Спорт
Бастијанини победи во Британија и се вклучи во борбата за титулата

Возачот на Дукати, Енеа Бастианини, победи на Големата награда на Британија во Мото ГП шампионатот. Хорхе Мартин од Прамак Дукати го освои второто место, додека подиумот го комплетираше актуелниот шампион Франческо Бањаја.
Четвртото место го зазеде асот на Гресини, Марк Маркез, додека Фабио Ди Џанантонио од ВР46 тимот ја мина целта на петтото место.
Бањаја имаше исклучителен старт и ја зазеде лидерската позиција уште на самиот старт.
Возалите на Дукати ја предводеа колоната, Бастианини го зазеде второто место, а Мартин стигна до третата позиција откако се проби пред Марк Маркез и Алеиш Еспаргаро.
Алеиш брзо го престигна Маркез, а најбрзата петорка потоа наметна пеколно темпо и се издвои од остатокот од караванот.
Мартин го притискаше Бањаја и на девет круга пред крајот го престигна за првото место во трката и генералниот пласман, но направи грешка во следниот круг. Сепак Шпанецот успеа да ја задржи првата позиција.
А потоа на сцена Енеа Бастианини, најпрвин го престигна тимскиот колега Бања на седум круга до крајот, а потоа го стигна и го престигна Мартин и ја забележа втората победа викендов.
Претходно Бастијанини победи на спринтот во саботата.
Бастијанини со тоа освои 37 бода на Британското ГП и ја намали разликата зад новиот лидер, Мартин и бранителот на титулата Бањаја во генералниот поредок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кунде го продолжи договорот со Барселона

Францускиот дефанзивец Жил Кунде (26) го продолжи договорот со Барселона до 30 јуни 2030 година, објави каталонскиот клуб.
Финансиските детали не се откриени, а во соопштението за медиумите се наведува дека покрај Кунде, на церемонијата за продолжување на договорот присуствувале и претседателот на Барселона, Жоан Лапорта, првиот потпретседател Рафа Јусте, спортскиот директор Деко, координаторот Бојан Кркиќ…
Кунде беше еден од најважните играчи во тимот на Ханси Флик минатата сезона, бидејќи имаше 53 настапи во сите натпреварувања, постигна и четири гола со осум асистенции.
Французинот е член на Барселона од 2022 година, а пред тоа играше за Севилја и Бордо. Одигра 142 натпревари за каталонскиот клуб и постигна седум гола.
Одигра 42 натпревари за француската репрезентација.
Foto/ EPA
Спорт
Димитревски пред преселба во Леванте

Голманот на фудбалската репрезентација на Македонија ќе остане во Валенсија но ќе го смени клубот. Столе ќе го облече дресот на Леванте, клуб сезонава се врати во Примера.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул. Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија на позајмица го донесе Хулен Агирезабала од Атлетик Билбао.
По овој потег што го повелекова „лилјаците“ беше јасно дека Димитриевски ќе замине од „Местаља“.
Договорот меѓу голманот и Леванте треба да биде официјализиран во наредните денови.
Foto/ „X“
Спорт
Интер мора да донесе уште двајца играчи

Вице-првакот на Италија е Европа, Интер има намера да засили две позиции до крајот на преодниот рок. На „Џузепе Меаца“ преба да пристигнат играч од средниот ред и стопер, а клубот за оваа намена има буџет од 80 милиони евра, објавија италијанските медиуми.
Кога станува збор за средниот ред, „нераѕурите“ имаа намера да го доведат францускиот фудбалер Ману Коне (24), но Рома не сакаше да отстапи од износот на отштета. Рома инсистираше на сума од 50 милиони евра, па Интер на крајот се откажа од Коне.
Сега, според италијанските медиуми, тие го насочија вниманието кон играчот од средниот ред на Рен, Џауи Сисе (21), чиј договор со францускиот клуб е важечки до јуни 2029 година.
Што се однесува до позицијата стопер, во потесниот список останаа уште двајца играчи, Умар Солет (25) од Удинезе и Лоик Баде (25) од Севилја. Интер донесе четири играчи ова лето, а полскиот играч од средниот ред Никола Залевски беше продаден на Аталанта.
Најмногу го чинеа играчот од средниот ред на Марсеј, Луис Енрике, и централниот напаѓач на Парма, Анж-Јоан Бони. За овие трансфери клубот издвои по 23 милиони евра, а потоа следува хрватскиот репрезентативец и до неодамна играч на Динамо, Петар Сучиќ. На Динамо му е исплатена отштета од 14 милиони евра.
Фото/ Принтскрин