Забава
Откриено колку заработил принцот Вилијам за една година: наследил и мал град
Како дел од војводството Корнвол, принцот Вилијам го наследил и малиот град Паундбери, еден вид социјален и архитектонски експеримент на татко му.
По смртта на кралицата Елизабета Втора во септември 2022 година, на принцот Вилијам му беше доделено профитабилното војводство Корнвол.
Принцот Вилијам ги доби титулата војвода од Корнвол и придружниот имот, кој во претходната година, според последните извештаи, заработил дури 30,4 милиони долари.
Тој ги наследи овој профитабилен имот и титулата од својот татко откога Чарлс стана крал во септември 2022 година, а тоа е војводство кое, всушност, е приватна кралска земја, каде што принцот Вилијам и неговото семејство имаат право да организираат „службени, добротворни и приватни активности“.
Војводството Корнвол се проценува на 1 милијарда долари, покрива приближно 531 квадратен километар и опфаќа приближно 20 окрузи. Во 1337 година бил основан од кралот Едвард III за приватни потреби, но денес на него има многубројни мали бизниси, кои му носат поголем профит на принцот Вилијам.
Имено, постојат мали семејни бизниси, кои одгледуваат добиток, овошје и зеленчук на своите фарми, потоа станбени области и недвижности за деловни и комерцијални цели, како и километри реки, шуми, брегови и каменолом.
Се очекува војводството да се управува „на начин што е еколошки и финансиски одржлив и од значајна вредност за локалната заедница“, се вели во извештајот за 2023 година.
Војводата од Корнвол доброволно плаќа данок на доход на годишниот вишок на приход што го добива по одбивањето на деловните трошоци. Имотот е ослободен од данок на доход бидејќи не е посебно правно лице.
Како дел од војводството Корнвол, принцот Вилијам го наследил и малиот град Паундбери, еден вид социјален и архитектонски експеримент на татко му. Имено, се работи за вештачко гратче, кое е изградено од темел според принципите на традиционалната британска архитектура, со голем број станбени, деловни и комерцијални простори, пренесува „Тпортал“.
Овој пристап промовира заедница во која луѓето може да живеат, работат и да купуваат во иста област намалувајќи ја потребата за патување со автомобил и охрабрувајќи го населението да пешачи и да поминува време во многуте паркови и градини.
Кралот Чарлс Трети инсистира на принципите на одржлив развој, вклучително и користење обновливи извори на енергија, зачувување на ресурсите и изградба на енергетски ефикасни згради.
Сепак, Кејт и Вилијам за време на серијата турнеи во 2023 година, во кои целосно го посетија величествениот имот, покажаа дека не станува збор за уште една титула и дополнителен имот од кој ќе го жнеат профитот, туку за земјиште чија вредност навистина знаат да ја препознаат.
Сепак, иако заработката од нешто повеќе од 30 милиони долари звучи одлично, во реалноста тој мораше да му даде половина на Чарлс, а потоа уште половина за понатамошни инвестиции. Причината е едноставна – тој го наследил војводството во средината на фискалната година по што управителите на имотот побарале од него да остави дополнителни 8,67 милиони долари како капитал за понатамошен развој.
Покрај тоа, извештаите тврдат дека идниот британски монарх од кралицата Елизабета Втора ја наследил веројатно омилената улога на покровител на Фудбалскиот сојуз, во која особено ќе ужива како жесток фудбалски навивач.
Пред и за време на ЕП имавме можност да видиме колку страсно ја прифати оваа задача и верно ги следеше избраниците на Саутгејт од подготовките до (уште едно) изгубено финале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Поранешниот стилист на принцезата Дајана ја брани Кејт Мидлтон: „Шокиран сум од количината злонамерни коментари“
Неодамнешното јавно појавување на Кејт Мидлтон предизвика бура на социјалните мрежи, а корисниците не штедеа зборови. Сепак, имаше и такви кои застанаа во нејзина одбрана.
Кејт Мидлтон е во центарот на вниманието на јавноста со денови. По борбата со ракот, принцезата од Велс одлучи да направи мала, но значајна промена во својот имиџ за да го најави почетокот на ново поглавје во нејзиниот живот.
Кафеавите локни некогаш беа нејзин заштитен знак, но сега златните тонови и посветлите прамени доминираат во нејзината нова фризура. Наместо позитивни и охрабрувачки реакции од јавноста, саканата британска принцеза мораше да се соочи со неосновани критики.
Се чини дека овие зборови предизвикаа гнев и кај Сем Мекнајт, поранешен стилист на принцезата Дајана во 90-тите. Тој остро ги осуди сите коментари и застана во одбрана на Кејт Мидлтон.
Тој отворено и без резерва го искажа своето мислење за оваа деликатна ситуација на Инстаграм и нагласи дека е „шокиран и разочаран од количината злонамерни коментари“.
„Женската коса е лична работа за секоја жена – таа е симбол на сила, заштита, самодоверба и многу повеќе од тоа. Не можам да верувам колку многу лоши коментари има и недостаток на емпатија во нив“, рече тој, додавајќи дека е особено изненаден од негативните реакции на другите жени.
Тој ја потсети јавноста дека Кејт моментално поминува низ тежок период од својот живот, но дека сè уште ги извршува своите кралски должности со достоинство.
„Ракот влијае на поединците различно, но го менува животот на секого. Затоа, оставете ја на мира. Срам да ви е“, заклучи тој.
фото: принтскрин
Забава
Руската вакцина против рак може да го промени животот на милиони пациенти
Русија го заокружи развојот на својата вакцина против рак, која успешно ги помина претклиничките испитувања и е подготвена за клиничка употреба по добивањето на лиценца, објави Вероника Скворцова, раководителка на Федералната медицинска биолошка агенција (ФМБА).
„Кон крајот на летото 2025 година поднесовме документи до Министерството за здравство за добивање лиценца за клиничка употреба. Истражувањето траеше неколку години, а последните три години беа посветени на претклинички студии. Вакцината е подготвена, чекаме лиценца“, изјави Скворцова.
Истражувањата покажале дека вакцината е безбедна за повеќекратна употреба и ефикасна во намалувањето на големината на туморите и забавувањето на нивниот раст. Дополнително, резултатите укажуваат на продолжено преживување на пациентите.
„Прво ќе ја применуваме кај пациенти со колоректален карцином. Истовремено, во последната фаза од развој се вакцини за глиобластом – малигнен мозочен тумор, и одредени видови меланом, вклучувајќи и очни мембрани. Овие болести се многу агресивни и потребни се брзи решенија“, додаде Скворцова.
Таа потсети дека во ноември 2024 година најавила дека ФМБА планира персонализиран третман со вакцина против рак за пациенти од 2025 година, во присуство на претседателот на Русија.
Забава
Две причини зошто треба да го оставите детето да оди босо
Многу родители се плашат да го пуштат своето дете да оди босо поради можни повреди или бактерии, но мало дете има многу придобивки од одењето босо – од зајакнување на стапалата и нозете до развивање чувство за рамнотежа.
Двете најчести причини зошто родителите не им дозволуваат на своите деца да трчаат боси се стравот од повреда од стапнување на остар предмет и избегнување кожни заболувања што може да ги добијат.
Сепак, мали се шансите такво нешто да се случи на површините за играње бидејќи тие се транспарентни и лесно се забележуваат опасни предмети. Исто така, оние што често одат боси развиваат зголемена свест за тоа каде стапнуваат, а нивните стапала се стврднуваат и создаваат природна заштита.
Исто е и со бактериите. Нашата кожа е во состојба да ги држи подалеку. Рацете се многу повалкани бидејќи ги користиме за да зграбиме сè и сешто, а децата редовно ги ставаат во уста.
Всушност, чевлите се соодветна средина за раст на бактерии и габи бидејќи тие создаваат темна, топла и влажна средина, каде што најлесно е бактериите да растат на детските стапала.
Кевин Гири, наставник, гуру за родители и автор на блогот „Револуционерен родител“, верува дека обувките се лоши за децата бидејќи ги уништуваат стапалата и го попречуваат природниот развој на движењето кај децата. Поради ова, вели тој, децата се поподложни на повреди на нозете и на стапалата.
Тој истакнува дека одењето боси ги зајакнува стапалата и долниот дел од нозете правејќи го детето повешто и посвесно за положбата на своето тело. Стапалата имаат повеќе од 200.000 нервни завршоци, што е најголема густина на мрежата на нерви во целото тело, токму за да бидеме побезбедни и подобро да се приспособиме на земјата под нас.
„Најлесниот начин да се развие чувство за рамнотежа кај бебињата е да им дозволите да одат боси колку што е можно повеќе“, вели педијатарот д-р Кејси Флегал.
„Друга придобивка е зајакнувањето на свеста за околината во која се движат бидејќи босите нозе испраќаат информации до мозокот, што ја подобруваат рамнотежата“, додава таа.
Децата што често се боси учат да се движат подобро. Четири милиони години нашите стапала се развивале без чевли, а нивното затворање во чевли и патики сигурно не е добар начин природните процеси на развој на одењето да се одвиваат како што е предвидено со еволуцијата.
На крајот на краиштата, не е сè ни во медицинските причини. Одењето со боси нозе значи давање задоволство на сетилата, што најдобро го чувствуваат малите деца за кои ова е секогаш радост. Помислете на тоа прекрасно чувство кога одите боси по песок или трева или во плитките води…
Фото: ЕПА
Сиљановска-Давкова по повод 8 Септември: Денес, 34 години потоа, сè уште водиме битка за суверена, рамноправна, модерна, стандардна, европска, правна држава, членка на Европската Унија
Претседателката на Македонија, Гордана Сиљановска-Давкова упати честитка по повод 8 Септември – Денот на независноста. „На 8 Септември 1991 година,...
(Видео) Трамп прашан дали ќе нареди напади врз Венецуела: „Ќе дознаете“
Американскиот претседател Доналд Трамп вчера даде интересен одговор кога беше прашан дали би наредил воени напади врз Венецуела. „Па, ќе...
Министерот Мисајловски со честитка до македонските граѓани по повод 8. Септември – Денот на независноста
Министерот за одбрана Владо Мисајловски им упатува честитки на македонските граѓани, по повод 8. Септември, Денот на независноста. Во честитката,...
Гаши: Време е секој од нас да придонесе во зајакнувањето на мирот, стабилноста и соживотот
Претседателот на Собранието на РС Македонија, Африм Гаши на сите граѓани им ја честита 34-годишнината од независноста на државата. „Денот...
(Фото) Вечерашниот небесен спектакл нема да се повтори сè до 2029 година
Љубителите на астрономијата и набљудувачите на ноќното небо вечерва имаа можност да уживаат во небесен феномен. Во ноќта помеѓу 7...
Полициски хеликоптер и два ер трактори се борат со пожарот кај Раштак
Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од...
28-годишен струмичанец сексуално злоставувал малолетна роднина
Дваесет и осумгодишен струмичанец е приведен под сомнение дека се обидел да изврши обљуба врз малолетничка со која бил во...
Сите хоспитализирани од пожарот во Виница се во стабилна здравствена состојба, соопшти МЗ
Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во...
Се урна покрив на супермаркет во Германија, двајца се тешко повредени
Две лица се тешко повредени, а уште двајца се со полесни повреди при делумно уривање на покрив на супермаркет во...
Руските сили извршија нов масовен напад врз повеќе региони во Украина, меѓу загинатите е и бебе
Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е...
Во пожарот во „Винчини“ повредени се пожарникари, доброволци и вработени во фабриката
Медицинска помош во текот на синоќешниот пожар во фабриката Макпрогрес-Винчини побарале 16 лица, изјави градоначалникот на Општина Виница, Миле Петков....
Зеленски тврди дека речиси 60 проценти од оружјето што го користи украинската армија се произведува во Украина
Украинскиот претседател Володимир Зеленски изјави синоќа дека речиси 60 проценти од оружјето што го користи украинската армија се произведува во...
Подметнат е големиот пожар кој избувна кај селото Косово Дабје близу планината Голак
Пожарот кој синоќа околу 23 часот избувна кај селото Косово Дабје во Општина Делчево, е целосно изгаснат и ставен под...
Пожарот во фабриката „Винчини“ е под контрола, пожарникарите со часови се бореле со огнот
Ставен е под целосна пожарот што изби вчера во фабриката за кандирани производи и вафли „Макпрогрес“ во Виница позната по...
Руската вакцина против рак успешно ги помина претклиничките испитувања и е подготвена за употреба
Руската вакцина против рак успешно ги помина претклиничките испитувања и е подготвена за употреба по добивањето лиценца, објави Вероника Скворцова,...
Чизмите им останале заглавени во стопен шеќер, повредени неколку пожарникари, пожарот во „Винчини“ под контрола
Неколку пожарникари се здобиле со изгореници на стапалата додека го гаснеле големиот пожар во фабриката „Винчини“. Тие се заглавиле во...
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
Пет лица повредени, една жена во критична состојба во сообраќајка во Скопје
Пет лица се повредени во сериозна сообраќајна несреќа што се случи вчера околу 19:30 часот на улицата Христијан Тодоровски Карпош...
На Табановце чекање и до 40 минути, АМСМ апелира за трпение
Долги колони возила се создаваат на граничниот премин Табановце, каде што за излез и влез во државата се чека и...
Во Украина има 700.000 руски војници, еве каде е најголемата концентрација
Главната дирекција за разузнавање на Министерството за одбрана на Украина (ГУР) информираше дека на територијата на Украина моментално има околу...
