Спорт
Днипро-1 ги предаде европските натпревари и се повлече од националниот шампионат
Европската фудбалска асоцијација (УЕФА) соопшти дека украинскиот тим Днипро-1 е исфрлен од квалификациите за Конференциската лига. Днипро-1 се соочува со банкрот и како што стојат работите клубот ќе престане да постои.
Украинците во квалификациите за Конференциската лига требаа да се сретнат со Пушкаш Академија (Унгарија), но вчера ја известиле УЕФА дека не се во состојба да ги одиграат натпреварите од второто квалификациско коло. УЕФА веќе ги регистрираше двата натпревар со службен резултат 3:0 за Пушкаш Академија.
Во последната сезона од украинската Премиер лига, Днипро-1 го зазеде четвртото место, со што се пласираше во Конференциската лига.
Во понеделникот, УЕФА објави официјално соопштение во кое ја информира јавноста дека Днипро-1 нема да игра во нејзините натпреварувања оваа сезона.
Со ова се потврдија шпекулациите од претходниот период. Украинските медиуми на почетокот на јули пишуваа за финансиските проблеми на клубот и дека Днипро-1 е соочен со банкрот. Украинската лига минатата недела и официјално го објави повлекувањето на Днипро-1 од натпреварувањето, а следеше и логично исфрлање на овој тим од Европа.
На клубот му повтори ситуацијата од пред пет години, кога беше распуштен оригиналниот Днепар, исто така поради финансиски проблеми.
Не така одамна овој украински клуб имаше фантастични резултати, пред две години се пласираше во осминафиналето на Конференциската лига. Инаку, во 2015 година, оригиналниот Днипро стигна до финалето на Лига Европа, кое го загуби од Севилја со 3:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Тер Штеген
Капитенот на Барселона, Марк-Андре Тер-Штеген ја заврши сезоната 2024/25. Германецот се повреди во финишот на првото полувреме, против Виљареал, каде Барселона победи со 5:1.
Голманот на Барселона заработи тешка повреда на коленото, а според првите прогнози ќе отсуствува меѓу седум и девет месеци. Во најдобар случај би можел да се врати во финишот на сезоната.
Вечерва, Тер-Штеген незгодно се приземји по еден корнер, веднаш се фати за коленото, беше изнесен на носилки и набргу по натпреварот се потврдија лошите прогнози.
Работите да бидат уште полоши, тој е вториот играч за кого оваа сезона е завршена, претходно истото му се случи на младиот Марко Бернал. Тој против Рајо Ваљекано ги скина лигамнетите во коленото и ќе паузира околу 12 месеци.
Младиот Инаки Пења повторно ќе треба да го замени Тер-Штеген, што го направи пред точно една година, кога Германецот отсуствуваше два месеци.
Прашање е и дали Барселона ќе донесе нов голман во зимскиот преоден рок.
Спорт
(Видео) Гвардиола и Артета не се задоволни од судењето во дербито
Манчестер сити и Арсенал ремизираа 2:2 во дербито од петтото коло на англиската Премиер лига. Сити поведе со голот на Ерлинг Халанд во деветтата минута, но Арсенал направи пресврт во првото полувреме со головите на Рикардо Калафиори и Габриел. Џон Стоунс погоди во 98. минута за реми.
И двајцата тренери се осврнаа на судењето на Мајкл Оливер по натпреварот. Менаџерот на Сити, Пеп Гвардиола протестираше поради првиот гол на Арсенал. Имено, Арсенал го постигна тој гол откако неговите играчи изведоа слободен удар додека десниот бек на Сити, Кајл Вокер беше надвор од позиција бидејќи судијата како капитен го повика на разговор на центарот на теренот. Вокер не се врати на своката позиција, а Арсенал разви акција од која постигна гол.
„Следниот пат кога судијата ќе го повика капитенот на разговор, нема да оди. Тој мора да им дозволи да се вратат на нивната позиција. Но, во исто време мора да избегнеме такви брзи додавања, знаеме дека играат брзо, мораме подобро да ја организираме одбраната“, изјави Гвардиола по натпреварот.
Тренерот на Арсенал, Микел Артета го обвинува судијата што му дал втор жолт картон на Леандро Тросард во судиското надополнување во првото полувреме поради шутирање на топката по свирежот.
„Претпочитам да не коментирам бидејќи видов се, тоа е толку очигледно. Ќе оставам на вас. Веќе има проблеми кога го коментирав судењето“, рече тој на конференција за медиуми, а еден новинар спомна дека играчот на Сити, Џереми Доку не добил жолт картон за слично однесување.
„Тоа сакам да го кажам, она што го велам толку очигледно што мислам дека е непотребно да се коментира. Очекувам 100 натпревари во Премиер лигата оваа сезона да се одиграат десет на 11, десет до десет или девет до десет
Спорт
(Видео) Црногорец го имитираше Суарез го гризна противникот
Црногорскиот фудбалер Милутин Осмајиќ беше главен актер на натпреварот помеѓу Престон и Блекбурн.
Натпреварто заврши без голови, но имаше неколку груби прекршоци кои беа санкционирани со два црвени картони.
И покрај се, потегот на Осмајиќ го одбележа натпреварот. По фаулот без потреба го сопна ривалот кој сакаше што поскоро да изведе аут, а фудбалерот на Никшиќ се изнервира и го гризна за врат.
Осмајиќ успеа да помине без картон.
Осмајиќ на тој начин потсети на Луис Суарез, кој неколку пати во кариерата имаше вакви испади на теренот.
Preston's Milutin Osmajic going all Luis Suarez as he appears to bite Blackburn's Owen Beck today.
Get got a yellow card.pic.twitter.com/ZTmpsNqox4
— Kyama (@ElijahKyama_) September 22, 2024