Македонија
(Видео) „Ер трактори“ и хеликоптери од Турција, Словенија, Србија и Црна Гора ќе помогнат во гаснењето на пожарите
![](https://makfax.com.mk/wp-content/uploads/2024/07/serta-pozar-1.jpg)
Денеска претпладне од Турција пристигнаа два „ер трактори“ и еден хеликоптер, кои веќе активно работат на терен. Во текот на утрешниот ден ќе пристигнат два хеликоптери од Словенија и по еден хеликоптер од Србија и од Црна Гора кои ќе помогнат во гаснењето на пожарите. Ова беше истаканато по седницата на Управувачкиот комитет за координација на системот за управување со кризи, со која претседаваше министерот за внатрешни работи Панче Тошковски.
На седницата присуствуваа раководителот на Групата за процена на ризици и опасности Стојанче Ангелов, како и министрите за одбрана Владо Мисајловски и за надворешни работи и трговија Тимчо Муцунски.
На седницата беше утврдена потребата да се активираат меѓународните механизми за обезбедување на помош во воздухоплови, кои ќе се вклучат во гаснењето на пожарите кои деновиве ја зафатија државата. Министрите изразија благодарност до пријателските земји кои ни помагаат во справувањето со огнената стихија.
Претходно премиерот Христијан Мицкоски изрази надеж дека во следните два дена ситуацијата ќе биде целосно под контрола.
На планината Серта, пожарот го гаснат по еден полициски и армиски хеликоптери и турскиот. Се гаси и од земја со значителен број пожарникари, претставници од ловните друштва, месното население и припадниците на Армијата и Единицата за брзо распоредување при МВР.
„Се работи за исклучително тежок терен каде што има бујна вегетација што го отежнува движењето на луѓето по терен така што многу е тешко да се дојде до горливите точки. Во текот на вчерашниот ден, благодарение на припадниците на Армијата, успеавме да изгаснеме неколку критични точки, а помогнаа и припадниците од Единицата за брзо распоредување при МВР. На помош повторно имаме 103 припадника на македонската Армија и 30 припадници од Единицата за брзо распоредување на МВР“, изјави директорот на Центарот за управување со кризи, Стојанче Ангелов.
ЈП Национални шуми воведе целосна забрана за движење во шумите и шумското земјиште, поради зголемена опасност и превенирање од појава на шумски пожари на отворен простор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Уставниот суд поведе постапка за Правило на АРМ со кое се забранува вршење на верски обреди
![](https://makfax.com.mk/wp-content/uploads/2020/03/sudski-cekan.jpg)
Уставниот суд поведе постапка за Параграф 4 алинеја 1 од Правилото за сместување и ред во Армијата на Република Македонија бр.02-295/1 од 16.07.2012 година. (Оспорена содржина: „Во воените објекти се забранува вршење на верски обреди”.)
Судот во оваа фаза од постапката изрази сомнеж дека оспорениот акт не е во согласност со темелните вредности на уставниот поредок утврдени во член 8 став 1 алинеи 1,3 и 11 од Уставот, односно на основните слободи и права на човекот и граѓанинот, владеењето на правото, како и на членовите 3,8 и 20 од Законот за правна положба на црквата, верска заедница и религиозна група.
Според Уставниот суд, со донесувањето на ваква одредба началникот на Генералштабот на АРМ ги пречекорил своите законски овластувања и се ставил во улога на Законодавец, бидејќи таква содржина не може да биде уредена со подзаконски акт.
Уставниот суд по направената анализа оцени дека уредувањето на условите под кои може да се оствари правото на слободно вршење на верски обреди во рамки на вооружените сили претставува исклучиво „materia legis”, oдносно законска материја и во никој случај не може да се регулира со Правило.
Согласно ова, Уставниот суд цени дека оспорената одредба може да се доведе под сомнеж за неговата уставност и законитост.
Македонија
Гаши на средба со група нерезидентни амбасадори со седиште во Софија: разговарано за економската размена и искуствата на дел од земјите аспиранти за ЕУ
![](https://makfax.com.mk/wp-content/uploads/2024/09/ambasadori-2.jpg)
Претседателот на Собранието Африм Гаши оствари средба со група нерезидентни амбасадори за нашата земја, со седиште во Софија, кои се во посета на Скопје.
На средбата присуствуваа нерезидентните амбасадори на Мароко, Египет, Кувајт, Монголија, Грузија, Молдавија, Индија, Пакистан и Куба, кои изразија поддршка за нашите институции и волја за продлабочување на односите и за јакнење на соработката со Република Северна Македонија, меѓу другото, и на ниво на парламенти.
Гаши, поздравувајќи ги амбасадорите, истакна дека Северна Македонија вложува многу во унапредувањето на меѓународната соработка, и тоа не
само со земјите од регионот и со членките на Европската Унија, туку и пошироко.
Тој рече дека очекува почести средби во иднина и возвратни посети на билатерално ниво, како можност за динамизирање на соработката меѓу со овие држави со кои споделуваме многу заеднички вредности.
На средбата се разговараше за можностите за поголема економска размена, како и за размена на искуства со дел од земјите аспиранти за членство во ЕУ, како Грузија и Молдавија.
Во тој контекст, Гаши ги запозна амбасадорите со чекорите што ги презема Северна Македонија во насока на исполнување на стратешката цел за евроинтеграција.
Беа разменети мислења и околу можностите за продлабочување на парламентарната соработка на билатерално ниво, при што беше истакнато дека парламентите се местата каде што се продлабочува дијалогот, во интерес на граѓаните.
На средбата присуствуваа и пратеници од Собранието на РСМ, кои се претседатли на пратеничките групи за соработка кои ги покриваат овие земји.
Македонија
Работна средба на министерот за правда, Игор Филков, со директорот на УИС, Александар Пандов, и директорите на затворите во земјата
![](https://makfax.com.mk/wp-content/uploads/2024/09/NAD_1763-1.jpg)
Во тренинг-центарот на КПУ „Идризово“, министерот за правда Игор Филков одржа работна средба со директорот на УИС, Александар Пандов, директорите и со заменик-директорите на сите затворски институции во државата.
Состанокот беше фокусиран на согледување на фактичката состојба и проблемите со кои се соочуваат затворските институции. Проблемите се детектираат, пред сѐ, во просторните услови на институциите, недостигот на вработени како од безбедносните служби така и во делот за ресоцијализација на осудениците. Предочен беше и проблемот со недостигот на финансиски средства за затворање на 2024 година, кој останува и покрај ребалансот на буџетот, недостигот на возила за спровод на обвинети лица и потребата од дигитализација на институциите.
Се дискутира и за извештајот на Комитетот за превенција на тортурата при Советот на Европа за 2023 година, при што беше укажано да се земат предвид нивните забелешки за надминување на недостатоците што се констатирани.
На средбата беше договорено да се интензивираат ваквите состаноци со цел да се изнајдат решенија за брзо надминување одредени проблеми користејќи меѓународна помош, но и јакнење на буџетот на УИС заради непречено функционирање на затворските институции, како и користење на пробацијата и другите алатки за условен отпуст на затворениците.
Министерот за правда Игор Филков ја искажа заложбата и посветеноста на Владата за надминување на сите проблеми и подигнување на капацитетите на затворските институции со цел подобрување на условите водејќи грижа за правата на затворениците и нивна ресоцијализација во општеството.