Европа
Објавени тајни документи: „Руската морнарица е обучена да напаѓа цели во Европа“
Русија ја обучила својата морнарица да гаѓа локации длабоко во Европа со проектили способни да носат нуклеарни бојни глави во потенцијален конфликт со НАТО, според тајните документи што ги виделе новинарите на „Фајненшл тајмс“ (ФТ).
Мапите на цели длабоко во Европа, како што се западниот брег на Франција и пристанишниот град Бароу-ин-Фернес во Обединетото Кралство, беа детаљно прикажани во презентацијата пред офицерите, направена пред руската инвазија на Украина, соопшти ФТ.
Истиот весник претходно пишуваше за податоци од 29 тајни руски воени досиеја, од кои се чини дека руските сили практикувале употреба на тактичко нуклеарно оружје во раните фази на конфликтот со голема светска сила.
Русите ја нагласуваат предноста од користењето нуклеарни бојни глави во раната фаза на војната
Најновите обелоденувања од истиот пакет-документи покажуваат дека Русија предвидува конфликт со Западот, кој ќе се прошири многу подалеку од нејзината непосредна граница на НАТО, и планира серија насилни напади во Западна Европа. Документите на ФТ му ги покажале западни извори.
Руските документи изработени меѓу 2008 и 2014 година вклучуваат листа на цели за ракети кои може да носат или конвенционални бојни глави или тактичко нуклеарно оружје. Руските офицери ги нагласуваат предностите од користењето нуклеарни бојни глави во рана фаза.
Презентацијата исто така укажува дека Русија ја задржала способноста да лансира нуклеарно оружје од бродови, што, според експертите, носи значителни дополнителни ризици од ескалација или несреќи.
Во документот се наведува дека „високата способност за маневрирање“ на морнарицата ѝ овозможува да изведува „изненадувачки и превентивни напади“ и „масивни ракетни напади… од разни правци“. Се додава дека нуклеарното оружје по правило е наменето за употреба во комбинација со други средства за уништување за постигнување на руските цели.
Кои се целите?
Аналитичарите што ги прегледаа документите рекоа дека тие се во согласност со процената на НАТО за заканата од ракетни напади со долг дострел од страна на руската морнарица, но и со брзината со која Русија, најверојатно, ќе прибегне кон нуклеарната опција.
Мапите, кои беа направени за презентација, а не за оперативни цели, илустрираат примерок од 32 цели на НАТО во Европа за руската поморска флота. Еве неколку примери.
- Целите на руската балтичка флота се главно во Норвешка и Германија – вклучувајќи ја поморската база во Берген, како и радарските локации и објектите на специјалните сили;
- Руската Северна флота треба да цели на одбранбено-индустриски цели, како што е бродоградилиштето за подморници во Бароу-ин-Фернес во северозападна Англија;
- Презентацијата исто така илустрира како руската доктрина би можела да се примени во можни војни во Црното Море, Каспиското Езеро…
- …и Пацификот. Сценаријата вклучуваат војни со сегашните сојузници, како што се Кина, Иран, Азербејџан и Северна Кореја.
Вилијам Алберк, поранешен функционер на НАТО, кој сега работи за тинк-тенк центарот „Стимсон“, рече дека примерокот е мал дел од „стотици, ако не и илјадници цели мапирани во Европа… вклучувајќи воени и критични инфраструктурни цели“.
„Нивниот концепт за војна е тотална војна“
Капацитетот на Русија да напаѓа во Европа значи дека цели на континентот ќе бидат загрозени доколку нејзината војска се судри со силите на НАТО во земјите од фронтот, како што се балтичките држави и Полска, велат аналитичарите и поранешните официјални лица.
„Нивниот концепт за војна е тотална војна“, вели Џефри Луис, професор на Институтот за меѓународни студии „Мидлбери“ во Монтереј, кој ја проучува контролата на оружјето.
„Тие ги гледаат овие работи (тактички нуклеарни бојни глави) како потенцијално оружје за војна“, додаде тој. „Тие ќе сакаат да ги користат и тоа многу бргу“, рече тој.
Тактичкото нуклеарно оружје, кое може да се испорача со проектили од копно или море или од авион, има помал дострел и е помалку деструктивно од поголемите стратешки оружја дизајнирани да ги таргетираат САД. Сепак, тие сè уште може да ослободат значително повеќе енергија од онаа фрлена на Нагасаки и Хирошима во 1945 година.
Путин упорно ѝ се заканува на Европа
Рускиот претседател Владимир Путин постојано им се закануваше на европските сојузници на Украина дека ќе ја спречат западната воена поддршка за Киев. „Тие треба да запомнат дека тие се мали, густо населени држави“, рече тој во мај.
Презентацијата исто така ја споменува опцијата за таканаречен демонстративен напад – активирање нуклеарно оружје во оддалечена област „за време на период на непосредна закана од агресивна војна“ пред вистински конфликт за да се заплашат западните земји. Русија никогаш не призна дека таквите напади се дел од нејзината доктрина.
Таквиот удар, се вели во досието, ќе ги покаже „достапноста и подготвеноста за употреба на прецизно нестратешко нуклеарно оружје“ и „намерата за употреба на нуклеарно оружје“.
Според пресметките на НАТО, земјите во алијансата имаат помалку од 5 отсто од капацитетот за воздушна одбрана потребен за заштита на источното крило на алијансата од сеопфатен напад од Русија. Путин во јуни рече дека Европа ќе биде „повеќе или помалку беспомошна“ против руските ракетни напади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нова експлозија во центарот на Келн, втора за само неколку дена
Во градот Келн на западот на Германија денеска вторпат за само неколку дена одекна мала експлозија.
Експлозијата се случила околу 5 часот по локално време на улицата Еренштрасе во центарот на градот, соопшти полицијата. Експлозијата предизвикала пожар, но тој бргу бил изгаснат, соопшти полицијата. Од таму додадоа дека едно лице, кое се обидело да го изгасне пламенот, избегнало повреда и подоцна било сослушано како сведок, а никој друг не е повреден.
Aktueller #Einsatz
📍Im Bereich #Ehrenstraße gibt es einen #Polizeieinsatz
📍Wir sind mit vielen Einsatzkräften vor Ort und klären die Situation.
📍Wir sperren den Bereich.
❌Bitte meiden Sie großräumig den Bereich. Folgen Sie uns hier und auf Facebook für weitere Informationen pic.twitter.com/lWFeM7GsRf— Polizei NRW K (@polizei_nrw_k) September 18, 2024
Полицијата на социјалната мрежа „Икс“ објави дека е „на местото на настанот со голем контингент полицајци“ и дека „областа се затвора“. Граѓаните беа повикани да ја избегнуваат областа во близина на местото на експлозијата.
Европа
По разорниот циклон, кој ја поплави централна Европа, сега се закануваат лавини
Силниот циклон донесе катастрофални поплави во централна Европа, а беа погодени Австрија, Полска, Чешка, Словачка и делови од Унгарија. На некои локации наврнале над 400 литри дожд на квадратен метар.
Воедно, драстичниот пад на температурата донесе многу силно заладување, па на планините завеја снег.
Снежната линија се спушти на 1.000 метри надморска височина, а падна од 20 до 80 сантиметри снег, локално и повеќе, при што снегот беше проследен со урагански ветрови со брзина од 160 км/ч.
❄️ Il neige encore dans les Alpes autrichiennes ce lundi avec des congères dépassant les 2 mètres dans les stations, comme ici à Obertauern. Un épisode historique en septembre ! (© Hotel Alpenland) pic.twitter.com/A7j6drm74U
— Météo Express (@MeteoExpress) September 16, 2024
Најобилен снег падна на Алпите, особено на Алпите во јужна и западна Австрија, каде што локално на повисоките места наврнаа и до 2 метра снег.
Снегот ги изненади сите, во многу области два месеца порано, а пристигна по летото, кое никогаш не било потопло.
Инаку, снег над 3.000 метри надморска височина е можен и во лето, но ова лето на австриските Алпи над 3.000 метри е забележана низа од повеќе од 65 дена без снег, со температури во плус.
Силниот и обилен снег и снежната бура блокираа многу планински предели.
На Алпите сè уште паѓа снег, а бидејќи е многу влажен, лавините се закануваат во многу области.
Impressive snowline in the Austrian alps today as the weekend deluge (and huge snow dump) develops. pic.twitter.com/TB5Smize9F
— Dave Throup (@DaveThroup) September 13, 2024
Инаку, интересна е и многу острата линија помеѓу снегот и дождот, а оваа остра линија над Линц ја покажува и фотографијата споделена на социјалните мрежи.
Така, додека во долините на Алпите наврнаа повеќе од 200 литри дожд, заедно со поплавите, снегот вееше на над 1.000 метри.
Европа
Борис го напушти регионот над Унгарија и се упати кон југозапад
„Хунгаромет“ на својата фејсбук-страница напиша дека циклонот Борис, кој со денови беше над Унгарија, го напуштил регионот и се упатил кон југозапад.
Одтаму додаваат дека веќе не се очекуваат значителни врнежи.
Како што се наведува, најмногу врнежи имало во Австрија и Чешка, каде што количината дожд надминала 200 милиметри, но многу дожд наврнал и во Словачка и Хрватска.
Во Унгарија најмногу дожд наврна во околината на Сопрон и Мосонмаѓаровар, каде што количината врнежи надмина 100-150 милиметри.
Најмалку 17 лица загинаа во поплавите од Романија до Полска во последните неколку дена.