Спорт
Мурињо: Еден тим ја заслужи победата, но другиот оди понатаму
Фенербахче и по 16 години не успеа да се врати во Лигата на шампионите. Турскиот векилан, синоќа беше елиминиран во третоот квалификациско коло. Лил успеа да остане непоразен во Истанбул и со тоа влезе во плеј-офот за место во Лигата на шампионите.
По поразот од 2:1 во првиот натпревар, Фенербахче предноста на Лил ја анулираше во 91.минута со авто-голот на Диакате. На истекот на првото продоленжение, Лил остана со играч помалку, црвен картон доби Дијаби.
Сепак, тимот на Жозе Мурињо не ја искористи предноста, туку си дозволи да прими гол. ВАР собата сигналириаше игра со рака на еден играч на домашните во 115.минута. Судијата Санчез ја прифати одлуката, а Дејвид од пенал ја потпиша елиминацијата на Фенербахче.
„Еден тим ја заслужи победата, но другиот тим оди понатаму. Ја загубивме шансата да играме со најдобрите. Немаше да ја освоиме Лигата на шампионите, но можевме да победиме некои силни имиња. Сега веќе ја немаме таа шанса “, изјави Мурињо по натпреварот.
„Продолжуваме во Лига Европа, ја чекаме ждрепката. Таму можеме многу. Денеска ни недостигаа Фред и Ферди Кадиоглу, креативни фудбалери кои играат со висок интензитет. Тешко е без еден, а уште потешко кога не играат двајцата. Горд сум на тимот, играчите дадоа се што можеа“, додаде тој.
„Новинарите кои не разбираат фудбал се фокусираат премногу на статистика, бројки и податоци. Тоа само понекогаш покажува каков беше натпреварот. Создадовме доволно шанси да поминеме, двапати ја погодивме рамката на голот, а нивниот голман имаше три неверојатни одбрани. Тој беше играч на натпреварот. Доминик Ливаковиќ имаше само една одбрана на гостински терен, а денес не ја ни допре топката“, заклучи португалскиот стручњак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сензација во АБА лигата, шампионот Црвена звезда падна во Дубаи
Сезоната во АБА лигата започна со изненадување. Дебитантот Дубаи славеше над актуелниот шампион Црвена звезда 86:84. Прв пат по 2013/2014 Црвена звезда сезона во регионалната лига запчна со пораз.
Дубаи за деби сезоната селектирше добар тим од познати играчи со тренерот Јурица Големац. Во првиот меч ја адиграа Црвена звезда, која одигра под нивото, со исклучок на периодот од четири минути во втората четвртина кога негативата од 17 поени ја претворија во плус од еден поен.
Играчите на Дубаи не попуштија и предводени од Мејсон, Препелиќ и Абас запишаа заслужена победа.
Пресуди тројката на Мејсон на 35 секунди до крајот која на Дубаи му донесе +5. Во следниот напад со трјка возврати Недовиќ. До крајот ниту еден тим не успеа да постигне поени. Црвена звезда го имаше последниот напад, кој заврши со големо промашување на Мекинтаер.
Мејсон постигна 18 поени, Абас мечот го заврши со 17, додека дабл-дабл учинок имаше Препелиќ со 16 поени и 10 асистенции.
Кај Звезда Калиниќ постигна 16 поени, Кенан додаде 13, Митровиќ 12, а Недовиќ 11, поен помалку постигна Милер-Мекинтаер.
Спорт
Норис пред Ферстапен ја освои ГН на Сингапур
Возачот на Мекларен Ландо Норис остври супериорна победа на трката за Големата награда на Сингапур. Британецот кој стартуваше од пол-позицијата, водеше од првиот до последниот круг. Норис со овој триумф ја намали предноста на Макс Ферстапен во генералниот пласман на 51 бод.
Ландо Норис го комплетираше совршениот бикенд во Сингапур со победа на главната трка. Возачот на Мекларен триумфираше пред Ферстапен и тимскиот колега Оскар Пјастри.
Совршениот викенд на Норис му го расипа Даниел Рикиардо, кој со софт гуми, во финишот успеа да му одземе еден поен за најбрз круг во трката. Иринијата е што ова беше последната трка на Рикиардо во Формула. Од следната трка колега на Јуки Цунода ќе му биде Лијајм Лосон.
Покрај најдобрите тројца бодои во Сингапур на „Јас Марина“ освоија Џорџр Расел (Мерцедес), Шарл Леклер (Ферари), Луис Хамилтон (Мерцедес), Карлос Саинц (Ферари), Нико Хулкенберг (Хас), Фернандо Алонсо (Астон Мартин) и Јуки Цунода (РБ).
Спорт
Хулигани го уништиле теренот на стадионот на Партизан
Во ноќта меѓу саботата и неделата група хулиганивлегла на стадионот на Партизан и ја уништииле подлогата. Утре, Партизан треба да ја пречека Црвена звезда во вечното дерби.
Како што пренесува „Телеграф.рс“, вработените кои се задолжени за одржување на теренот веднаш ги известиле сите служби на клубот, кои повикале полиција, а во текот на денот се очекува понатамошна истрага.
Се наведува дека група хулигани ги пробиле бравите на стадионот во Хумска, влегле и ја уништиле тревната површина. Хулиганите врлиле стакло и запалиле дел од теренот.
Се следат снимките од безбедносните камери за да се откријат сторителите на ова кривично дело, а клубот започна и вонредни мерки за санација на теренот.
Сите во клубот се надеваат дека надлежните брзо ќе ги најдат одговорните и дека во иднина ќе се спречат вакви инциденти.