Економија
Како до бонус поени на Visa Vita и Mastercard Credit Contactless на Halkbank?
Промотивен период за секој што сака нова кредитна картичка од Халкбанк. Првите апликанти добиваат бонус поени со апликацијата.
Зошто условите во Халкбанк се подобри? Затоа што сопствениците на овие картички добиваат и дополнителна можност за повлекување готовина без провизија последните седум денови од секој месец од банкоматите на Халкбанк АД Скопје. Како плус придобивка се и 10% пониски цени при купување полиси за доброволно осигурување од Халк осигурување.
Двата вида картички се револвинг кредитни картички што значи дека немаат ограничување на лимитот во бројот на плати и даваат можност за користење и пристап до средствата од револвинг кредитниот лимит 24/7, а секој месец се плаќа само 5% од вкупниот долг. Со нив, исто така може да се плаќа до 60 рати без камата, кај над 800 партнери на банката.
Картичките поседуваат највисоки стандарди за безбедност во интернет плаќањата (3D Secure – Verified by Visa – VbV и MC Secure Code). Картичките се меѓународни и поддржуваат интернет плаќања без провизија за трансакции на домашни и странски интернет страни и за истите се добива мејл известување за секоја направена трансакција.
Во промотивниот период до 31.12.2024 сите нови Visa Vita и Mastercard Credit Contactless кредитни платежни картички се со фиксна каматна стапка од 6,6%, а во овој период првите 1000 апликации за овие картички поднесени во филијала добиваат 1000 бонус поени, додека пак, првите 500 апликации преку е-банкинг добиваат 2000 бонус поени.
А како се добиваат бонус поени? При плаќањето со нив на ПОС терминали на Халкбанк во пре-дефинирани периоди на различни типови продажни места објавени од страна на банката, се собираат бонус поени. Бидејќи 1 бонус поен е еднаков на 1 денар, собраните средства можат да се искористат при идни плаќања во мрежата на ПОС терминали на Халкбанк.
Аплицирањето за Visa Vita и Mastercard Credit Contactless картичките може да се направи во било која филијала на банката, онлајн преку веб страната на Банката или преку електронското или мобилното банкарство на Халкбанк.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Со најавените една милијарда денари субвенции опфатени се сите категории на земјоделци
Денеска во општина Битола, министерот за земјоделство, шумарство и водостопанство, Цветан Трипуновски од медиумите беше запрашан за најавените 1 милијарда денари субвенции на што точно ќе се однесуваат.
„Тие средства кои што ги обезбедивме со ребалансот ќе бидат наменети за сите категории на земјоделски производители кои што се со соодветни апликации во Министерството. Тука се опфатени сите сточари, овоштари, лозаропроизводители и градинари“, истакна Трипуновски.
Нагласи дека на страната на земјоделците секогаш ќе биде министерството и владата кои ќе работат во решавање на нивните проблеми и маки.
„Опфатени се сите оние кои што во минатото требало, но не ги имаат земено субвенциите. Со ова сакаме да покажеме дека премиерот пред се, Владата сме цврсто решени навистина земјоделците да почувствуваат дека имаат вистински партнер од другата страна кој што ќе ги слушне и нивните маки, но и ќе работи и на решавање на нивните проблеми. И исто така ќе се гради еден добар однос кој што ќе значи Македонија да биде повторно земјоделска држава“, заклучи Трипуновски.
Економија
Тони Петрушевски нов директор на РЕК Битола
Управниот одбор на АД ЕСМ денеска именуваше нови директори во дел од термоенергетските производствени капацитети во рамките на компанијата.
За директор на подружница РЕК Битола е назначен Тони Петрушевски, дипломиран машински инженер, со претходно работно искуство во приватниот
сектор. Досегашниот в.д. директор Иле Костадиновски е назначен за помошник директор за правни, кадровски и општи работи во РЕК Битола. АД ЕСМ се заблагодарува за неговиот ангажман и посветеност во изминатиот период.
За директор на РЕК „Осломеј“, е назначен Сашо Вренцоски, дипломиран економист и истакнат стручен кадар со долгогодишно работно искуство во
комбинатот. На директорска позиција во Осломеј е именуван и Агим Садику, дипломиран економист со работно искуство во Управата за јавни приходи.
За в.д. Директор на подружницата ТЕЦ Неготино, е назначен Александар Галапчев, дипломиран инженер со работно искуство во термоелектраната.
Бобан Максимовски, со завршени академски студии од областа на менаџмент ќе биде управител на друштвото за производство на топлинска енергија ЕСМ производство на топлинa, инфомираат од компанијата.
Економија
„Алкалоид“ чекор понапред кон целосна дигитализација
Компанијата „Алкалоид“ започна со имплементирање на софтверската платформа AlkaLIMS, која има цел да изврши целосна интеграција на сите лабораториски процеси во компанијата, централизирано управување со податоците и со процесите, нивна следливост поврзана со контрола на производите, регулаторна усогласеност и стимулација за континуирано подобрување.
„Алкалоид“ започна процес на целосна интеграција на сите свои лабораториски процеси во рамките на сегментот ПЦ Фармација, преку имплементирање на современата софтверска платформа AlkaLIMS (Laboratory Information Management System). Спроведувањето на овој нов проект значи интегрирање на сите лабораториски процеси, вклучувајќи ја секоја процесна фаза – од земање примерок до издавање сертификат за анализа на производ во рамките на една дигитална платформа.
AlkaLIMS како софтверско решение се имплементира со цел значително унапредување на повеќе аспекти од лабораториското работење во рамките на Контрола на квалитет, Истражување и развој и Технички опeрации за произвoдство, меѓу кои: зголемување на ефикасноста и на продуктивноста; унапредување на регулаторната усогласеност, на можностите за обезбедување интегритет и следливост на податоците и на процесите поврзани со контрола на производите; централизирано управување со податоци; интеграција на севкупната аналитичка опрема во една платформа; намалување на оперативните трошоци и стимулација на процесите за континуирано подобрување.
Како напредно и отворено софтверско решение, AlkaLIMS нуди можност за тековно надградување со нови модули, во согласност со потребите на компанијата. Партнерска компанија на „Алкалоид“ во овој проект е светски реномираната корпорација LabWare од Соединетите Американски Држави.
AlkaLIMS е од стратешко значење во Профитниот центар Фармација, но и значајна референција во амбициозната агенда на „Алкалоид“ за целосна дигитална трансформација. Kако глобална и иновативна компанија, „Алкалоид“ континуирано ги следи светските достигнувања во развојот на фармацевтската индустрија, а приспособливоста и искористувањето на иновативните технологии се важен императив во насока на унапредување и на усовршување на сите аспекти во работењето.
(ПР)