Европа
(Видео) По упадот во Русија, Украинците жестоко напаѓаат од воздух
Киев денеска продолжи со воздушните напади врз рускиот пограничен регион Курск, а одбранбените системи уништија четири беспилотни летала во текот на ноќта, соопшти руското Министерство за одбрана еден ден откако Москва ја обвини Украина дека ја гаѓа областа со оклопно оружје.
Министерството испрати резервни сили да помогнат во одбивањето стотици украински борци поддржани од тенкови во еден од најголемите копнени упади на руска територија за време на војната. Ситуацијата може да се контролира, изјави Алексеј Смирнов, вршител на должноста гувернер на југозападниот регион на Русија, во објавите на апликацијата за пораки „Телеграм“.
Sudzha, Kursk region 💥🔥 pic.twitter.com/dyLQCx5gTz
— MAKS 24 🇺🇦👀 (@Maks_NAFO_FELLA) August 6, 2024
Сите служби за итни случаи се во висока готовност, рече тој, повикувајќи ги луѓето да даруваат крв за да се надополнат медицинските материјали. Украинскиот напад врз руската област Курск е уште еден терористички напад врз цивили, изјави претставникот на руското Министерство за надворешни работи, Марија Захарова, а пренесе државната новинска агенција РИА.
Kursk region 👀🔥 pic.twitter.com/8lhtgybltD
— MAKS 24 🇺🇦👀 (@Maks_NAFO_FELLA) August 6, 2024
Во борбите што избувнаа вчера загинаа пет лица, меѓу кои две од екипите на брзата помош, а најмалку 20 се ранети, меѓу кои шест деца, соопштија руските власти.
Украина не даде официјален коментар, иако имаше докази за некаква воена акција на нејзината страна од границата. И Киев и Москва велат дека нивните напади не се насочени кон цивили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Татко и син од Хрватска со автомобил удриле во камион во Италија, и двајцата загинаа
Две лица од околината на Крижевци загинаа во тешка сообраќајна несреќа што се случи утринава, нешто пред 5.15 часот, на автопатот на северот на Италија.
Како што неофицијално дознава „Подравски.хр“, загинале двајца мажи, татко и син на 40 и 65 години, а несреќата се случила помеѓу Сан Џорџо ди Ногара и Латисана во правец кон Венеција.
Италијанските медиуми пишуваат дека до судирот дошло кога автомобил на лентата за престигнување силно се залетал и удрил во камионот што се движел пред него.
„Според првите информации, двете возила се движеле во иста насока, на средната лента за престигнување, во моментот на несреќата сообраќајот се одвивал нормално. Од засега неутврдени причини патничкото возило удрило во задниот дел од камионот што се движел пред него“, опишале тие. Италијанците додале дека пожарникарите ги извлекле Хрватите од автомобилот и дека ги реанимирале, но повредите биле претешки.
На местото на несреќата пристигнаа сообраќајна полиција, пожарникари, хеликоптерска брза помош, итната медицинска помош и работници на автопатот.
Европа
Французинот што донел 50 мажи да ја силуваат сопругата; еден од нив призна: Не се согласи, жал ми е
Еден од 50-те мажи обвинети за силување на Французинката Жизел Пелико во случајот за масовно силување денеска пред судот ѝ кажа дека му е жал за тоа што го направил.
Лионел Родригез е еден од малиот број обвинети што признаа дека ја силувал Пелико, која била малтретирана од десетици непознати во текот на речиси една деценија додека била во несвест, дрогирана од сопругот Доминик, без нејзино знаење.
Доминик Пелико, кој поканувал непознати мажи преку интернет во семејната куќа за да ја силуваат неговата сопруга, во понеделникот пред судот ги призна своите злосторства. „Јас сум силувач, исто како и другите (обвинети) во оваа соба“, рече тој.
Родригез, 44-годишен татко на три деца, во четвртокот ѝ се извини на 72-годишната жртва. „Извинете, не можам да го замислам кошмарот низ кој сте поминале… И јас сум дел од него. Знам дека моето извинување нема да го промени она што се случи, но сакав да ви кажам“, рече тој.
Случајот предизвика протести во Франција за поддршка на Жизел Пелико, која побара судењето да не се одржува зад затворени врати за да се открие злоупотребата.
Родригез во текот на истрагата признал дека ја силувал Жизел Пелико. На суд денеска повтори дека немал намера да ја силува, но сфаќа дека ја силувал.
„Да знаев дека не е свесна, немаше да го сторам тоа. Не разговарав со неа, па не можев да добијам нејзина согласност. Се чувствувам виновен за она што го направив“, рекол тој.
Родригез исто така се обиде да префрли дел од вината на Доминик Пелико велејќи му на судот дека го направил она што му рекол нејзиниот сопруг.
Европа
ОН: Руските напади врз енергетската мрежа на Украина го прекршуваат хуманитарното право
Руските воздушни напади врз енергетската мрежа на Украина, веројатно, го прекршуваат меѓународното хуманитарно право, соопшти набљудувачката мисија на ОН, а Украинците се подготвуваат за најлошата зима од почетокот на руската инвазија.
За време на инвазијата Русија лансира стотици проектили и беспилотни летала врз украинските капацитети за производство, пренос и дистрибуција на електрична енергија.
Првиот голем бран удар се случи во есента и зимата 2022 година, неколку месеци откако Русија ја почна својата инвазија. Нападите продолжија во текот на целата војна, иако Москва значително ја засили својата кампања од март.
Секој бран напади ги остави украинските градови без струја.
Набљудувачката мисија на ОН за човекови права во Украина (HRMMU) го фокусира својот извештај на девет брана напади помеѓу март и август 2024 година.
„Постојат разумни основи да се верува дека повеќе аспекти на воената кампања за оштетување или уништување на цивилната инфраструктура за производство и пренос на електрична енергија и топлина во Украина ги прекршиле основните принципи на меѓународното хуманитарно право“, се вели во извештајот.