Спорт
Хавиер Агире ќе го подготвува Рафа Маркез за негов наследник
Хавиер Агире трет пат е назначен за селектор на фудбалската репрезентација на Мексико. Прв помошник ќе му биде биде Рафаел Маркез, соопштија од Мексиканската фудбалска федерација.
„Агире е без сомнение мексикански тренер со најдолга и најпозната кариера во странство, а исто така има широко познавање за тоа како функционираат националните тимови“, изјави денеска директорот на репрезентацијата на Мексико, Дуилио Давино.
Според него, идејата е Рафаел Маркез да му биде помошник на Агире во следните две години, со цел искусниот селектор да го подготви да ја преземе репрезентацијата во трката за СП 2030 година.
„Рафа е еден од најважните мексикански фудбалери на сите времиња, со брилијантна национална и меѓународна кариера, а тренерската кариера ја започна во голем клуб. Му понудивме да биде асистент до 2026 година, за да може да го подобри своето знаење и на крајот да ја преземе репрезентацијата“, додаде Давино.
Агире (65) беше селектор на Мексико од 2001 до 2002 година и повторно од 2009 до 2010 година, на две светски првенства ја предводеше репрезентацијата до осминафиналето.
Во текот на својата кариера, тој ги водеше Атлетико Мадрид, Осасуна, Сарагоса, Еспањол, Мајорка и многу други клубови, како и репрезентациите на Јапонија и Египет.
Од друга страна, Рафаел Маркез (45), долгогодишниот фудбалер на Барселона кој забележа 147 настапи за мексиканската репрезентација, по завршувањето на кариерата започна да работи како тренер, во претходните две сезони го водеше Б тимот на Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Каи Хаверц, најлоша партија во историјата на Премиер лигата
Манчестер сити и Арсенал ги поделија бодовите во дербито во Премиер лигата. Натпреварот заврши со резултат 2:2, а дуелот ќе остане запаметен по катастрофалната статистика на Каи Хаверц, најлоша откако се води статистиката во Премиер лигата.
Германскиот репрезентативец ги помина сите 90 минути на теренот (ако се смета и надополнувањето на времето и многу повеќе) и за тоа време не направи ништо, буквално ништо.
Тој стана првиот играч кој немаше ниту едно успешно додавање до соиграч во текот на целиот натпревар. Од пет обиди, ниту една топка не заврши кај неговите соиграчи. Од седум дуели на земја, тој ги загуби сите седум, ги загуби сите четири „воздушни“ дуели.
Kai Havertz is the first player to play 90 minutes and complete 0 passes in a game in the last 7 PL seasons. pic.twitter.com/EjDoC9kEKa
— StatMuse FC (@statmusefc) September 22, 2024
Спорт
Потер ја следи ситуацијата во Евертон, подготвен е да ја прифати понудата ако Дајч добие отказ
Поранешниот менаџер на Брајтон и Челзи, Греам Потер е подготвен да се врати на работа.
Потер пред 18 месеци го напушти Челзи, оттогаш се поврзува со бројни клубови како Кристал Палас, Ајакс, дури и со клупата на англиската репрезентација, но конкретни преговори не водел со ниту еден клуб.
Поранешниот тренер на Брајтон сега го следи расплетот на ситуацијата во Евертон и е подготвен да ја прифати понудата на клубот во случај Шон Дајч да добие отказ.
Евертон е изедначен на последното место во Премиер лигата со Вулверхемптон со само еден освоен бод и гол разлика 5:14.
Шон Дајч и претходно бил во слични ситуации, но секогаш наоѓал начин да се извлече.
Ако сега не му успее, Греам Потер е подготвен да го преземе великанот од „Гудисон“.
Во следното коло Евертон го пречекува Кристал Палас.
Спорт
(Видео) Билансот на „Виенскиот срам“, се бројат повредени полицајци
Големото дерби меѓу виенските ривали Австрија и Рапид мина во сенка на жестоко насилство на хулиганите на двата клуба.
Натпреварот заврши со победа на домаќинот Рапид (2:1), кој со тоа го зазеде првото место на табелата. Ден по дербито ретко кој зборува за играта, головите, убавите потези.
Според официјалниот полициски извештај, шестмина припадници на оваа служба биле повредени при големите немири кои се случиле на самиот терен, каде се судриле хулиганите на двата клуба.
Вкупно во текот на вечерта во болницата помош побарале девет лица.
Ситуацијата, да потсетиме, ескалира кога најжестоките приврзаници на Рапид, многумина со маски, истрчаа кон гостинската трибина, вооружени со стапови и пиротехнички средства, целосно подготвени за напад. Нивните соперници веднаш реагираа, па тој дел од теренот се претвори во вистинско бојно поле.
Австриските медиуми во преден план го потенцираат и отсуството на каква било реакција од страна на редарите, кои стоеја на страна и го следеа судирот на хулиганите“.
И полицијата не реагираше веднаш, туку тргна во акција неколку минути по најсилниот судир на хулиганите, што беше тема и на австриските медиуми.
„Поразот на виенскиот фудбал“ е можеби најдобриот опис на страниците на „Курир“ по се што се случи во неделата вечерта на стадионот Рапид.
22/09/2024 Austria 🇦🇹 Rapid Wien – Austria Wien pic.twitter.com/zDJLiFYirr
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) September 22, 2024