Спорт
Кубанскиот џин освои златен медал петтипат во истата дисциплина
Михаин Лопез Нуњез, 41-годишниот борач во грчко-римски стил, постигна неверојатен и историски резултат на Олимписките игри во Париз. Кубанецот го освои петтиот златен медал на петтите игри по ред. Во финалната борба во грчко-римски стил до 130 килограми, Лопез Нуњез го совлада Чилеанецот Јасмани Акоста Фернандез со 6:0 и освои нов златен медал во својата блескава кариера.
Своето прво злато го освои на Игрите во Пекинг кога се натпреваруваше во категоријата до 120 килограми, а сето тоа го повтори четири години подоцна кога Лондон беше домаќин на Олимписките игри.
Потоа во следните три случаи се натпреваруваше во преобликувана категорија до 130 килограми, а навиките за освојување златни медали останаа исти. Беше најдобар во Рио де Жанеиро, Токио и сега во Париз.
Со тоа Лопез Нуњез стана првиот спортист во историјата кој освоил пет златни медали во иста дисциплина.
Досега американскиот атлетичар Карл Луис во скок во далечина, американскиот пливач Мајкл Фелпс на 200 метри мешано, американската пливачка Кејти Ледеки на 800 метри слободно, Данецот Пол Елвстром во едрење, Американецот Алфред Оертер во диск и Јапонецот Каоир Ичо во борење, освоиле четири златни медали во иста дисциплина.
По победата на Игрите во Париз, 41-годишникот од Пинар дел Рио свечено ги спушти патиките на душекот, со што означи крај на велинченствената кариера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Галатасарај со Осимен го растури Фенербахче на Жозе Мурињо
Во големото дерби на турскиот фудбал, актуелниот шампион Галатасарај победи со 3:1 на стадионот на Фенербахче. Галатасарај има шест победи со што го изедначи најдобриот старт на клубот во Супер лигата.
Гостите поведоа во 21. минута со автоголот на Доминик Ливаковиќ. Топката по ударот на Лукас Тореира се одби од стативата се одби од грбот на Ливаковиќ и заврши во голот.
Осум минути подоцна беше 2:0 за гостинскиот тим, а во главните улоги беа двајца поранешни играчи на Наполи.
Виктор Осимен, големото засилување на Галата оваа сезона, атрактивно со гради му асистираше на Дрис Мертенс, а ветеранот ја зголеми предноста на својот тим.
Кога во 60. минута 20-годишниот Бразилец Габриел Сара зголеми на 3:0, јасно беше дека Фенербахче ќе го доживее првиот пораз сезонава.
Две минути подцна Џеко од пенал постигна гол за Фенербахче. До крајот на мечот Фенербахче напаѓаше, имаа играчите на Жозе Мурињо две добри шанси но резултатот остана 1:3.
Галатасарај по првите шест кола има исто толку победи, на табелата има пет поени повеќе од Фенербахче.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.