Спорт
Стратегијата му донесе победа на Расел – Дупла победа за Мерцедес во Белгија
Возачот на Мерцедес Џорџ Расел славеше на Големата награда на Белгија, 14-та трка во сезоната во Формула 1, по која следи летната пауза.
На легендарната патека „Спа Франкоршам“ Британецот ја извојува втората победа оваа сезона, а трета во кариерата, во директен дуел со неговиот тимски колега Луис Хамилтон, откако 34 од 44 кругови ги помина на тврди гуми.
На крајот двајцата ги делеше половина секунда, а седумкратниот светски шампион стигна до 201-от подиум во кариерата, a Мерцедес до првата двојна победа по Бразил во 2022 година.
На третото скалило на подиумот се најде Оскар Пјастре во Мекларен, кој заостануваше шест и пол десетинки зад Хамилтон, додека актуелниот шампион Макс Верстапен го зазеде петтото место.
Расел без сомнение ја извозе најдобрата трка во кариерата, бидејќи Мерцедес се одлучија за различни стратегии за своите возачи, што им донесе двоен триумф.
Во поголемиот дел од трката, се чиеше дека Хамилтон ќе победи. Седумкратниот првак на стартот го престигна Серхио Перез во болидот на Ред Бул, а во вториот круг ја презеде лидерската позиција откако го мина и возачот на Ферари, Шарл Леклер, кој стартуваше од пол-позицијата.
Седумкратниот светски шампион беше цел на стратегија со две застанувања, која функционираше брилијантно, бидејќи по вториот пит стоп пред него беше само Расел кој се реши за едно влегување во боксот.
На десет кругови до крајот Раел беше лидер, Хамилтон втор со околу седум секунди задоцнување. Тогаш стана јасно дека возачите на Мерцедес ќе се борат за победата. На крајот победи стратегијата на Расел.
Пред летната пауза во генералниот пласман води Ферстапен со 275 бодови, а го следи Норис со 197, додека Леклер е трет со 174.
Следната трка од овогодинешниот шампионат во Формула 1 е Големата награда на Холандија во Зандворт од 23 до 25 август.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.