Спорт
(Видео) Децата на Флик го победија Манчестер сити во Орландо
Во сенка на најголемиот спортски настан, Олимписките игри, најдобрите светски клубови се подготвуваат за новата сезона.
Актуелниот шампион во Премиер лигата Манчестер сити играше против Барселона во Орландо. По 90 минути беше 2:2, а Барса победи со 4:1 на пенали.
Новиот тренер на Барселона, Ханси Флик, на Пеп Гвардиола, му спротивстави тим во кој само Клемон Ленгле беше постар од 22 години. На другата страна беа Ерлинг Холанд, Џек Грилиш, Матео Ковачиќ, Калвин Филипс, Јошко Гвардиол, Едерсон.
Барса поведе во 24. минута со голот на 22-годишниот Пау Виктор. 19-годишниот Нико О’Рајли постигна гол за израмнување за „Граѓаните“ на асистенција на Гвардио во 39. минута. До полувремето, во втората минута од судиското надополнување, Барса дојде до ново водство, а стрелец беше 21-годишниот Пабло Торе.
Во вториот дел беше постигнат само еден гол. Израмнија во 60.минута Џек Грилиш.
Во пенал серијата за Барса прецизни беа сите четворица Левандовски, Дарвич, Балде и Фернандеш. На другата страна првите два пенали не ги реализираа Филипс и Рајт, погоди само Ахмед Фатах.
Ова е трет претсезонски пораз за Сити, претходно беа порзени од Селтик и Милан, а следниот и последен контролен натпревар ќе го одиграат против Челзи во сабота. Нешто подоцна, ноќта меѓу сабота и недела, Барса игра и во САД против Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пако Роиг: Реал е тим на имигранти, а Винисиус е се..о
Поранешниот претседател на Валенсија, Пако Роиг го критикуваше Реал Мадрид, особено напаѓачот на кралскиот клуб, Бразилецот Винисиус Жуниор.
Во Шпанија многу се зборува за расизам, а поранешниот прв човек на Валенсија, Франциско Пако Роиг, вели дека тоа претходно не било проблем. Според него, за ова најмногу придонеле Реал Мадрид и „провокаторот“ Винисиус Жуниор.
„Мадрид го нарекувам Реал имигрант. Мадрид има осум црнци, двајца бели странци и еден Шпанец Карвахал“, изјави Пако Роиг за шпанските медиуми и конкретно му се обрати на младиот Бразилец:
Тој (Винисиус) можеби е одличен играч, што верувам дека е, но како личност е се..о“.
Пако Роиг вели дека во Шпанија има многу фудбалери со темна боја на кожата, особено во Реал Мадрид, но само Винисиус ги провоцира и иритира навивачите на другите клубови.
„Знаете ли што направи? Тој се искачи преку оградата на „Местаља“ и ги обвини навивачите на Валенсија дека го навредуваат. Тој ден бев на стадионот со внукот и синот. Го прашав внукот: „Што вика таму?“ Внукот ми одговори: „Секакви глупости. Мислев дека го нарекоа мајмун. Но не“, ја цитира „Релево“ изјавата на Роиг.
Пако Роиг беше претседател на Валенсија од 1994 до 1997 година. Додека тој ги водеше клубот, „лилјаците“ беа вицешампиони на Шпанија и финалисти на Купот на кралот
Спорт
(Видео) Три месеци подоцна УЕФА призна: Имаше пенал за Германија против Шпанија
УЕФА ја призна грешката на судиите во четвртфиналниот натпревар на последното Европско првенство, кога на Германија не и беше досуден пенал на дуелот против Шпанија.
Судискиот комитет на УЕФА одлучи дека требаше да биде досуден пенал за Германија во второто продолжение од мечот кога резултатот беше 1:1.
Откако дефанзивецот на Шпанија Кукреља, по ударот на Мусиала, играше со рака во неговиот шеснаесетник, главниот судија на натпреварот, Ентони Тејлор, како и судиите од ВАР собата не се огласија.
По неколку минути Мерино постигна гол со кој Шпанија обезбеди пласман во полуфиналето.
На овогодинешното Европско првенство во Германија, Шпанија во финалето ја совлада Англија.
Спорт
Евертон има нови газди
Фридкин инвестмент груп, во сопственост на американскиот милијардер Ден Фридкин, ќе стане нов мнозински сопственик на фудбалскиот клуб Евертон, објави англискиот клуб.
Трансакцијата мора да биде потврдена од неколку други органи, вклучително и Премиер лигата, Англиската фудбалска асоцијација и Управата за финансиско однесување, за да биде финализирана.
Евертон е на последното место во Премиер лигата, откако забележа четири порази во првите пет кола.
Ова е нивна последна сезона на култниот „Гудисон Парк“, пред следната да се преселат на „Стадионот Евертон“ на Брамли-Мур Док.