Спорт
(Видео) Хрватска го доби трилерот против Јапонија, од 17:23 до победа 30:29
Ракометната репрезентација на Хрватска со многу мака успеаја да забележат победа над Јапонија 30:29 (8:13), во натпреварот од првото коло на олимпискиот турнир. Херој на „коцкестите“, кои се врати по негативата од шест гола, беше Иван Мартиновиќ кој го постигна голот за победа во последната секунда.
Хрватска веројатно ја потцени Јапонија, репрезентација која до пред неколку месеци ја предводеше актуелниот хрватски селектор Сигурдсон.
Доминираа Јапонците до 45.минута кога ја стекнаа најголемата предност 17:23. Но не издржаа, Хрватите ја стабилизираа најпрвин играта во одбраната, постигнаа неколку лесни голови и го презедоа водството 25:24.
Драмата се случи во последната минута, најпрвин Мартиновиќ не реализираше при резултата 29:29, по тајм-аутот Јапонците го имаа последниот напад, удаорт на Фиџисака заврши во гредата, а во последната секунда Мартиновиќ и ја обезбеди победата на Хрватска.
Марио Шоштариќ со шест, Иван Мартиновиќ со четири, Марин Шипиќ и Верон Наќиновиќ со по три гола беа најефикасни кај Хрватска. Кај Јапонија, Косуке Јасухира постигна 10 гола, Наоки Фиџисака пет гола.
Cruel derrota de Japón (30-29) La tuvieron tras el TM de Carlos Ortega, pero primero Kuzmanovic y posteriormente la madera dió balón a Croacia. Y ahí Martinovic no perdona para dar la victoria agónica a los croatas. Clave de Croacia, el 5-1 y el ataque 7/6 en 2T #Paris2024
⬇️ pic.twitter.com/gjfmJgHHrn— Luis Miguel López (@Luismilopez5) July 27, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Туван го лансираше Удинезе на челната позиција во Серија А
Фудбалерите на Удинезе со пресврт победија во Парма со резултат 3:2 (0:2) и по четвртото коло се искачија на челната позција на табелата во Серија А.
Парма на полувреме имаше предност од два гола, но победата ја однесоа гостите од Удине.
Дел Прато во втората минута им донесе предност на домашните, додека Бони ја удвои во 43. минута. Во двете ситуации, словенечкиот стопер Јака Бијол реагираше многу слабо.
А потоа во паузата на „Енио Тардини“ се се смени и „зебрите“ одиграа сосема поинаку отколку во првите 45 минути.
Најпрвин Лука веќе во 49. минута ја намали негативата на гостинскиот тим, а потоа на сцена стапи Флоран Туван.
Французинот најпрвин го израмни резултатот во 68. минута, а во 77. погоди за 3:2.
Парма во 73.минута остана со играч помалку, поради два жолти каротни Кеита беше исклучен.
Удинесе со три победи и еден нерешен резултат ја предводи Серија А со 10 поени, еден повеќе од Наполи и два повеќе од Интер, Јувентус и Торино.
Спорт
„Ферстапен е најдобриот возач во историјата на Формула 1“
Герхард Бергер, поранешниот возач на Ферари во Формула 1, нема дилема кој е најдобриот на сите времиња.
Австриецот во преден план го стави актуелниот светски шампион Макс Ферстапен.
„Тој ја има таа неверојатна способност да го избере вистинскиот момент за претекнување. Тоа го немаа ниту Сена, ниту Шумахер, ниту Хамилтон“, изјави Бергер.
На пофалбите за Холанѓанецот им немаше крај.
„Макс е секогаш на вистинското место во вистинско време. На стартот, во првиот свиок, во дуел. Никој не го прави тоа подобро од него. Затоа мислам дека тој е најдобриот кој некогаш ја возел формулата“, вели Бергер.
Ферстапен досега има остварено 61 победа во кариерата и има три светски шампионски титули со добри шанси да освои четврта. Сепак, тој е се уште далеку од Хамилтон и Шумахер по бројот на вкупни победи и титули, кои освоија по седум пехари наменети за најдобриот во генералниот пласман.
Спорт
„Ѓоковиќ гоат? Лудо е да се дискутира за тоа“
Руската тенисерка Дарија Касаткина проговори за „големата тениска тројка“ во која се Новак Ѓоковиќ, Роџер Федерер и Рафаел Надал.
Таа истакна дека тројцата немаат конкуренција, прво рече дека не можат да ги споредуваат Рафаел Надал и Карлос Алкарас, но дека единственото нешто што им е заедничко е тоа што двајцата се од Шпанија, а потоа беше прашана за „големата тројка“.
„Тие тројца се недостижни“, рече Касаткина, по што брзо беше прашана дали Новак е чекор понапред.
„Знаете, кога некој има идол, го сака без разлика на резултатите и дали се споредливи и во мојот случај, бидејќи почнав од детството“, рече Русинката чиј идол е Рафаел Надал и продолжи:
„Објективно, гледајќи ги резултатите, Новак Ѓоковиќ е најдобар на сите времиња, лудо е да се дискутира за тоа. Се друго е прашање на вкус“.