Свет
„Тајм“ објави нова насловна по повлекувањето на Бајден, ѝ ја посвети на Камала
Магазинот „Тајм“ објави нова насловна страница по повлекувањето н Џо Бајден од трката за претседател на САД.
Се чини дека наместо него, кандидат ќе стане Камала Харис, поранешната потпретседателка на Бајден.
Why Joe Biden dropped out https://t.co/TLUwr4qvzv pic.twitter.com/HwFWKDAMxW
— TIME (@TIME) July 21, 2024
Додека демократите се собираат околу Камала Харис, треба многу работи да се случат пред таа да биде формално избрана за кандидат на партијата за ноемвриските избори.
Бајден веќе освои 3.896 делегати, многу повеќе отколку што му беше потребно за да ја обезбеди номинацијата на неговата партија. Но, сега кога тој се откажа, тие делегати на дело може да поддржат кого сакаат.
Доколку Демократската партија колективно не одлучи да поддржи нов кандидат, конвенцијата ќе биде целосно отворена со повеќе претенденти што ќе ги изберат партиските делегати.
За партиска номинација кандидатот мора да освои најмалку 1.976 делегатски гласа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелскиот министер: Никогаш целосно нема да ги повлечеме трупите од Појасот Газа
Израелскиот министер за одбрана, Израел Кац, изјави дека Израел никогаш целосно нема да ги повлече своите трупи од Појасот Газа. Според него, во Газа ќе остане значајна безбедносна зона, дури и доколку се премине во следна фаза од мировниот план на американскиот претседател Доналд Трамп и доколку Хамас биде разоружан.
Кац најави дека безбедносната зона би се протегала внатре во Газа, а на северот на Појасот би можеле да се формираат и израелски доселенички јадра за нејзина заштита. Тој, како член на десничарската партија Ликуд на премиерот Бенјамин Нетанјаху, со ова повторно се спротивстави на делови од американскиот мировен план што предвидуваат целосно повлекување на израелските сили од Газа.
По претходните критики дека ги ублажил ставовите, Кац денеска порача дека не се повлекува од изјавите, додавајќи: „Возам наназад само во автомобил.“
Свет
Зеленски: Се појавија нови идеи за крај на војната по разговорите со луѓето на Трамп
Украинскиот претседател Володимир Зеленски изјави дека разговарал со луѓе од тимот на американскиот претседател Доналд Трамп – специјалниот изасланик Стив Виткоф и Џаред Кушнер – за можни начини за завршување на војната со Русија. Според Зеленски, се појавиле „нови идеи“ поврзани со форматот на преговорите, средбите и временската рамка.
Трамп се залага за мировен договор, а неговите преговарачи работат на план што постепено напредува. Зеленски претходно претстави нацрт-мировен план од 20 точки, кој е скратена верзија на постар предлог од 28 точки. Клучните територијални прашања сè уште не се решени и, според Зеленски, за најчувствителните теми ќе биде потребна директна средба со Трамп.
Од руската страна, Кремљ соопшти дека ги анализира документите поврзани со можниот крај на војната, додека Москва изрази незадоволство од украинскиот план, особено околу Донбас, НАТО и големината на украинската армија. Зеленски најави и нови разговори меѓу украинските и американските преговарачи, нагласувајќи дека работат постојано за да се приближи крајот на војната.
Свет
Фон дер Лајен се надева на мир во Украина во новата година
Во својот божиќен говор, претседателката на Европската комисија, Урсула фон дер Лајен, изрази надеж дека конфликтот во Украина може да се реши до 2026 година. Таа го објави ова во објава на социјалната мрежа Икс.
„Особено размислуваме за нашите пријатели во Украина. Се надеваме дека претстојната година конечно ќе донесе праведен и траен мир, и на крајот безбедна и просперитетна иднина за нашата Унија“, рече фон дер Лајен во пораката.
Оптимистички проценки доаѓаат и од Вашингтон. Постојаниот претставник на САД во НАТО, Метју Витакер, изјави дека процесот се приближува кон решение.
„Мислам дека ги решивме повеќето прашања. Значи, се приближуваме кон решение. Поблиску сме од кога било“, рече Витакер.
Претходно, на 24 декември, претседателот на Украина, Володимир Зеленски, јавно ги презентираше деталите од нацрт-мировниот договор што беше дискутиран за време на преговорите. Меѓу предложените одредби, постои и клаузула што предвидува Украина да стане членка на Европската Унија во одреден временски рок, потсетуваат медиумите.
Фото: депозитфотос

