Спорт
Баерн ја одби понудата на Јунајтед
Манчестер јунајтед до крајот на преодниот рок ќе се обиде да ангажира уште еден дефанзивец. Минатата недела на „Олд Трафорд“ за 62 милиони евра од Лил пристигна 19-годишнот Лени Јоро.
Челниците на клубот не кријат дека нивна желба е Матијас Де Лихт. Холанѓанецот ги заврши преговорите, ја договори платата и време траењето на договорот, но Баерн досега ги одби сите понуди од Јунајтед.
Последната изнесува 35 милиони евра. Баерн бара најмалку 50 милиони евра за Холанѓанецот.
Германскиот новинар Кристијан Фалк најавува дека преговорите ќе продолжат бидејќи Де Лихт сака да се пресели на „Олд Трафорд“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Касано: Кристијано Роналдо не знае да игра фудбал
Антонио Касано „лудата глава“ на светскиот фудвал, по завршувањето на кариерата често со своите изјави крева „прашина во јавноста“.
Овој пат гостувајќи во една емисија удри по Кристијано Роналдо. Португалецот неодамна го постигна 900. гол во кариерата, но Касано смета дека има многу подобри играчи од Роналдо.
„Роналдо не знае да игра фудбал. Може да постигне три илјади гола, ме боли к.р! Игуаин, Агуеро, Бензема, Левандовски, Ибрахимовиќ и Суарез знаеја како да ја поврзат играта на својот тим. Знаеја многу работи, за разлика од Кристијано Роналдо, чија единствена цел отсекогаш била да постигне гол“, изјави поранешниот италијански репрезентативец.
Cassano: “CR7 doesn’t know how to play football. He could score 3000 goals, I don’t give a fuck. Higuain, Agüero, Benzema, Lewandowski, Ibrahimovic and Suarez knew how to link-up with the team. They knew how to do a lot of things, unlike Ronaldo who’s only objective has always been to score.”
byu/SubstantialSquash475 insoccer
Спорт
Силва објасни зошто Арсенал за Сити не е голем ривал како Ливерпул
Манчестер сити и Арсенал ремизираа 2:2, во дербито одиграно вчера во петтото коло во Премиер лигата. Сити од пораз се спаси во 98.минута со голот на со голот на Џон Стонс.
По натпреварот менаџерите Пеп Гвардиола и Микел Артета имаа примедби на судењто, додека фудбалерот на Сити, Бернардо Силва го критикуваше пристапот на Арсенал не само на овој туку и на претходните натпревари.
„Само еден клуб излезе да игра фудбал, противникот дојде да игра до границата на дозволеното и за жал тоа им го дозволи судијата. Но на крајот освоивме бод, не сме среќни бидејќи сакавме да победиме. Лично, среќен сум од начинот на кој игравме и пристапото што го имавме, мило ми е што сме тим кој на секој натпревар оди со желба за победа“, изјави Силва.
Потоа го спореди ривалството на Сити со Ливерпул во однос на Арсенал.
„Можеби тоа е затоа што Ливерпул ја освои Премиер лигата, а Арсенал не. Ливерпул исто така ја освои Лигата на шампионите, а Арсенал не. Ливерпул има ист пристап каков што имаме ние, на секој натпревар оди на победа. Од таа перспектива, нашите натпревари со Арсенал никогаш не биле како тие со Ливерпул, а не се ни сега“, потенцира Силва.
Сити е лидер на табелата со 13 бодови, Ливерпул и Астон Вила имаат по 12, а Арсенал 11.
Спорт
Македонскиот шахист Тони Лазов олимписки вицешампион
Македонскиот интернационален мајстор Тони Лазов освои сребрен медал на втората табла на 45. Шаховска олимпијада што се одржа од 10 до 22 септември во Будимпешта.
Лазов, кој го почна турнирот со рејтинг 2360, освои 7,5 поени од осум партии и со рејтинг-перформанс 2763 заврши втор на втората табла, зад олимпискиот првак, велемајсторот Таи Даи Ван Нгујен од Чешка со 2783, а бронзата му припадна на Едиз Ѓурел од Турција со 2755.
Пред 24-годишниот неготинец капитулираа велемајсторите Качпер Пјорун (рејтинг 2599) од Полска и Јаник Пелетје (2526) од Швајцарија, ИМ Аделард Баи (2378) од Тајван, ФИДЕ-мајсторите Диого Алјо (2192) од Зеленортските Острови и Рикардо Ернесто Чавез (2185) од Ел Салвадор, кандидат-мајсторот Џејмисон Едрих Као (2125) од Хонгконг и Коси Тиери Егбе (1847) од Того. Единственото реми го забележа против ВМ Јорден ван Хорест (2696) од Холандија.
Ова е четврти поединечен медал за Македонија на шаховските олимпијади по бронзениот на учителот на Лазов, ВМ Трајко Недев, во Ереван 1996 со 8 поени од 11 партии како резерва, златниот на ВМ Драгољуб Јаќимовиќ на третата табла во Истанбул 2000 со 7/9 и среброто на ВМ Владимир Георгиев на третата табла во Калвија (Шпанија) со 9/12.
Македонија во Будимпешта го освои 61. место во конкуренција на 188 машки селекции со 6 победи и 5 порази.
Златниот медал ѝ припадна на Индија, сребрениот на САД, а бронзениот на Узбекистан.