Македонија
(Видео) Активни пожарите на Серта и Огражден: гори во Кумановско, Велешко, Штипско, Битолско, Охридско
Регионалниот ЦУК Куманово, известува дека околу 12:00 часот започнат е пожар во атар на с.Алгуња, Маало Голиновци. Со пожарот е зафатена ниска вегетација, грмушки и појаси со шума. Пожарот е проширен кон с.Челопек. Во гаснењето н апожарот интервенирале 8 пожарникари со 1 ПП возило од ТППЕ Старо Нагоричане, 4 лица од ЈП Козјак од Старо Нагоричане како и 1 екипа од ТППЕ Куманово. Од утринските часови е планирано во гаснењето на пожарот да биде вклучен е хеликоптер на МВР како и 30 војника од Армијата.
Регионалниот ЦУК Битола, известува дека пожарот во атарот на село Небрегово (општина Долнени) и м.в. Дервен, кој што започна 18.07.2024 година, а зафатена е ниска вегетација и ниска деградирана мешана шума, е сеуште активен. Во текот на денот во негово гаснење биле ангажирани 3 пожарникари со 1 ПП возило од ТППЕ – Прилеп.
Пожарот кај с.Богомила (општина Чашка) кој на 21.07.2024 околу 11:00 часот префрлил во атарот на село Гостиражни (Општина Долнени), и зафатил нискостеблеста вегетација и мешана шума, а е на околу 2 км од с.Гостиражни и засега не е загрозено селото и манастирот Св.Петка и е сеуште активен.
Во текот на денот во негово гаснење биле ангажирани 8 пожарникари со 2 ПП возила од ТППЕ – Прилеп, 1 вработен од ДЗС – Прилеп со 1 ПП возило и 1 багер од ЕЛС – Долнени. Од 18:55 часот ТППЕ Прилеп известуваат дека на интервенција се 15 пожарникари со 3 ПП возила.
Регионалниот ЦУК Охрид, известува дека шумскиот пожар во атарот на селата Тажево и Брезница-Македонски Брод е на непристапен терен каде што гори борова шума и е сеуште активен. Во текот на денот немало дејствување на воздухоплови. ТППЕ – Македонски Брод информираат дека 2 пожарникари и 40 припадници на АРМ извршуваа гаснење на пожарот. Вработените од Јасен 15 вкупно заедно и со други своиколеги и со 30 војници го одбранија Јасен да не влезе пожарот од кај реката понорница Оча кај Борова брезница.
Пожарот во атарот на с.Девич и с. Слатина М.Брод е локализиран, но не целосно изгаснат. Во гаснењето на пожарот во текот на денот интервенирале ТППЕ – М.Брод со 1 ПП возило и 5 пожарникари и 10 припадници на Армијата.
Во 09:00 часот започнат е нов пожар на место викано Стромол во атар на с.Пласница, Општина Пласница. На терен биле излезени 2 лица од ЈП НШ подружница Сандански од Македонски Брод. Пожарот се простира на непристапен терен и гори ниска вегетација, букова и дабова шума. Во текот на денот лицата што биле на терен само вршеле обиколка, но не дејствувале.
Регионалниот ЦУК Велес, известува дека шумски пожар помеѓу с..Габровник и с.Мокрени, Општина Чашка на планината Бабуна е се уште активен. На терен интервенираа екипа од ЈП Национални шуми Бабуна Велес 10 вработени. Исто така известуваат дека пожарот се движи кон с.Габровник и дека гори квалитетна шума. Екипите од 10 Лица од ЈП Национални шуми подружница Бабуна -Велес во 17:40 часот се повлечени од терен. На лице место е останато едно лице техничар на надгледување. Теренот е доста непристапен.
Во текот на денот се појавил нов пожар на место викано Мукос, Општина Чашка. Истиот е префрлен од страната на Прилеп и на тој може да се дејствува само со воздухоплов, бидејќи теренот е непристапен и да се стаса до истиот на силите кои би гаселе од копно им се потребни 30 км одење пешки по земјен пат.
Пожарот кај село Калањево е локализиран. На терен биле присутни патроли од ТППЕ Неготино со 3 пожарникари, 5 лица од ловното друштво Вардар, 5 лица од национални шуми –Демир Капија и 1 багер во сопственост на ЈП за одржување на магистралните и регионалните патни правци.
Пожарот во рамките на армискиот полигон Криволак од неготинска страна е ставен под контрола. Во текот на денот е побарана помош од страна на Армијата од 1 цистерна на ТППЕ Неготино за гасење на пожарот во армискиот полигон Криволак кај месноста Јаношево. Во гаснењето на пожарот интервенирале припадници на Армијата.
Регионалниот ЦУК Штип, известува дека пожарот кој избувна на 12.07.2024 година, во атарите на селата Пухче и Селце на планината Серта е сеуште активен. Во текот на денот во негово гаснење интервенирале ТППЕ-Штип со 1 ПП возило и 4 пожарникари, Ловочувари од ловиштето „Серта„ 5 лица со 1 теренско возило (обиколка на ловиштето), локално население од с.Селце-3 лица. Интервенцијата на овој дел од пожарот е завршена во 18.30 часот. Не се забележувало активно горење, но има чадење.
Активен е пожарот на ниска вегетација од штипскиот дел на полигон Криволак. Во гаснењето на пожарот во текот на денот интервенирале 50 војници на Армијата, 1 лице од РЦУК Штип со 1 теренско возило и 2 ер трактори на ДЗС кои извршиле 28 налети. Екипите се повлечени од терен и нема активно горење.
Регионалниот ЦУК Струмица, известува дека шумскиот пожар на планината Огражден кај с.Бадилен е повторно активен. Пожарот се простира на непристапен терен и во текот на денот немало екипи за гаснење. На ден 23.07.2024 година ќе се планира екипа од ТППЕ Струмица да излезе на терен и да интервенира на пристапните места.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на министерот Муцунски со шефот на Мисијата на ОБСЕ во Скопје, Вал
Министерот за надворешни работи и надворешна трговија, Тимчо Муцунски, денеска оствари средба со шефот на Мисијата на ОБСЕ во Скопје, амбасадорот Килиан Вал. На средбата беше потврдена долгогодишната соработка со ОБСЕ во различни области, при што беше изразена поддршка за напорите на Организацијата насочени кон зајакнување на соработката и одржување на мирот во регионот на ОБСЕ, извести МНР.
Двајцата соговорници изразија задоволство од досегашната соработка помеѓу ОБСЕ и македонските институции, и ја потврдија подготвеноста за нејзино продолжување. Тие разменија мислења и за тековните активности на Мисијата и заеднички ја реафирмираа посветеноста на продолжување на проектите кои ги поддржуваат реформските процеси на новата Влада.
Македонија
ЛДП со реакција за изјавата градоначалникот на Кисела Вода: Сепак има надеж
ЛДП реагираше на изјавите на Орце Ѓорѓиевски во врска со можноста за отповикување на градоначалници, нагласувајќи дека оваа иницијатива не е нова, туку е дел од нивните заложби кои претходно не биле поддржани ниту јавно ниту во Собранието.
„ЛДП ја истакна потребата за воспоставување на механизам за отповикување на градоначалници преку референдум, со цел поголема отчетност и одговорност на локалните лидери. Оваа иницијатива, која партијата ја поддржува подолг период, се заснова на примери од европските земји како Обединетото Кралство, Полска и Молдавија, каде ваквите механизми веќе се применуваат.
Според нив состојбата во која градоначалниците можат да ги поминат своите мандати без да одговараат за несработеното, ги оштетува општините и граѓаните. Иницијативата за отповикување на градоначалници се споменува како начин за подобрување на транспарентноста и одговорноста на локалната власт кон оние кои ја избрале“, велат од ЛДП.
Од партијата потсетија дека уште изминатата година кога ја пласираа идејата за доверба или отповикување на градоначалник истата беше отфрлена.
„Воедно минатата недела поднесовме амандман на измените во законот за локална самоуправа, кој за жал не беше поддржан во Собранието. Но, добро е што само по неколку дена доаѓаат позитивни реакции и изјави по однос на нашата заложба. Подаваме рака да го изработиме предлогот и да го усвоиме сите заедно во интерес на граѓаните“, истакнуваат од ЛДП.
ЛДП почнува серијал на јавни трибини со сите засегнати страни, а пред се со граѓаните затоа што предлогот ги има нив во фокусот: да добијат отчетни институции кои ќе им служат лично нив, а не на сопствените и партиски интереси. Институции исклучиво по европски стандарди и хармонизација со европското законодавство. ЛДП го повикува претседателот на ЗЕЛС и Министерот за локална самоуправа да се приклучат на оваа иницијатива.
Македонија
Претседателката Сиљановска Давкова се обрати на дискусијата „Младите и внатрепартиската демократија“
Претседателката Гордана Сиљановска Давкова се обрати на дискусијата „Младите и внатрепартиската демократија“, што се одржа во Кабинетот на Претседателот по повод 15 септември – Меѓународниот ден на демократијата.
Во дискусијата учествуваа подмладоци од политичките партии во земјава кои ги претставија своите погледи и искуства за улогата и положбата на младите во политичките партии кадешто членуваат и разменија идеи и препораки за подобрување на внатрепартиската демократија и за поттикнување на младинскиот ангажман во политиката.
Претседателката Сиљановска Давкова во обраќањето пред политичките подмладоци посочи дека демократизацијата на политичките партии е клучна за демократизацијата на политиката. Таа се осврна на процесите на внатрепартиското одлучување, на процесите на кандидирање и избор на партиските функционери, посочувајќи дека е неопходна децентрализираност на партиите, почитување на различни тенденции и мислења внатре во партиите и поавтентичен настап на локалните партиски организации.
Во таа насока, таа говореше за потребата од одговорност внатре во партијата, неопходноста од реформи, партиципативна политичка култура и промени во пристапот и комуникацијата на партиите со јавноста.
Претседателката во своето обраќање се осврна и на структурата на партиите и нивното претставување од аспект на родовата застапеност, истовремено посочувајќи дека дејствувањето на политичките партии во голема мера зависи од етичкиот капацитет на водството и на лидерот.
Претседателката ја поддржа потребата од поголема вклученост на младите во носењето на партиските одлуки, истакнувајќи дека тие треба да бидат најсубверзивниот елемент којшто ќе влијае на демократизацијата на овие процеси и на партиското одлучување.
Истакнувајќи ја важноста на внатрепартиската демократија, младите ги разгледаа можностите и начините за нивно поголемо влијание врз политичките процеси, преку активно учество и инклузија во партиските структури.
Политичките подмладоци како генератори на идното партиско лидерство ја истакнаа важноста од едукација и сензибилизирање за демократијата и нејзините сфаќања помеѓу младите.