Економија
Продолжуваат позитивните финансиски резултати на „Реплек“ во првото полугодие од 2024 година

„Реплек АД“ во целост го реализираше предвидениот план за продажба во првата половина од 2024 година, забележувајќи раст на остварените приходи од продажба во сегментот „Фармација“ од 20,5% во однос на истиот период минатата година. Истовремено, компанијата успешно продолжува да го реализира бизнис планот за 2024 година и во останатите сегменти, вклучувајќи ги инвестициите во зголемување на производствените капацитети, дигитализацијата и преземање на права за застапништво, како и во зголемување на задоволството и мотивацијата на вработените, што ќе придонесе за натамошен континуиран напредок и успех на компанијата.
Вкупните оперативни приходи на „Реплек АД“ во првото полугодие од 2024 година надминаа 865 милиони денари и се за 20% повисоки во однос на истиот период од претходната година, покажуваат податоците од објавениот неревидиран консолидиран финансиски извештај за работењето на компанијата за периодот од 1 јануари до 30 јуни 2024. Најголемо учество во вкупните приходи имаат приходите остварени од продажбата во сегментот „Фармација“ (13,6 милиони евра), каде е забележан скок во продажбата на домашниот пазар од 46% (2,97 милиони евра) и раст на продажбата на странските пазари од 15%, достигнувајќи вредност од 10,6 милиони евра. Ваквите резултати во продажбата во првото полугодие од оваа годинагенерираа и раст во консолидираната оперативна добивка, која во овој период е зголемена за 4 % во однос на лани. Истовремено, вкупните инвестиции на Реплек АД, реализирани во првите шест месеци од оваа година, достигнаа вредност од 5,6 милиони евра, што претставува значително зголемување во однос на истиот период минатата година и претставува показател за посветеноста во реализацијата на амбициозниот нов инвестициски циклус на компанијата со кој се предвидува нејзина целосна модернизација.
„Позитивните резултати кои продолжуваме да ги остваруваме и во првата половина од оваа година се показател дека нашата стратегија за долгорочен одржлив развој на Реплек и деловните планови кои произлегуваат од неа се добро поставени и димензионирани. Главната цел на досегашните промени и вложувања што ги направивме, како и на оние кои допрва ќе се случуваат, е да генерираме дополнителна вредност за сите, почнувајќи од потрошувачите, нашите вработени, акционерите, деловните партнери и заедницата. Затоа и натаму остануваме посветени на натамошната целокупна технолошка модернизација на Реплек, на иновациите во проширување на нашето портфолио на производи и на јакнењето на нашите пазарни позиции и перформанси, како и на вложувањата кои треба да ја гарантираат благосостојбата на нашите вработени“, изјави главниот извршен директор на „Реплек АД“, Душан Пецовски.
Инаку, согласно усвоениот бизнис план, до крајот на оваа година се очекува „Реплек АД“ да оствари вкупен раст на приходите од продажба од 24% во однос на 2023 година, како и раст на добивката која е проектирана на минимум 3,5 милиони евра, што ќе овозможи остварување на плановите од среднорочнатадивидендна политика на компанијата. Истовремено, ќе продолжи и реализацијата на планираните вложувања во автоматизација, дигитализација и натамошно подобрување на условите за работа, како и на вложувања во зголемување на задоволството и мотивацијата на вработените. Пример за ваквиот вид исчекор е и бонусот за вработените за нивниот придонес во остварените позитивни резултати на компанијата во 2023 година, што беше исплатен во март оваа година.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
100.000 во твојот џеб за 15 минути! Сѐ што ти треба,на дофат на рака со Mint Visa Card

Во светот каде времето е сѐ поважно, Mint Visa картичката доаѓа како одговор на потребата за брз и едноставен пристап до финансии. Процесот на аплицирање е целосно дигитален и трае само неколку минути, по што одобрените средства се веднаш достапни на картичката. Ова ги елиминира долгите чекања и сложената документација, овозможувајќи им на корисниците да ги решат своите финансиски потреби веднаш.
Со Mint Visa од 100.000 денари преку Mint Credit, конечно имаш картичка што го следи твоето темпо – спремна за само 15 минути. Брзо. Безбедно. Секогаш достапно.
Mint Visa картичката ти стои на располагање 24/7. Аплицирај денес и добиј ја твојата Mint Visa.
• 100.000 денари достапни веднаш.
• Без депозити, без бескрајни формулари.
• Потполно онлајн преку One ID – каде и да си.
Зошто Mint Visa?
• Смарт шопинг – Плати безбедно на сите интернет продавници.
• Спонтано патување – Резервирај билети и хотели брзи и едноставно.
• Секојдневна сигурност – Подготвен си за сите непланирани трошоци.
• За 15 минути си спремен да купуваш – Онлајн, во продавници, каде и да си.
Заборави на комплицирани процедури и бесконечна документација. Со Mint Visa, добиваш пристап до 100.000 денари, точно тогаш кога ти се најпотребни – за што и да посакаш.
Без чекање. Без хартија. Без нервози. Само сигурен пристап до средства, токму кога ти требаат.
Добиј ја твојата Минт виза картичка во една од нашите филијали или преку Mint Credit платформата или јави се на 15 107 за повеќе информации.
ПР
Економија
ВМРО-ДПМНЕ: Земјоделците не забораваат дека СДС им ветуваше златна жетва, а им донесе троскот во класата

СДС последни имаат право да зборуваат за земјоделството и субвенциите, бидејќи токму нивните погубни политики доведоа до хаос, неправда кон земјоделците и партизација во аграрниот сектор.
Во времето на СДС субвенциите не беа поддршка за земјоделците, туку алатка за политичка уцена и партиски рекет, реагираат од ВМРО-ДПМНЕ.
Контрадикторно е, велат од партијхата на власт, СДС да глуми загриженост за земјоделците и да се фали со енормен буџет во 2023 година, кога токму тие оставија неисплатени субвенции кон земјоделците.
„Во времето на СДС субвенциите беа како лотарија, добиваше оној кој имаше партиска книшка или имаше близок во општината. Руралниот развој се сведуваше на развој на руралните џебови-нивни.
Земјоделците не забораваат. Знаат кој им ветуваше златна жетва, а им донесе коров во класата.
За разлика од погубната политика на СДС, по доаѓање на власт на ВМРО-ДПМНЕ, уште во септември беа обезбедени дополнителни 2 милијарди денари, токму за исплаќање на заостаните обврски за 2023 година за кои Љупчо Николовски тврди дека ги имале за земјоделците, кој воедно и молчи дека финансиската поддршка за земјоделците за 2024 година, проектирана од негова страна изнесуваше 5,9 милијарди денари.
На крајот на 2024 година, благодарение на оваа Влада, повторно се обезбедија дополнителни 1,4 милијарди денари со што финансиската поддршка за 2024 година изнесуваше 8,4 милијарди денари, што е највисока во изминатите неколку години.
Средствата за земјоделците не се скратени, изминатиот период Владата предводена од ВМРО-ДПМНЕ докажа дека се грижи за земјоделците“.
Лагатакако што додаваат, оди дотаму, што СДС пласира и невистини дека се намалуваат средствата за Програмата за рурален развој.
Со ребалансот на буџетот, појаснуваат од ВМРО-ДПМНЕ, ќе се обезбедат 480 милиони денари и за Програмата за рурален развој.
Економија
Поголема вклученост на институциите за поддршка на економијата – Славески со Стопанската комора

Народната банка е доследна во одржувањето на макроекономската стабилност како најсоодветен амбиент за водење бизнис и создавање поволни услови за раст и развој на домашната економија. За таа цел, централната банка секогаш води соодветни политики, коишто гарантираат стабилни и предвидливи услови. Ова беше посочено на денешната работна средба помеѓу гувернерот на Народната банка, Трајко Славески и претседателот на Стопанската комора на Македонија, Бранко Азески, којашто се одржа во просториите на Комората, во присуство на членови на Управниот одбор на Комората и на претставници на медиумите.
Банкарскиот сектор е стабилен, со историски висока капитална адекватност, што претставува значаен потпорен столб за економската стабилност и за економијата во целина. Во интерес на унапредувањето на финансиската вклученост и за зголемена ефикасност на банкарските услуги, Народната банка веќе ги преземе првите активности за намалување на надоместоците кај одделни банкарски услуги. Активностите ќе се одвиваат и понатаму, со цел да се унапреди пристапот до финансиските услуги за граѓаните и за компаниите.
Во рамките на денешната работна средба беше истакнато дека девизните резерви се стабилни и се движат меѓу 4,6 и 4,7 милијарди евра. Тоа претставува соодветно ниво, со оглед на тоа што резервите покриваат околу 4,5 месеци од увозот на стоки и услуги, односно над светскиот стандард од 3 месеци. Управувањето со резервите се врши внимателно, согласно утврдените принципи на сигурност и ликвидност, со постојан надзор од стручните служби на Народната банка.
Средбата заврши со заедничка оцена дека е неопходна поголема вклученост на институциите за поддршка на економијата, преку редовен и отворен дијалог, како и носење економски политики што се насочени кон реалните предизвици на деловната заедница.