбалскиот свет е согласен дека со талентот и индивидуалниот квалитет што го поседува, Англија играше премногу резервирано, со многу играчи зад топката и со определба да не се прими гол.
„Играа ужесен фудбал. Од десетте најлоши натпревари на турнирот, Англија играше на седум од нив. Не знам зошто Хари Кејн не се движи. Без во негатива во секој натпревар од нокаут фазата“, изјави Хаман за „РТЕ Спорт“.
Фудбалерот кој одигра 59 натпревари и постигна пет гола за Германија, со која загуби од Бразил (0:2) во финалето на Светското првенство во 2002 година, дополнително ја објасни играта на Англичаните.
„Замислете овој тим да води во еден натпревар. Замислете да играте со Фил Фоден, а потоа да го ставите во игра Гордон. Англија има врвни играчи на клупата за да го подигне темпото. Но, тие немаа шанса да го покажат тоа бидејќи Саутгејт инсистираше да ги започненува натпрварите со Белингем и Кејн“, рече тој.
Во групната фаза Англија ја победи Србија (1:0) и ремизираше со Данска (1:1) и Словенија (0:0). Словачка во осминафиналето ја победи по продолженијата (2:1), Швајцарија во четвртфиналето по изведувањето пенали, додека во полуфиналето ја победи Холандија (2:1) со голот на Воткинс постигнат во 90.минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Халанд му „понуди“ дрес на Ачерби, доби неочекуван одговор
Манчестер Сити и Интер одиграа натпревар без голови на стартот од Лигата на шампионите. Сепак, тоа не значи дека немаше интересни моменти на „Етихад“.
Имено, Ерлинг Халанд му пријде на стоперот на Интер Франческо Ачерби и го праша дали го сака неговиот дрес – со симулација како го влечеше во текот на целиот натпревар.
Италијанскиот дефанзивец реагираше на шега и низ смеа рече дека веќе има два од претходните дуели. Тоа предизвика реакција кај фудбалерот на Сити, кој со насмевка продолжи понатаму.
Во следното коло од Лигата на шампионите, Манчестер Сити ќе гостува кај Слован во Братислава, а веќе викендов ќе има важен натпревар во Премиер лигата против Арсенал.
Francesco Acerbi wanted not one, but two shirts off Erling Haaland after the game 🤣👕
📺 @tntsports & @discoveryplusUK pic.twitter.com/Y0suFRk8Sb
— Football on TNT Sports (@footballontnt) September 18, 2024
Спорт
Гвардиола горд на играчите по ремито со Интер
Само бод освои Манчестер сити на домашен терен на отворањето на Лигата на шампионите. „Граѓаните“ одиграа 0:0 против Интер во репризата на финалето од сезоата 2022/2023.
Тренерот на Сити, Пеп Гвардиола одржа интересна прес-конференција.
„Против Интер одигравме многу подобро отколку во финалето на Лигата на шампионите минатата година“, рече тој и потсети на натпреварот во кој Сити ја освои првата европска титула со победа од 1:0.
На прашањето што особено му се допадна во играта на неговиот тим против Интер, тој одговори: „Се, апсолутно сè! Игравме толку добро. Го сакам мојот тим! Ние сме одличен тим!”
Спорт
Евертон се уште го поддржува Дајч
Раководството на фудбалскиот клуб Евертон се уште го поддржува тренерот Шон Дајч и покрај лошите резултати и елиминацијата од Лига купот, објавија британските медиуми.
Како што пренесува „Скај спортс“, раководството на чело со сопственикот Фархад Мошири, кој неуспешно се обидува да го продаде клубот, во моментов му дава поддршка на тренерот кој в сабота ќе го води тимот на гостински терен против Лестер.
Синоќа, Евертон загуби од Саутемптон на пенали во третото коло од Лига купот, а тимот ги загуби сите четири натпревари во Премиер лигата сезонава. ПОследните два порази, Евертон ги доживеа откако имаше предност од 2:0. Поради тоа незадоволните навивачи бараат промени.
„Скај спортс“, објави дека пред поразите од Астон Вила и Саутемптон, Дајч имал „доволно кредит кај сопственикот“, откако во претходните две сезони успеа да обезбеди опстанок во Премиер лигата. Договорот на Дајч со клубот важи до крајот на сезоната.