Спорт
Рома ќе го тужи Базел, бара пари од трансферот на Калафиори во Арсенал
Арсенал и Болоња се уште не можат да го заклучат трансферот на Рикардо Калафиори. На овој трансферот вреден 45 милиони евра му се израдуваа и во Базел, бидејќи швајцарскиот клуб треба да добие 50 отсто од сумата. Но како што сега стојат работите случајот ќе заврши на суд.
Два клуба треба да заработат од трансферот на Калафиори, Болоња и Базел. Кога Базел го продаде Калафиори во Болоња, клубовите постигнаа договор да добијат по 50 отсто од наредниот трансфер. Во овој случај тоа се 22,5 милиони евра.
Работите се движеа во вистонската насока се до моментот кога во приказната се вмеша Рома.
Калафиори ја напушти Рома во 2022 година, се пресели во Базел за околу 2,5 милиони евра, плус 40 отсто од следната продажба.
Една година подоцна, швајцарскиот клуб го продаде овој дефанзивец во Болоња за четири милиони евра, а Рома требаше да добие околу 1,5 милиони евра.
Рома сега тврди дека во договорот ставила клаузула дека мора да добие 40 отсто од следната продажба на Калафиори и бара осум милиони евра.
Во Базел сметаат дека обврските во Рома ги исполниле во моментот кога уплатиле пари од трансферот на Калафиори во Болоња. Швајцарците немаат намера да и исплатат на Рома осум милиони евра.
Извесно е дека случајот ќе заврши на суд, а најмногу штета ќе претрпат Арсенал и Калафиори.
Арсенал експресно го заврши трансферот бидејќи планот на менаџерот Артета беше Калафиори да биде со тимот од првиот ден на подготовките.
Ако случајот заврши на суд прашање е дали Арсенал ќе сака да го реализира траснферот или ќе се повлече.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.