Свет
18-годишно момче уаспено во Франција, Израел загрижен: „Иран планира напади за време на Олимписките игри во Париз“
Шефот на израелската дипломатија, Израел Кац, денеска во дипломатска нота го предупреди француското Министерство за надворешни работи за потенцијална закана од тероризам и се заблагодари на француската влада за дополнителната безбедност за заштита на израелските спортисти и туристи.
„Имаме разузнавачки информации кои укажуваат дека ирански оперативци и други терористички групи планираат да нападнат членови на израелската делегација и израелски туристи“, рече Кач.
Предупредувањето дојде откако полицијата во Франција уапси џихадист под сомнение дека планирал терористички напад на Олимпијадата.
18-годишен џихадист е уапсен во регионот Жиронд, департман на крајниот запад на Франција, пренесуваат тамошните медиуми. Уапсен е утрово и кај него полицијата пронашла докази за џихадистичка идеологија.
Инспекторите потврдија за локалните медиуми дека тој е поврзан со друг маж, исто така 18-годишен, кој беше уапсен во вторникот. Двајцата комуницирале преку шифрирана услуга за пораки. Тие напишаа дека сакале да извршат напад за време на Олимписките игри.
Апсењето на џихадистот го потврди и Жералд Дарманин, францускиот министер за внатрешни работи. Тој не кажа дали цел на нападот требало да биде Париз или некој друг град во кој се одржуваат натпревари.
„Сè уште работиме на случајот, избегнуваме да даваме детали, но има поврзаност“, рече министерот.
Предупредувањето од израелските власти дојде откако Иран го осуди приемот и заштитата на израелските спортисти за време на натпреварот во Париз, барајќи тие да бидат исфрлени од Олимпијадата поради војната во Појасот Газа.
„Да се објави прием и заштита на делегацијата на терористичкиот ционистички режим на апартхејдот е да се даде легитимитет на убијците на деца“, соопшти иранското Министерство за надворешни работи и додаде:
„Тие не заслужуваат да бидат на Олимпијадата во Париз поради војната против невиниот народ во Газа.
Француските власти спречија неколку заговори за извршување напади за време на Олимпијадата, вклучително и апсење на руски заговор за „дестабилизација на Олимпијадата“ која трае до 11 август.
Тој беше обвинет дека извршувал разузнавачка работа по налог на странска земја со цел да предизвика непријателства во Франција. За ова дело е предвидена казна од 30 години затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

