Страхиња Милиќ, поранешен голман на Партизан, Силкеборг и Вардар, освојувач на ЕХФ Лигата на шампионите со скопскиот тим во 2017 година, во опширно интервју за „Моцартспорт“, проговори за кариерата што ја заврши рано, на 28 години, понуди од најдобрите Европски клубови, тешки моменти кога не беше на врвот…

Играше само за три клуба, а листата на можни дестинации беше импресивна, од германскиот гигант Кил, потоа Фленсбург, Гумерсбах, Мелсунген, до Веспрем и Целје… И на крајот Барселона.

Повеќето ракометари велат дека поканата од блауграната не се одбива, а Милиќ го направил токму тоа. И тоа поради лојалноста и благодарноста кон Вардар, градот Скопје и рускиот бизнисмен Сергеј Самсоненко.

„Кога ја завршив кариерата имав важечки договор со Вардар. Одличен договор во тоа време. Моите проблеми почнаа во 2016 година, можеби и порано. Цело време бев „на нож“ тренерот, Шпанецот Раул Гонзалес. Сега кога си го враќам филмот, повеќето работи беа моја вина. И луда глава, отровна… Во тие години ми се гадеше ракометот. Сето тоа го правев за да се докажам некому, да ослабам, а никогаш не се работеше за мојот квалитет. Секогаш ми велеа, се е во ред на натпреварите, добро браниш, но види како изгледаш?! Сето тоа ме нервираше, ме навредуваше… Не е поентата, дали си ја работам работата како треба или не. Немој да ми отежнуваш. Секогаш имало незадоволство од негова страна, тој никогаш не бил задоволен“, ја започнува приказната на Милиќ за бурното лето 2018 година.

„Добив понуда од Барселона неколку години пред европската титула. Менаџерот Јокиќ контактираше со Чави Пасквал, ми беше понуден договор кој би бил многу подобар од она што го имав во Вардар. Ми се јави и Кирил Лазаров, ми рече дека ме сакаат овде, да дојдам. Како да ја одбијам Барса? Никој не го направи тоа. Сергеј секогаш стоеше зад мене, сакав да му покажам дека сум му благодарен и лојален, дека ги сакам Скопје и Вардар. Многу луѓе велеа дека сум будала и кретен. Не жалам за таа одлука. Дали мојата кариера ќе беше подобра ако отидев во Барса? Веројатно би, но не жалам. Јас би го направил истото сега“.

Проблемите со Раул Гонзалес кулминираа во 2018 година, но и по титулата во 2017 година во Келн.

„Кога ја освоивме титулата во 2017 година, дојдов да се подготвувам за следната сезона. Во договорот со Вардар имав клаузула дека не смеам да тежам повеќе од 140 килограми. Постојано пропуштав подготовки, што беше добра работа. Наместо тоа да биде казна, тоа беше награда за мене“.

Како беше последната сезона од вашата кариера? Ја браневте титулата во Келн, но не ја одбранивте…

„Раул ме казни пред почетокот на таа сезона, по титулата. И тогаш полудев, им кажав на сите да одат во …Реков дека не можам да живеам. Клубот се распаѓаше, почнаа проблеми, се случуваа разни работи. Исто така, сакав да јадам и да пијам. Се опуштив, не знаев каде ми е максимумот. Се раширив како жаба. Најлудото е што добро се снајдов таа сезона, но на крајот стигнав до 180 килограми. Не беа 10-20 килограми повеќе, туку 50. Договорено беше да ослабам барем 10 килограми пред да дојдам на подготовките, за да може тренерот и луѓето во клубот да ја видат мојата желба и волја. Им кажав веќе тогаш на крајот од она што се покажа како моја последна сезона, дека доаѓам летото само за да се збогувам. И така беше“.

Имаше ли волја да се реши недоразбирањето, како реагираа луѓето во клубот, соиграчите?

„Клубот не беше задоволен од мене, не можев повеќе. Соиграчите се побунија, рекоа да не го правам тоа, да останам. Најискусните Карачиќ, Стоилов, Дибиров, Чупиќ застанаа во моја одбрана. Беше договорено да бидам казнет половина од договорот, но кога ќе се смирам ќе ми биде вратен. Сега, кога ќе погледнам наназад, сето тоа беше за мене, во моја корист. Им кажав дека не ме интересираат парите, дека ма да останам и да ми понудат двојно поголем договор. Едноставно, се исклучив. Ја немав повеќе емоцијата која ме носеше во ракометот. Тоа беше мојата конечна одлука, ја завршив кариерата на 28 години“.

Бразилскиот фудбалер Нејмар ќе го напушти Ал Хилал по крајот на сезоната и ќе се врати дома, каде шт ја започна кариерата во Сантос.

Како што пренесуваат медиумите од Бразил, претседателот на Сантос, Освалдо Нико во разговор со нив потврдил дека Нејмар се враќа во татковината.

„Нејмар доаѓа во јуни, ние сме во контакт со него“.

Овој потег би значел враќање на фудбалската ѕвезда во клубот во кој ја започна кариерата уште во 2009 година.

За Сантос одигра 225 натпревари, постигна 136 гола и забележа 64 асистенции. Потоа во 2013 година се пресели во Барселона за 88 милиони евра, а неговиот трансфер ги сруши сите рекорди подоцна, кога четири години подоцна ПСЖ плати за него дури 222 милиони евра.

Тој го напушти Париз во летото 2023 година, кога потпиша за Ал Хилал, кој плати 90 милиони евра за неговиот трансфер и му понуди неверојатна плата од 100 милиони евра годишно.

Сепак, тешката повреда на коленото го оддалечи една година од терените, поради што неодамна се врати на теренот. Тој одигра вкупно шест натпревари на кои постигна еден гол со три асистенции.

Хамес Родригез одигра извонредно на Копа Америка, успеа да ја однесе Колумбија до финалето, па поради тоа одлуката кариерата да ја продолжи во Рајо Ваљекано го изненади фудбалскиот свет.

Родригез, минатото лето одби понуди на клубови кои имаат поголема репутација и поголеми амбции од Рајо Ваљекано. Првите три месеци на „Ваљехас“ покажаа дека направил лош избор.

Родригез ја нема минутажата на која се надеваше, досега на пет натпревари одигра само 123 минути и поради тоа има намера да го напшти клубот во зимскиот преоден рок.

Како што пренесува шпанска „Марка“, прв во редот за неговиот потпис бил Лацио. Родригез минатото лето преговараше со клубот од Рим, но двете страни не постигнаа договор. И покрај тоа клубот од Рим се уште е заинтересиран за неговите услуги.

Покрај Лацио, развојот на ситуацијата меѓу Родригез и Рајо Ваљекано го следат и турските клубови.

Колумбиецот сака да биде стандарден за да си го задржи местото во националниот тим, кој е блиску да избори пласман на Светсото првенство во 2026 година.