Спорт
Дарио Ивановски по маратонот во Париз: Имав мала повреда, но го дадов максимумот
Нашиот најдобар маратонец, Дарио Ивановски, по завршувањето на маратонската трка на Олимписките игри во Париз се обрати до македонските граѓани, заблагодарувајќи се за поддршката.
„Штом еден маратон се заврши, тоа значи дека се завршува успешно. Пред сè да се заблагодарам до Бога што влегов во трката жив и здрав, сепак имав мала повреда на стапалото и на коленото кое од шестиот километар не ми дозволи да продолжам со исто темпо кое го наметнавме на почетокот. Од петтиот спрема шестиот километар почнав да ја влечам ногата и да се мачам, сепак тоа е што е. Го дадов максимумот, сега преостанува период на опоравување, и да се фокусираме кон следните цели.
Можеби јас и сите имавме малку поголеми очекувања, јас верував дека можам подобро и сеуште верувам дека можам подобро, сепак 2:08 што ми е најдобро време, и сега 2:28 ќе се види дека нешто се случувало во трката. Претходно според тренинзите бев и многу поспремен за тој резултат што го имам. Се надевам дека на следната трка, следните предизвици ќе го видите стариот Дарио, па дури и подобар од тоа што бев. Ви благодарам уште еднаш на сите кои беа со мене – беа зборовите на Ивановски по маратонот“, рече Ивановски.
Тој го заврши маратонот на 69. позиција, во конкуренција со 81 натпреварувач.
Ивановски истрча за 2 часа 28 минути и 15 секунди.
Новиот олимписки шампион е Тамират Тола од Етиопија, кој ја заврши трката со 2:06,26. На второто место е Башир Абди од Белгија, а на третото Бенсон Кипруот од Кенија.
Ивановски беше последниот шести македонски олимпиец со настап на Игрите, претходно учествуваа и Никола Ѓуретановиќ (пливање), Анастасија Мојсовска (спортско стрелаштво), Еди Шерифовски (џудо), Владимир Егоров (борење) и Милјана Рељиќ (таеквондо).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонскиот шахист Тони Лазов олимписки вицешампион
Македонскиот интернационален мајстор Тони Лазов освои сребрен медал на втората табла на 45. Шаховска олимпијада што се одржа од 10 до 22 септември во Будимпешта.
Лазов, кој го почна турнирот со рејтинг 2360, освои 7,5 поени од осум партии и со рејтинг-перформанс 2763 заврши втор на втората табла, зад олимпискиот првак, велемајсторот Таи Даи Ван Нгујен од Чешка со 2783, а бронзата му припадна на Едиз Ѓурел од Турција со 2755.
Пред 24-годишниот неготинец капитулираа велемајсторите Качпер Пјорун (рејтинг 2599) од Полска и Јаник Пелетје (2526) од Швајцарија, ИМ Аделард Баи (2378) од Тајван, ФИДЕ-мајсторите Диого Алјо (2192) од Зеленортските Острови и Рикардо Ернесто Чавез (2185) од Ел Салвадор, кандидат-мајсторот Џејмисон Едрих Као (2125) од Хонгконг и Коси Тиери Егбе (1847) од Того. Единственото реми го забележа против ВМ Јорден ван Хорест (2696) од Холандија.
Ова е четврти поединечен медал за Македонија на шаховските олимпијади по бронзениот на учителот на Лазов, ВМ Трајко Недев, во Ереван 1996 со 8 поени од 11 партии како резерва, златниот на ВМ Драгољуб Јаќимовиќ на третата табла во Истанбул 2000 со 7/9 и среброто на ВМ Владимир Георгиев на третата табла во Калвија (Шпанија) со 9/12.
Македонија во Будимпешта го освои 61. место во конкуренција на 188 машки селекции со 6 победи и 5 порази.
Златниот медал ѝ припадна на Индија, сребрениот на САД, а бронзениот на Узбекистан.
Спорт
Рикиардо: Ако навистина е крај, гордо ја напуштам Формула 1
Возачот на Формула 1 Рејсинг Булс (Тим РБ), Даниел Рикиардо, изјави дека бил преплавен од емоции за време на трката во Сингапур, потенцијално последна за Австралиецот во најбрзиот караван.
Рикиардо заврши на 18. место во Сингапур, цел круг зад победникот Ландо Норис во Мекларен.
Добро информираните претставници на медиумите, меѓу кои и поранешните Формула 1 асови и поранешните членови на програмата на Ред Бул, веруваат дека Лиам Лосон ќе го замени Рикиардо до крајот на сезоната.
Запрашан да ги коментира најавите наводи, Рикиардо изјави дека е задоволен од постигнатото, иако не добил можност да ги исполни своите шампионски амбиции во конкурентен болид.
„Постои можност дека ова беше мојата последна трка во Формула 1. Ако ова е крајот, јас сум спокоен со начинот на кој ќе заврши мојата Ф1 кариера. Тоа дефинитивно ќе им се случи на сите возачи во одреден момент“, изјави Рикардо и додаде:
„Се обидов да се вратам во Ред Бул, но не успеав. Потоа се запрашав, ако веќе не се натпреварувам за подобар пласман, што навистина се обидувам да постигнам? Горд сум на моите 14 години во Формула 1, дури и ако немам бајковит крај на мојата кариера“.
Во Формула 1, Рикардо возеше за Торо Росо, претходникот на тимот за кој моментално се натпреварува, Ред Бул, Рено (претходник на Алпин) и Мекларен.
Спорт
Прекинат мечот во Кавадарци, од Тиквеш тврдат дека судијата ги оштетил
Фото/ https://www.facebook.com/FCTikves1930Kavadarci
Дисциплинската комисија на Фудбалската федерација на Македонија (ФФМ) ќе има многу работа во врска со вчерашниот натпревар во Кавадарци меѓу Тиквеш и Вардар.
Вардар имаше предност од 71.минута кога прекрасен го постигна Закариќ, Тиквеш во 6.минута постигна гол, кој беше поништен поради офсајд. Одлуката ги разгневи домашните фудбалери и публиката, помошникот судија Гоце Петрески, кој покажа офсајд беше погоден од трибините, пораи што Александар Ставрев го прекина натпреварот.
Од Тиквеш тврдат дека се оштетени, дека им бил поништен регуларен гол и го обвинија судијата Петрески дека симулирал повреда.
Дополнително од Фудбалскиот клуб Тиквеш го обвинија и Комесарот за делегирање контролори, Марјан Кировски. Според нив, Кировски им праќал видеа на членови на раководството на Вардар подготвувајќи им текстови за одбрана на судиите.
„Комесарот за делегирање на контролори во ФФМ – Mарјан Кировски му ги праќа видеата на Миленко Неделкоски и му спрема текстови за објава во заштита на судиите од Скопје. Бараме од раководството во ФФМ да поднесе одговорност против Кировски и негово разрешување од функцијата за очигледен поткуп и местенка притив Тиквеш !!!“ – се вели во соопштенито од Тиквеш.