Свет
Париз под клуч пред почетокот на ОИ: шпиони се обиделе да добијат акредитации
Олимписките игри во Париз почнуваат во петок на 26 јули, а поради нестабилната ситуација во Франција, но и во Русија, Украина, Израел и Палестина, како и во некои други земји, јасно е дека притисокот врз организаторот ќе биде огромен. Не само што е потребно да се обезбедат совршени спортски услови за речиси 11.000 учесници во 32 различни спортови, туку во исто време, неопходно е да се води грижа за нивната безбедност, како и за безбедноста на сите посетители на Париз за време на најпрестижниот натпревар, пренесуваат медиумите во регионот.
Според пишувањето на шпанска „Марка“, поради ова, Париз всушност е „под клуч“ и дури 45 илјади полицајци ги обезбедуваат Олимписките игри за да не дојде и до најмал безбедносен прекршок. Безбедносните мерки се максимално подигнати во последните неколку дена, а се очекува низ градот да продефилираат повеќе од 15 милиони луѓе од почетокот на оваа недела до крајот на натпреварот – 11 август.
И други земји и помогнаа на Франција, на пример Шпанија испрати 171 полицаец, како и неколку специјални сили.
Полициските сили се дуплирани насекаде. Дополнително, низ градот ќе бидат поставени посебни бариери каде ќе можат да влезат само оние кои имаат билети и акредитации или само оние кои живеат на споменатите локации.
„Париз е затворен. Не можете да направите два чекора без да видите полицаец. Брутално е колку полиција има на улиците, никогаш не сме виделе такво нешто“, велат од шпанската полиција откако им се приклучија на безбедносните служби на Франција.
Инаку, францускиот министер за полиција во заминување Жералд Дармен истакна дека во целиот „олимписки процес“ биле проверени речиси милион луѓе, а 4.340 од нив биле одбиени за акредитација.
„Одбивме помалку од сто апликации поради сомневање дека се агенти на странски држави – шпиони или информатори кои планирале да им наштетат на Олимписките игри. Повеќето од нив се од Русија и Белорусија“, објасни тој, што беше осудено од политичарите од Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.