Европа
(Видео) Една од најсилните украински бригади се приклучи на инвазијата врз Русија, пишува „Форбс“
Колоната оклопни возила, кои влегоа во регионот Курск на третиот ден од ненадејната инвазија на Украина на руска територија, вклучува една од најдобро опремените и најбрзи украински бригади: 80. воздушна јуришна бригада, пишува „Форбс“.
На социјалните мрежи вчера беше објавено видео на кое се прикажани тенк Т-64БВ или Т-80БВ, возила за чистење мини УР-77, инженерско возило ИМР-2 и оклопни транспортери БТР-80 и американскиот „Страјкер“. Сите возила имаа дополнителен оклоп за заштита од дронови, а БТР-80 носеше војници. Минофрлач од 82 милиметра може да фрли бомба најмногу неколку километри. Од контекстот е јасно дека снимката ги прикажува раните моменти на сериозниот украински напад врз руските позиции.
Само 80. воздушна јуришна бригада управува со оваа комбинација советски и американски возила. Дополнителна потврда доаѓа од друга снимка, снимена од руски дрон, која покажува напади врз борбени возила „Мардер“ од германско производство во Курск.
Тоа е 80. бригада заедно со нејзината сестринска 82. бригада, која заедно управува со „Мардерс“ и „Страјкерс“. „Мардерите“ се тешки, „страјкерите“ се брзи. Тие добро одговараат за украинските воздушно-јуришни сили, кои сакаат брзи и моќни напади.
Footage of a reported Iskander strike targeting these vehicles (note the multiple different ISR drones) and Ukraine trying to evacuate them.https://t.co/BuKugKqZAKhttps://t.co/lbU1DvpfKYhttps://t.co/C34K2p4mWnhttps://t.co/8bGw91H0QPhttps://t.co/3yLgf9zwe1 pic.twitter.com/k7REjohnDT
— John Hardie (@JohnH105) August 7, 2024
Учеството на оваа елитна бригада е уште еден доказ за обемот на украинските операции северно од границата со Русија.
По почетокот на целосната руска инвазија на Украина во февруари 2022 година, проукраинските борци извршија голем број упади преку границата во јужна Русија, но овие упади беа мали и ограничени, никогаш не траеја повеќе од неколку дена. Повеќе од сè, нивната цел беше да ги посрамотат руските лидери.
Украинската операција почната во вторникот е сосема друга приказна. Вклучува најмалку три бригади, од кои секоја има до 2.000 војници: 22. и 88. механизирана бригада и 80. воздушна јуришна бригада. Клучната поддршка е обезбедена со беспилотни летала, противвоздушна одбрана и артилерија.
Од час на час станува сѐ појасно дека она што се случува во Курск не е само обичен упад, туку инвазија. Фактот дека Украинците инвестираат значителни ресурси во тоа не гарантира успех, се разбира. Околу зоната на инвазија има речиси 10.000 украински војници, а руските сили во таа погранична област бројат приближно 48.000 војници.
Сепак, тие руски сили моментно се заглавени во Вовчанск, пограничен град со Украина на речиси 150 километри од Суџа, руски пограничен град, кој стана центар на украинската инвазија.
Јасно е дека украинските бригади намерно ја преминале границата на местото на кое имало најмалку руски војници. „Командата на украинските одбранбени сили успешно го постигна елементот на изненадување“, нагласуваат од Украинскиот центар за одбранбени стратегии.
Одлучувачки фактор во сега тридневната инвазија на Украина може да биде колку бргу, ако воопшто руските сили може да се преселат во Суџа. Ако Русите се движат бргу, може да го забават, можеби дури и целосно да го вратат украинскиот напредок. Ако бидат бавни, би можеле да изгубат многу повеќе од регионот Курск.
Сѐ уште има значителни шанси оваа операција да им се одбие од глава на Украинците. Ако украинските бригади се пребрзи за сопствената артилерија, противвоздушна одбрана и логистика, тие би можеле да се најдат сами и совладани длабоко во Курск. Киев ризикува илјадници војници, кои не може едноставно да ги замени.
Сепак, Украинците не само што напредуваат бргу, туку напредуваат со сериозна сила – во форма на 80-тата воздушна јуришна бригада.
На украинските команданти треба да им се признае дека целосно ги шокираа и ги збунија руските команданти со темпото и големината на нападот. „Има забележливо доцнење во одлучувањето од страна на командата на северните непријателски трупи, што укажува на погрешна процена на веројатната природа на акциите на украинските одбранбени сили“, заклучува Украинскиот центар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Татко и син од Хрватска со автомобил удриле во камион во Италија, и двајцата загинаа
Две лица од околината на Крижевци загинаа во тешка сообраќајна несреќа што се случи утринава, нешто пред 5.15 часот, на автопатот на северот на Италија.
Како што неофицијално дознава „Подравски.хр“, загинале двајца мажи, татко и син на 40 и 65 години, а несреќата се случила помеѓу Сан Џорџо ди Ногара и Латисана во правец кон Венеција.
Италијанските медиуми пишуваат дека до судирот дошло кога автомобил на лентата за престигнување силно се залетал и удрил во камионот што се движел пред него.
„Според првите информации, двете возила се движеле во иста насока, на средната лента за престигнување, во моментот на несреќата сообраќајот се одвивал нормално. Од засега неутврдени причини патничкото возило удрило во задниот дел од камионот што се движел пред него“, опишале тие. Италијанците додале дека пожарникарите ги извлекле Хрватите од автомобилот и дека ги реанимирале, но повредите биле претешки.
На местото на несреќата пристигнаа сообраќајна полиција, пожарникари, хеликоптерска брза помош, итната медицинска помош и работници на автопатот.
Европа
Французинот што донел 50 мажи да ја силуваат сопругата; еден од нив призна: Не се согласи, жал ми е
Еден од 50-те мажи обвинети за силување на Французинката Жизел Пелико во случајот за масовно силување денеска пред судот ѝ кажа дека му е жал за тоа што го направил.
Лионел Родригез е еден од малиот број обвинети што признаа дека ја силувал Пелико, која била малтретирана од десетици непознати во текот на речиси една деценија додека била во несвест, дрогирана од сопругот Доминик, без нејзино знаење.
Доминик Пелико, кој поканувал непознати мажи преку интернет во семејната куќа за да ја силуваат неговата сопруга, во понеделникот пред судот ги призна своите злосторства. „Јас сум силувач, исто како и другите (обвинети) во оваа соба“, рече тој.
Родригез, 44-годишен татко на три деца, во четвртокот ѝ се извини на 72-годишната жртва. „Извинете, не можам да го замислам кошмарот низ кој сте поминале… И јас сум дел од него. Знам дека моето извинување нема да го промени она што се случи, но сакав да ви кажам“, рече тој.
Случајот предизвика протести во Франција за поддршка на Жизел Пелико, која побара судењето да не се одржува зад затворени врати за да се открие злоупотребата.
Родригез во текот на истрагата признал дека ја силувал Жизел Пелико. На суд денеска повтори дека немал намера да ја силува, но сфаќа дека ја силувал.
„Да знаев дека не е свесна, немаше да го сторам тоа. Не разговарав со неа, па не можев да добијам нејзина согласност. Се чувствувам виновен за она што го направив“, рекол тој.
Родригез исто така се обиде да префрли дел од вината на Доминик Пелико велејќи му на судот дека го направил она што му рекол нејзиниот сопруг.
Европа
ОН: Руските напади врз енергетската мрежа на Украина го прекршуваат хуманитарното право
Руските воздушни напади врз енергетската мрежа на Украина, веројатно, го прекршуваат меѓународното хуманитарно право, соопшти набљудувачката мисија на ОН, а Украинците се подготвуваат за најлошата зима од почетокот на руската инвазија.
За време на инвазијата Русија лансира стотици проектили и беспилотни летала врз украинските капацитети за производство, пренос и дистрибуција на електрична енергија.
Првиот голем бран удар се случи во есента и зимата 2022 година, неколку месеци откако Русија ја почна својата инвазија. Нападите продолжија во текот на целата војна, иако Москва значително ја засили својата кампања од март.
Секој бран напади ги остави украинските градови без струја.
Набљудувачката мисија на ОН за човекови права во Украина (HRMMU) го фокусира својот извештај на девет брана напади помеѓу март и август 2024 година.
„Постојат разумни основи да се верува дека повеќе аспекти на воената кампања за оштетување или уништување на цивилната инфраструктура за производство и пренос на електрична енергија и топлина во Украина ги прекршиле основните принципи на меѓународното хуманитарно право“, се вели во извештајот.