Спорт
Во Денвер уапсен братот на Никола Јокиќ
Страхиња Јокиќ, братот на Никола Јокиќ, е уапсен и обвинет за напад на натпревар на Денвер Нагетс. Страхиња Јокиќ беше обвинет за напад од трет степен и прекршок и се појави во Окружниот суд во Денвер во вторникот, како што е соопштено од страна на. „Денвер Пост“.
Полицијата во Денвер првпат дознала за тепачката преку вирално видео на „Тик Ток“ на кое се гледаат „познати членови на семејството на играчот на Денвер Нагетс Никола Јокиќ како се расправаат со неидентификуван навивач на трибините“, се наведува во соопштението објавено по асењето на братот на Јокиќ.
На видеото се гледа „вербален конфликт“ меѓу навивачите и Страхиња и Немања Јокиќ пред еден од браќата да го удри навивачот во лицето, соопшти полицијата.
Еден детектив од Денвер го интервјуирал навивачот три дена по натпреварот на 22 април и забележал дека има исеченици и модринки околу и под левото око.
Мажот во полиција изјавил дека еден од браќата Јокиќ, „голем фраер“ го удрил со тупаница по лицето и дека нападот бил неиспровоциран. Полицијата подоцна го идентификувала Страхиња Јокиќ преку неговата тетоважа на вратот.
„На мажот подоцна му бил дијагностициран потрес на мозокот“, се вели во соопштението.
Најпрвин не сакал да го тужи Страхиња Јокиќ бидејќи се плашел од одмазда и се грижел за безбедноста на семејството, но на почетокот на мај се предомислил.
Кога полицијата стапила во контакт со него, Страхиња Јокиќ им рекол дека верува дека не направил ништо лошо бидејќи бранел постар човек кого долго време го познава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Ферстапен е најдобриот возач во историјата на Формула 1“
Герхард Бергер, поранешниот возач на Ферари во Формула 1, нема дилема кој е најдобриот на сите времиња.
Австриецот во преден план го стави актуелниот светски шампион Макс Ферстапен.
„Тој ја има таа неверојатна способност да го избере вистинскиот момент за претекнување. Тоа го немаа ниту Сена, ниту Шумахер, ниту Хамилтон“, изјави Бергер.
На пофалбите за Холанѓанецот им немаше крај.
„Макс е секогаш на вистинското место во вистинско време. На стартот, во првиот свиок, во дуел. Никој не го прави тоа подобро од него. Затоа мислам дека тој е најдобриот кој некогаш ја возел формулата“, вели Бергер.
Ферстапен досега има остварено 61 победа во кариерата и има три светски шампионски титули со добри шанси да освои четврта. Сепак, тој е се уште далеку од Хамилтон и Шумахер по бројот на вкупни победи и титули, кои освоија по седум пехари наменети за најдобриот во генералниот пласман.
Спорт
„Ѓоковиќ гоат? Лудо е да се дискутира за тоа“
Руската тенисерка Дарија Касаткина проговори за „големата тениска тројка“ во која се Новак Ѓоковиќ, Роџер Федерер и Рафаел Надал.
Таа истакна дека тројцата немаат конкуренција, прво рече дека не можат да ги споредуваат Рафаел Надал и Карлос Алкарас, но дека единственото нешто што им е заедничко е тоа што двајцата се од Шпанија, а потоа беше прашана за „големата тројка“.
„Тие тројца се недостижни“, рече Касаткина, по што брзо беше прашана дали Новак е чекор понапред.
„Знаете, кога некој има идол, го сака без разлика на резултатите и дали се споредливи и во мојот случај, бидејќи почнав од детството“, рече Русинката чиј идол е Рафаел Надал и продолжи:
„Објективно, гледајќи ги резултатите, Новак Ѓоковиќ е најдобар на сите времиња, лудо е да се дискутира за тоа. Се друго е прашање на вкус“.
Спорт
Интересно ветување на Паоло Фонсека за новинарите
Паоло Фонсека денеска одржа прес-конференција пред првиот натпревар во Лигата на шампионите во кој Милан во вторник ќе се соочи со Ливерпул.
Тренерот на Милан им даде интересно ветување на новинарите пред натпреварите со Ливерпул во Лигата на шампионите и Интер во Серија А.
Фонсека изјави дека иако има два меча за краток период, на двата натпревари можат да играат исти играчи, но дека дефинитивно ќе размисли за ротација.
„Имаме три натпревари оваа недела и треба да размислиме за се. Утрешниот е најважен, но не можам да заборавам дека овој викенд играме дерби во Серија А“, изјави Фонсека.
А потоа дојде ветувањето на новинарите:
„Ако ги победиме двата натпревари, ветувам дека ќе ви донесам „пастел де ната“ на прес-конференцијата“, рече Фонсека со насмевка.