Македонија
13 активни пожари во државата, пожарот кај Битола е голема закана за планината Пелистер, вели Ангелов

Дождот помогна да бидат совладани неколку пожари во државата, меѓу нив и пожарот на планината Серта од страна на селото Драгоево во насока на полигонот Криволак и кај селото Колањево, а дождот го изгаснал и пожарот на територијата на општина Конче но и големиот шумски пожар на планината Огражден близу границата со Бугарија, информираше директорот на ЦУК Стојанче Ангелов.
„Штотуку ми јавија дека пожарот што изби кај Битола се движи кон планината Пелистер и претставува голема закана за зимзелените дрвја и нашиот фокус најверојатно ќе биде ставен овде“, изјави Ангелов.
Центарот за управување со кризи (ЦУК) вечерва информира дека во текот на денот се регистрирани вкупно 29 пожари на отворено, од кои 13, сѐ уште се активни.
Според Ангелов, дождот помогнал во гаснењето на огнот на планината Серта но таму како што појасни натаму има активни жаришта.
Меѓу општините во кои беснеат пожари според ЦУК се: Чашка, Росоман, Студеничани, Штип, Долнени и други.
ЦУК со детален преглед за состојбата со пожарите:
Општина Чашка: с. Јаболчишта и с. Дреново врв Лисец (високостеблеста вегетација)
Општина Росоман: с. Сирково и с. Подлест (нискостеблеста шума и ниска вегетација)
Општина Студеничани: место викано Бегово Поле (ниска вегетација и шума)
Општина Штип: помеѓу селата Драгоево и Селце, м.в. Хаџи Реџепи (ниска вегетација и грмушки локализиран)
Општина Чашка: с. Габровник префрлен пожар од с. Слепче (мешана шума и ниска вегетација)
Општина Долнени: с. Слепче и с. Гостиражни (ниска вегетација и дабова шума)
Општина Конче: с. Горни и Долни Липовиќ (нискостеблеста шума, локализиран)
Општина Делчево (градска депонија)
Општина Македонски Брод: с. Слатина, кај Грешница (нискостеблеста шума, ниска вегетација)
Општина Македонски Брод: с. Девич (дабова шума)
Општина Василево: помеѓу селата с. Вељуса и Ангелци (ниска вегетација ) Локализиран
Општина Велес: над гробишта кон с. Оризари и градот (висока сува трева и нискастеблеста жбунец)
Општина Пробиштип: с. Гајринци (нискостеблеска и висока трева)
Според ЦУК, изгаснати се вкупно 16 пожари:
Општина Битола: Гермаски гробишта нас. Баир (Ниска вегетација и шума)
Општина Крушево: Градска депонија, (борова шума и ниска вегетација)
Општина Аеродром: нас. Лисиче (ѓубре)
Општина Арачиново: с. Арачиново (ниска вегетација)
Општина Зелениково: с. Дејковец (високостеблеста вегетација)
Општина Кавадарци: с. Шивец (ниска вегетација)
Општина Росоман: с. Трстеник (ниска вегетација)
Општина Штип: с. Радиње (стрниште)
Општина Пробиштип: с. Лезово (ниска шума и грмушки)
Општина Тетово: Палма Мол (ѓубриште)
Општина Гостивар: нас. Питарница (ѓубриште)
Општина Радовиш: кај с. Штурово (Ниско стеблесна шума)
Општина Неготино: с. Калањево (ниско стеблеста шума и грмушки)
Општина Ново Село: с. Бадилен (дабова шума и борова шума)
Општина Гевгелија: Помеѓу с. Негорци и с. Кованец (мешана шума)
Општина Зелениково: с. Вражале (ниска вегетација и шума)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: По трагедијата во Кочани целосно се забрани употреба на пиротехника во затворен простор

СДС брутално и очигледно ја злоупотребува трагедијата во Кочани, со очајнички обиди да фрлат песок во очите на јавноста и со нивните лаги да ја засенат вистината, реагираат од ВМРО-ДПМНЕ, на обвинувањата од потпретседателот на СДСМ, Методија Илиевски.
„За разлика од претходната власт сега има сеопфатна, темелна истрага за трагедијата во Кочани во која беа опфатени поранешни и сегашни функционери, од кои некои се во притвор, а тоа е доказ дека сега има одговорност и неселективност. Владата на ВМРО-ДПМНЕ за разлика од претходната власт, донесе серија законски, измени со кои тотално се забранува употреба на пиротехнички средства во затворен простор, со цел да нема импровизации кои во иднина би резултирале со несреќи“, велат од партијата.
Од ВМРО-ДПМНЕ додаваат дека санкциите за прекршување на оваа забрана драстично се зголемени, но исто така утврдена е и строга одговорност за нелегално присуство на малолетници по полноќ во угостителски објекти, со цел заштита на младата популација.
„Ова се ефикасни законски мерки со кои се воведува одговорност и ефективен надзор, мерки кои гарантираат заштита на јавноста во затворени простории. Оваа Влада демонстрира одговорност со максимална сериозност и законски механизми ја брани јавната безбедност, води транспарентна и структурирана одговорност кон сите виновници без исклучок“, велат од партијата.
Македонија
АХВ: Засилени мерки по појавата на ново жариште на чума кај малите преживари во Албанија

Агенцијата за храна и ветеринарство (АХВ) воведе мерки на засилен надзор на болеста чума кај малите преживари, особено во регионот на Западна Македонија, со цел спречување на внесување и ширење на болеста од соседна Албанија во земјава.
Засилена е контролата на движењето и транспортот на животни од видовите овци и кози по добиеното известување вчера вечер преку европскиот систем за пријава на болести (ADIS) на Светската организација за здравствена заштита на животните – WOAH, дека во Република Албанија во областа Дебар, во место Кастриот, на фарма со 200 кози има појава на ново жариште на болеста, по пријавата на првиот случај неодамна во областа Скадар.
АХВ донесе Решение за забрана за увоз и транзит на живи домашни и диви мали преживари, семе, јајце клетки и емброни од домашни и диви мали преживари, месо од домашни и диви мали праживари, производи и преработки од месо од домашни и диви мали преживари, млеко и производи од млеко од домашни и диви мали преживари, како и нуспроизводи од домашни и диви мали преживари во Република Северна Македонија од РепубликаАлбанија, со цел спречување на можноста за ширење на болеста.
Со оглед на новонастаната состојба, а заради намалување на ризикот од појава и проширување на болеста, АХВ ги извести ветеринарните друштва и официјалните ветеринари за спроведување на засилен надзор на одгледувалиштата со овци и кози и пријавување на секој сомнителен случај на болеста. На сила останува Решението за безбедносни мерки во однос на болеста чума кај мали преживари кое Агенцијата за храна и ветеринарство го донесе на 09.08.2024 година.
Агенцијата за храна и ветеринарство го извести Министерството за внатрешни работи за новонастанатата ситуација со појава на болеста во пограничниот регион со Македонија за преземање на засилени мерки за надзор и спречување на евентуален шверц со живи животни од видовите овци и кози од Албанија во нашата земја.
Македонија
Петрушевски: Струјата со СДС се зголеми затоа што фирми блиски до Заев и Филипче препродавале јаглен на ЕСМ за три пати поскапо од набавното

Венко Филипче трет ден молчи за испумпувањето на десетици милиони евра од ЕСМ од страна на Вице Заев и фирми кои водат и лично до него. Истражувањето на истражувачките новинари, кои го објавија овој скандал всушност покажува зошто ЕСМ е доведена во состојба на милионски долгови, изјави Бране Петрушевски, пратеник на ВМРО-ДПМНЕ.
„Вице Заев, Зоран Заев и Венко Филипче се директно виновни што струјата во нивно време се покачи за над 50%. Заев и Филипче се директно виновни што немало инвестиции во енергетиката, а немало за да има повеќе пари за во нивните џебови. За да може да профитираат Зоран Заев, Вице Заев и Венко Филипче, биле направени мрежа на фирми и посредници за ископ, транспорт и продажба на јаглен од Грција на ЕСМ. Јагленот кој од Грција се продавал кон мрежата на фирми за 30 евра бил препродаван во Македонија на ЕСМ по цена и до 82.5 евра“, рече тој.
Петрушевски обвини дека Заеви продавале скап јаглен на ЕСМ, а Филипче уживал во придобивките на милионските бизниси низ разни луксузи кои што му ги приуштувале.
„Овој скандал и афера од размери од неколку стотици милиони евра мора да има разрешница и одговорност. Очекуваме ЈО да отвори истрага, а Венко Филипче да излезе и да каже со кое лице излегува повторно во политиката и бара гласови од народот кој тој и Заев го краделе со стотици милиони евра“, рече Петрушевски.