Свет
(Видео) Едно лице загина во демонстрациите во Венецуела по објавувањето на изборната победа на Мадуро
Едно лице загина во државата Јаракуј (северозападно од земјата), а 46 беа приведени по постизборните протести, напиша на интернет Алфредо Ромеро, директор на невладината организација „Форо пенал“, специјализирана за одбрана на политички затвореници, пренесуваат светските агенции.
Вчера, илјадници демонстранти излегоа на улиците во неколку сиромашни населби на главниот град Каракас барајќи Мадуро веднаш да ја предаде власта.
Полицијата ги растера демонстрантите со солзавец додека се приближуваа кон центарот на главниот град.
Arredores do Hotel Marriott, Caracas. GNB que reprimiu manifestações recebeu uma dose de pátria, saiu a pé, sem moto.
🤣🤣🤣🤣🤣🤣🤣🤣🤣🤣🤣🤣🤣🤣🤣🤣#Venezuela pic.twitter.com/3VD0oN2xFL— Elon Mito 🇧🇷 (@MitoElon) July 30, 2024
Вчера, Националниот изборен совет официјално го прогласи Мадуро за победник на претседателските избори, со што доби трет шестгодишен мандат.
Ayer empezó el principio del fin.
¡Bravo Venezuela! 🇻🇪 pic.twitter.com/YE0hRu5JFc
— María Fernanda Cabal (@MariaFdaCabal) July 29, 2024
Според официјалните резултати, Мадуро (61) е реизбран за трет шестгодишен мандат со 5,15 милиони гласа или 51,2 отсто, а опозицискиот претседателски кандидат Едмундо Гонзалес Урутија (74) освои нешто помалку од 4,5 милиони гласа или 44,2 отсто.
Отфрлајќи ги критиките од опозицијата и меѓународната заедница, Мадуро го осуди обидот да се воведе, како што рече, „фашистички државен удар во Венецуела“.
Синоќа, лидерот на венецуелската опозиција, Марија Корина Мачадо, на прес-конференцијата рече дека опозицијата може да ја докаже победата на нејзиниот кандидат Едмунд Конзалес, поранешен дипломат.
Опозицијата, како што рече, од избирачките места собрала 73 отсто од резултатите од извештаите, според кои Гонзалес добил 6,27 милиони гласа наспроти 2,7 милиона на актуелниот претседател Николас Мадуро, кој изборната комисија го прогласи за победник.
Мачадо рече дека овие докази за победа се испратени до светските лидери и ќе бидат објавени на интернет преку ноќ.
Мадуро ја доби поддршката од Русија и Кина, како и од неговите вообичаени сојузници – Куба, Никарагва, Хондурас и Боливија, но и многубројни негативни или скептични реакции од меѓународната заедница.
Девет земји од Латинска Америка – Аргентина, Костарика, Еквадор, Гватемала, Панама, Парагвај, Перу, Доминиканската Република, Уругвај – повикаа во заедничка изјава целосно да го разгледаат резултатот со присуство на независни набљудувачи на изборите.
Бразил и Колумбија, две левичарски земји, побараа верификација на резултатите, а САД изразија стравување дека објавениот резултат не ја одразува волјата или гласот на венецуелскиот народ.
Шефот на дипломатијата на ЕУ, Жозеп Борел, и Франција повикаа на целосна транспарентност и побараа да се покажат сите записници и резултати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хезболах: Непријателот ги премина сите црвени линии, сакаа да убијат 4.000 луѓе одеднаш
За време на телевизиско обраќање, лидерот на Хезболах, Хасан Насралах, детонирањето на пејџери и воки-токи низ Либан го нарече „терористички чин“ и изјави дека „непријателот на Израел ги преминал сите црвени линии“ со намера да убие 4.000 луѓе во еден момент.
Тој призна дека на Хезболах му бил зададен тежок удар, но подвлече дека тоа „нема да го скрши“ отпорот и дека операциите во јужен Либан нема да престанат додека не заврши војната во Газа.
Насралах на почетокот рече дека настаните во изминатите два дена го навеле да го одржи говорот. Тој објасни дека планирал да ја претстави својата анализа и извештај за борбите во изминатата година на 7 октомври, но дека она што се случило во изминатите 48 часа „ја барало оваа порака“.
Тој им изрази сочувство на паднатите на фронтот во јужен Либан и на загинатите како последица на експлозиите, а на повредените им посака брзо закрепнување. Тој им се заблагодари на лекарите, официјалните лица и на сите кои помогнаа во лекувањето на жртвите од нападот и на луѓето кои даруваа крв за повредените и ја поздрави солидарноста и единството на народот во земјата.
Тој подвлече дека експлозиите се случиле во болниците бидејќи пејџерите ги користеле и медицинските работници, како и во аптеките, маркетите, продавниците, куќите, автомобилите и на улиците каде што имало многу цивили.
Насралах изјави дека Израел имал за цел да убие „4.000 луѓе одеднаш“.
„Тоа беше намерата на непријателот и ова е обемот на нивниот криминал. Како да го наречеме овој вид криминална активност? Дали е тоа голема операција? Дали е тоа геноцид? Дали е тоа масакр?“, рече тој.
Тој призна дека на Хезболах му бил зададен „многу тежок“ удар, опишувајќи ги нападите како „невидени“ во Либан. Тој рече дека се формирани истражни комисии кои ќе проучат како се случиле експлозиите и дека ќе ги чекаат резултатите од истрагата.
„Претрпевме многу тежок удар. Но, ова е воена состојба“, рече тој.
Тој рече дека неговата група е свесна дека Израел има технолошка предност бидејќи е поддржан од САД и други технолошки суперсили, но храбро ќе се соочи со овој предизвикувачки момент со крената глава.
„Не може да бидеме скршени од овој удар, колку и да е силен. И можам верно и самоуверено да ве уверам дека овој тежок и невиден удар не нè клекна – и нема“, подвлече тој.
„Јасно велам: без разлика какви се последиците, без разлика на жртвите, без разлика на сценаријата, отпорот во Либан нема да престане да го поддржува отпорот во Газа и Западниот Брег и сите повредени на окупираните територии“, рече Насралах.
Тој изјави дека нападите низ Либан биле насочени кон инфраструктурата на Хезболах и дека тоа е обид да се предизвикаат поделби во неа.
„Нека знае непријателот дека тоа што се случи не ја разниша нашата вера, верба, решителност, подготвеност или инфраструктура. Напротив, нè направи порешителни, поробусни и истрајни. Ако целта на Израелците беше да не разделат од она што се случува во Газа, тоа не успеа“, подвлече тој.
Свет
По расправија извадил нож и солзавец, има повредени: тепачка во трговски центар во Германија
Неколку лица се повредени во тепачка што се случила денеска во трговски центар во Ерфурт, Германија, кога еден маж по расправија извадил нож и го расекол мажот.
Полицијата брзо пристигнала на местото на настанот и го евакуирала трговскиот центар, а според полицијата дошло до вербална, а потоа и физичка пресметка меѓу група лица, кои не се по потекло од Германија, пренесуваат германските медиуми.
Се се случило околу 15 часот и 30 минути, а еден од учесниците во тепачката извадил нож. Како што објави „Билд“, мажот (27) бил пренесен во болница поради сериозни повреди на раката, но неговиот живот не е во животна опасност.
Во трговскиот центар бил употребен и солзавец, па лекарска помош побарале и посетителите на центарот. Се пожалиле дека им горат очите и дека имаат проблеми со дишењето.
Полицијата соопшти дека е приведен маж (26), кој е осомничен дека извадил нож и ранил најмалку едно лице.
„Ве уверуваме дека не се работи за напад, немало опасност за граѓаните“, соопштија од полицијата.
Според написите,не се знае зошто дошло до тепачката, ниту точно колку лица се повредени во инцидентот.
Свет
Велика Британија ги повика граѓаните веднаш да го напуштат Либан
Британскиот министер за надворешни работи Дејвид Лами изрази длабока загриженост за зголемените тензии во Либан, повикувајќи ги британските граѓани да ја напуштат земјата.
Во телефонски разговор со либанскиот премиер Наџиб Микати, Лами ја изрази својата длабока загриженост поради растечките тензии и цивилните жртви во Либан.
Британскиот министер за надворешни работи рече дека разговарале за потребата од преговори за изнаоѓање решение за враќање на стабилноста и безбедноста преку Сината линија.
Лами исто така ги повика британските граѓани да го напуштат Либан, наведувајќи ги како причина зголемените тензии во регионот.
„Тензиите се високи и ситуацијата може брзо да се влоши“, напиша Лами на платформата X.
Во вторникот и средата во различни делови на Либан се случија експлозии на пејџери и радио уреди (воки-токи).
Во експлозиите загинаа најмалку 37 лица, а неколку илјади беа повредени.
Либанската влада и Хезболах го обвинија Израел дека го извршил нападот, а Хезболах вети одмазда.