Во финишот на успешната сезона, фудбалскиот клуб Барселона ги крои плановите за летниот преоден рок.

Како што објави „Диарио Спорт“, осум фудбалери ќе бдат ставени на трансфер листата. Според овој извор, тренерот Ханси Флик дал зелено светло играчите да бидат продадени доколку клубот добие задоволителни понуди.

„Диарио Спорт“. тврди дека Инака Пења, Роналд Араухо, Хектор Форт, Френки де Јонг, Гави, Пабло Торе, Пау Виктор и Ансу Фати кои ќе бидат продадени ова лето.

Претходно, Гави се сметаше за недопирлив, но по повредата која го оддалечи од терените речиси една година и доаѓањето на Флик, тој го загуби местото во стартниот состав.

Кога е во прашање Фати, од него се очекуваше многу, но во последните месеци тој не беше на ниво и Флик сака да му го види грбот.

Наводно, во Барселона се подготвени да слушнат секоја понуда што ќе им стигне, освен за Ламин Јамал, кој не е на продажба.

Јамал има само 17 години и е еден од најдобрите играчи во светот оваа сезона. Тој постигна 16 гола и имаше 24 асистенции.

Кога станува збор за засилувања, Барселона бара нов лев бек, напаѓач, офанзивен играч од средниот ред и голман доколку Шчесни одлучи да се врати во пензија.

Сè уште нема конкретни информации во врска со играчите кои треба да дојдат во Барселона.

Германскиот тенисер Саша Зверев се надева дека Новак Ѓоковиќ еден ден ќе му биде тренер.

Пред некое време, Данил Медведев изјави дека слушнал оти Новак, кога ќе ја заврши кариерата, ќе го тренира Зверев.

На Мастерсот во Рим, на тенисерите им беше поставено прашањето – кого би сакале да видат за тренер.

Алекс де Минор, Холгер Руне, Стефанос Циципас го издвоија Новак, исто како и Зверев, кој одговори со насмевка.

„Кога ќе се пензионира, сигурно ќе ми биде тренер. Тоа е тоа“, вели Зверев.

Следеше констатција дека многумина би го посакале Новак на тоа место.

„Тој е мојот тренер. Потпишавме“, истакна Саша на шега.

Кој знае што носи иднината…

Djokovic might be on the hunt for a new coach. What he might not know is that most of his colleagues are on the hunt for HIM 👀#IBI25 pic.twitter.com/3Pb3RaEHlz

— Internazionali BNL d'Italia (@InteBNLdItalia) May 13, 2025

Минесота Тимбервулвс го победија Голден Стејт со 121:110 и ќе играат во финалето на Западната конференција втора сезона по ред. Минесота ја затвори серијата со вкупен резултат од 4:1 и сега го чека исходот од второто полуфинале помеѓу Оклахома и Денвер, каде што Тандер моментално водат со 3:2. На Истокот, актуелните шампиони Бостон Селтикс го намалија резултатот во серијата против Њујорк Никс на 2:3. Селтикс изминатата ноќ славеа убедливо со 127:102.

Во петтиот натпревар, уште еден во кој Вориорс беа без најдобриот играч, Стеф Кари, Тимбервулвс имаа доволно силни адути за триумф.

Џулиус Рендл ја предводеше „глутницата“ со 29 поени, Ентони Едвардс додаде 22, со 12 асистенции, Руди Гобер имаше 17 поени, Мајк Конли 16, Џејден МекДениелс 14, Донте ДиВиченцо 13.

Најдобриот меч во кариерата за Вориорс одигра Брендон Подзиемски беше залудна, натпреварот заврши со 29 поени (4/6 за три),

Џонатан Каминга исто така блескаше со 26 (11/23 од поле), меѓутоа, во отсуство на Стеф Кари, Вориорс едноставно не можеа да повеќе и подобро.

„Не сакам да ѝ одземам ништо од она што го постигнаа на Минесота. Нема смисла сега да зборуваме за Стеф Кари“, рече Стив Кер по натпреварот.

Селтикс, актуелните шампиони, славеа во петтиот натпревар на домашен терен (127:102) и со тоа намалија на 3:2 во победи.

Бостон долго ќе биде без Џејсон Тејтум, кој ја скина Ахиловата тетива пред два дена.

Дерик Вајт беше најефикасен со 34 поени. Џејлен Браун додаде 26 поени со 12 асистенции и осум скока, Пејтон Причард уфрли 17 поени, а Џру Холидеј имаше 14 поени и седум скока.

Кај Никс се истакна Џош Харт со 24 поени и седум скока, Џејлен Браун додаде 22 поени и шест асистенции, а Карл Ентони Таунс запиша 19 поени и осум скока.

Победникот од оваа серија, во финалето на Истокот ќе игра против Индијана Пејсерс.