Потврдено е дека Пол Мескал и Бери Киган ќе бидат дел од актерската екипа што ќе ги оживее членовите на „Битлси“ на филмското платно.

Мескал, кој e познат по неговите улоги во „Нормални луѓе“ и „Гладијатор 2“, ќе го глуми Пол Макартни, додека ѕвездата на „Солтбурн“, Киган ќе го глуми Ринго Стар.

Џон Ленон ќе го глуми Харис Дикинсон, кој неодамна глумеше заедно со Никол Кидман во „Бејбигрл“. Џозеф Квин од филмот на Марвел „Фантастична четворка“ ќе го глуми Џорџ Харисон во филмската тетралогија во режија на Сем Мендез.

Режисерот, кој повеќекратен добитник на Оскар, се појави на „Синемакон“ во Лас Вегас заедно со четворицата актери. Тој објасни дека ќе има четири филма и секој од нив ќе се фокусира на еден член на легендарната група.

The Beatles – A Four-Film Cinematic Event, directed by Sam Mendes.

Harris Dickinson (John Lennon)
Paul Mescal (Paul McCartney)
Barry Keoghan (Ringo Starr)
Joseph Quinn (George Harrison)

In theatres April 2028. #TheBeatlesFourFilmCinematicEvent pic.twitter.com/mREL0nPcfC

— Sony Pictures (@SonyPictures) April 1, 2025

„Секој филм е раскажан од личната перспектива на еден од членовите. Нивните патишта се вкрстуваат на различни начини – понекогаш се преклопуваат, понекогаш не. Тие се четири многу различни луѓе. Можеби ова е можност да се разберат подлабоко. Сите четири филма заедно ќе ја раскажат приказната за најдобриот бенд во историјата“, рече Мендез на настанот.

Филмовите за „Битлси“ ќе бидат објавени во 2028 година.

Не е само изгледот на нашата кожа или тело што не прави постари. Начинот на кој се шминкаме, држењето на телото, па дури и нашиот ентузијазам за живот може да додаде години на нашиот изглед.

Некои веднаш посегнуваат по ботокс или козметички зафати за да ја зачуваат својата младост, но забораваат дека младоста доаѓа од внатре колку и однадвор. Малите промени во животниот стил можат да направат голема разлика во тоа како изгледаме и се чувствуваме.

Навики кои прават да изгледате постаро

1. Прекумерна шминка
Шминката може да ги нагласи природните карактеристики и да ги скрие несовршеностите, но прекумерната употреба може да има спротивен ефект и да направи да изгледате постаро. Покрај тоа, може да ја исуши кожата и да ги затне порите, а со тоа да го забрза процесот на стареење.

2. Премногу парфем
Стереотипот на баби кои се капат во силен парфем не е без причина. Кога станува збор за мириси, важи правилото – помалку е повеќе.

3. Игнорирање на заштитен фактор
Сите дерматолози го велат истото – заштитата од сонце е клучна за младешки изглед. Ултравиолетовите зраци го забрзуваат стареењето на кожата, па секојдневното нанесување крем со заштитен фактор треба да стане рутина.

4. Лошо држење на телото
Спуштеното држење не само што додава години на вашиот изглед, туку долгорочно може да доведе до искривен ‘рбет и спуштени раменици – давајќи ви класичен „стар“ изглед.

5. Премногу време на екранот
Сината светлина што ја емитуваат екраните на нашите уреди може да и наштети на кожата, додека часовите поминати со главата наведната над мобилниот телефон резултираат со збрчкан врат и уморен изглед.

6. Претерано пиење алкохол и кофеин
Алкохолот ја дехидрира кожата и ги разградува колагенот и еластинот, што доведува до предвремено стареење. Слично на тоа, премногу кофеин може да ја исуши кожата, да предизвика темни кругови и рани брчки.

7. Премногу шеќер во исхраната
Покрај тоа што го зголемува ризикот од дебелина и дијабетес, прекумерното внесување шеќер ги оштетува колагенот и еластинот, што ја прави кожата безживотна, сува и склона кон брчки.

8. Пушење
Пушењето прави да изгледате постаро на повеќе начини – освен што е застарена навика, го разградува колагенот, предизвикува опуштена кожа и сивкав тен.

9. Често хранење надвор од домот
Оброците од рестораните обично се богати со шеќер, сол и нездрави масти, што го зголемува бројот на слободните радикали во телото и го забрзува стареењето на кожата.

10. Премногу сериозен однос кон животот
Луѓето кои се смеат, се забавуваат и пробуваат нови работи секогаш изгледаат помлади. Животот може да биде предизвик, но не заборавајте да се насмевнете и да го правите она што ве прави среќни.

Џенифер Лопез и нејзиното небинарно дете Еми Марибел Муниз (17) беа фотографирани заедно на Бродвеј, каде присуствуваа на премиерата на „Good Night, and Good Luck“ во која глуми Џорџ Клуни.

Џеј Ло и Еми се појавија во елегантни црни комбинации, Џенифер во долг црн фустан со длабоко деколте, а Еми во црн костум и бела кошула со вратоврска.

Неодамна Џенифер и Еми заедно ја посетија премиерата на претставата Отело, во која главните улоги ги толкуваат Џејк Гиленхал и Дензел Вашингтон. После тоа, Лопез на Инстаграм го нарече излегувањето со детето „најдобар состанок“. Наводно, тогаш еден од фотографите премногу се зближил до Еми, поради што Џенифер морала да реагира.

„Таа стана како мајка мечка, почна да вика“, изјави извор за „Пејџ Сикс“.

View this post on Instagram

A post shared by Jennifer Lopez (@jlo)

Пејачката и актерка повеќе пати јавно зборуваше за посебниот однос кој го има со своите деца. Во интервју за „Пипл“ во 2020 година, таа истакна: „Тоа е безусловна љубов. Знам дека сите така се чувствуваат за своите деца, но имам чувство дека тие се навистина посебни. Едвај чекам да видам што ќе постигнат во животот“.