Регион
(Видео) Пожарите стигнаа до Атина, илјадници евакуирани
Илјадници жители во Грција се евакуирани од своите домови бидејќи големите шумски пожари беснеат низ предградијата на Атина, а пламените јазици на некои места достигнуваат и до 25 метри.
Запалени се домови и имоти во околните градови, како и североисточните делови на грчката престолнина, вклучително и училиште во Неа Пантелија. Авионите кои го гаснат пожарот мораа да се повлечат во текот на ноќта, што уште повеќе ја отежна работата на копнените сили. Отежнувачка околност е силниот ветер кој придонесува за брзо ширење на пожарот, јавува Би-би-си.
❗️🔥🇬🇷 – An extremely dangerous forest fire continues to ravage the region near Athens, the capital of Greece, prompting authorities to call for the immediate evacuation of homes.
Emergency crews have been battling the flames for more than 20 hours, in dramatic conditions… pic.twitter.com/nPYeQhfQVm
— 🔥🗞The Informant (@theinformant_x) August 12, 2024
Жителите се жалат дека нема доволно противпожарни возила и пожарникари за помош, додека грчките власти апелираат за меѓународна помош.
Се очекува помош од Шпанија, Италија, Турција, Романија и Канада, Франција ќе обезбеди помошен хеликоптер, а Чешка ќе испрати 75 пожарникари и 25 возила.
Илјадници луѓе добија наредба да се евакуираат, а некои одбија за да ги спасат своите домови. Синоќа, на луѓето во градовите и селата, вклучувајќи го и историскиот град Маратон, им беше наредено да се преселат во побезбедни области.
❌ #Greece Authorities Order Evacuation of Homes, Hospitals near Athens as #Wildfire Rages
A massive fire is out of control in the northern parts of Attica, #Athens.
The wildfires are spreading despite “superhuman” efforts to combat the flames, the fire brigade said. pic.twitter.com/Kmf183sjQX
— 𝕏 𝐁𝐫𝐞𝐚𝐤𝐢𝐧𝐠 𝐍𝐞𝐰𝐬 (@cheguwera) August 12, 2024
Во гаснењето на пожарот беа ангажирани повеќе од 700 пожарникари, 119 возила и голем број војници, а помогнаа и бројни доброволци.
Оваа година Грција забележа највисоки температури во својата историја во јуни и јули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пилот пријавил дека во авионот има бомба: принудно слетал на аеродромот во Подгорица
Капетанот на „ЛОТполиш“ пријавил во полиција во Подгорица дека во авионот на таа компанија има бомба.
На терен е и полицијата, како и полициската антидиверзантска заштита, пренесуваат медиумите во соседството.
Од аеродромот официјално беше соопштено дека нешто пред 17 часот на аеродромот во Подгорица започнала вонредна инспекција на авионот на националната полска авиокомпанија „ЛОТ Полиш ерлајнс“, пишува „Вијести“.
Од таму изјавиле дека авионот бил изолиран и далеку од патничкиот терминал.
Сите други патници се безбедни, а останатите операции засега се одвиваат непречено. Контролата се врши според пропишаните процедури во синхронизирана акција на Полициската управа, аеродромот и другите служби“, се вели во соопштението.
Авионот од Варшава (LO585) летал над Црна Гора, но капетанот по дојавата на Контролата на летање кажал дека мора да слета на пистата на аеродромот во Подгорица.
Полскиот авион слетал во 16:34 часот и во тек е антидиверзантска проверка, стои во написите на медимите.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Регион
Експлозија во Нови Сад: едно лице повредено
Едно лице е повредено денеска кога се случила експлозија во Нови Сад.
Дошло до експлозија на плинска боца.
Повредениот веднаш бил пренесен на Ургентниот центар, но за сега не се знае за сериозноста на повредите. Истрагата е во тек, а по задолжителниот увид, се очекува на самото место да излезат екипи на компанијата „Нови Сад гас“.