Спорт
(Видео) Векиќ ја елиминира втората во светот – Гоф во солзи го заврши мечот
Хрватската тенисерка Дона Векиќ се пласираше во четвртфиналето на Олимписките игри во Париз. Моментално 21. тенисерка во светот за два часа игра беше подобра од втората тенисерка на ВТА листата, Американката Коко Гоф со 7:6 (9), 6:2.
Мечот го одбележа контроверзниот момент на крајот од вториот сет кога Гоф беше жртва на лоша судиска одлука.
При еден удар Векиќ топката заврши на линијата, но судијата викна аут, а во тој момент Гоф одигра со топката и ја испрати во мрежата. Следуваше корекција на главниот судија кој и го додели поенот на Векиќ.
Гоф му се побуни на судијата, кој не сметаше дека таа е никако деконцентрирана и дека поенот му припаѓа на Векиќ.
Така не мислеше и Американката која беше трогната до солзи, се вклучи и публиката која сакаше да и даде поддршка.
Тоа не ја спречи Дона, која прво го потврди брејкот, а потоа направи уште еден за пласман во четвртфиналето.
За пласман во полуфиналето ќе се борат против подобрата од дуелот Марија Сакари и Марта Костјук.
Huge argument in the Donna Vekic – Coco Gauff match. Umpire called the ball out before Gauff returned the ball and missed it in break point for Vekic. Ball was in. Coco Gauff crying and saying this always happens to me 😭 pic.twitter.com/Fv8zreC1hY
— edgeAI (@edgeaiofficial) July 30, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ди Канио: Дали е ова шега? Ова е исто како со Алегри
Јувентус на Тиаго Мота нема примено гол во првите пет натпревари во Серија А ја сочува мрежата. Јувентус стартуваше со две победи, па одигра три пати без голови.
Јувентус не прима голови, но течко ги постигнува, само шест гола во пет натпревари. На оваа тема дебатираа Паоло ди Канио и Алесандро Костакурта .д дебатираат за тоа што направил младиот тренер.
Ди Канио истакнува дека ова тимот не направил никаков прогрес во однос на ерата на Масимилијано Алегри.
„Сето ова е ново, се уште се на почетокот. Но, сега ја фалиме одбраната. Ме потсетува на нешто. Дали е ова шега? Јувентус е ист како под Алегри. И тој беше критикуван за неговиот дефанзивен стил, но резултатите на Мота не се разликуваат. Мора да бидеме сериозни, се очекуваше повеќе“, Ди Канио.
Спорт
Федерер ќе го испрати Надал во пензија
Еден од најдобрите тенисери на сите времиња, Роџер Федерер, по долго време би можел да му се врати на теренот.
Ова го соопшти менаџерот на Роџер, Тони Годсик, кој изјави дека Швајцарецот би можел да учествува во егзибициски меч против Рафаел Надал, што би било збогување на легендарниот Шпанец со активниот тенис.
„Мислам дека нема дилема околу тоа. Роџер и Рафа сакаат да работат заедно и тоа би била одлична приказна”, изјави Годсик.
Последен пат Надал и Федерер одиграа егзибициски меч во 2020 година, кога приредија встински спектакл во Јужна Африка.
Спорт
Рускиот фудбал добива милиони од УЕФА и ФИФА
Европската и светската фудбалска федерација уплатиле пари на сметката на Руската фудбалска федерација, на име на членството во овие органнизации.
Ова се парите што секоја година ги добива секоја друга Федерација во Европа и светот.
Русија и нејзините клубови, како и репрезентацијата се исклучени од сите натпреварувања под покровителство на УЕФА и ФИФА од 2022 година, но и покрај суспензијата Руската фудбалска федерација имала редовен прилив на пари.
Тамошните медиуми пишуваат дека во 2023 година Руската Федерација добила 405.813.000 рубли од ФИФА и УЕФА.
Тоа се приближно четири милиони евра.
Руските клубови веќе две години играат само домашни првенства, а репрезентацијата игра само пријателски натпревари.