Спорт
Катастрофа за хрватскиот клупски фудбал – три клуба испаднаа од европските купови

Потоп доживеаја хрватските клубови во европските купови. Синоќа сезоната заврши за Осиек и Хајдук, а Риека ќе има уште една шанса, ќе игра плеј-оф за пласман во Конференциската лига. Од претходно е познато дека Динамо Загреб ќе се бори за место во главната фаза во Лигата на шампиуоните, доколку „модрите“ не успеат да го елиминираат Карабаг ќе играат во фазата по групи во Лигата Европа.
Риека е елиминирана во третото прелиминарно коло на ЕЛ со пораз од 2:0 од шведски Елфсборг (вкупно 3:1), Осиек е елиминиран во истата фаза од КЛ на пенали на азербејџанската Гзира, откако натпреварите завршија 1:1 и 2:2, а Хајдук исто така беше елиминиран во КЛ со пораз на домашен терен од словачки Ружомберок (1:0), откако првиот натпревар заврши без голови.
Четврток, 15 август 2024 година, останува запишан со црни букви во историјата на хрватскиот фудбал. Неверојатно е како хрватските клубови испаднаа од Европа. На пример, Осиек беше елиминиран од Гзира, откако во првиот меч прими во седмата минута од судиското надополнување, додека истото му се случи и во реваншот во Азербејџан. Потоа во пенал рулетот игрчите на Осиек од пет, промашија четири пенали.
Хрватскиот вицешампион Риека испадна од Лигата на Европа, но за разлика од Хајдук и Осиек, европскиот пат го продолжуваат во плеј-офот од Конференциската лига каде ќе играат против Олимпија од Љубљана. Но Риека е во криза, игра лошо на почетокот на сезоната, поради што отказ доби тренерот Сопиќ.
Се чини дека најголемото разочарување е Хајдук. Клубот со големи мабиции влезе во новата сезона, а веќе на стартот доживеа дебакл. По ремито 0:0 на гости кај Ружомберок, белите од Сплит на домашен терен испаднаа со автогол.
Сите три хрватски клуба беа елиминирани како носители. „Football Meets Data“, платформа која се занимава со фудбалска статистика и аналитика, ова го нарекува апсолутна катастрофа за Хрватска.
„Одиграа 12 натпревари ова лето, сите против клубови од лигите кои се наоѓаат под 22 место. И покрај тоа, тие забележаа само четири победи. Две против Естонците и по еден против клуб од Фарски Острови и од клуб од Втората романска лига.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Селекторот на Казахстан: Македонија е силна селекција

Македонија утревечер игра важен квалификациски натпревар против Казахстан, на кој цели кон нов триумф и продолжување на позитивната серија во овој циклус. Селекторот на гостите, Талгат Бајсуфинов, сепак, потенцираше дека неговиот тим ќе даде сè од себе за добар резултат во Скопје, но призна дека Македонија е фаворит.
„Македонија е силна селекција и знаеме колку ѝ значи овој меч, но ние ќе се бориме за позитивен исход. Против Лихтенштајн имавме среќа и се надевам дека ќе имаме слична ситуација и утре. Првиот меч со Македонија покажа дека можеме да пропуштиме многу шанси, но сега реализацијата ни е подобрена. Ќе се обидеме да освоиме колку што можеме повеќе бодови до крајот на квалификациите, и тоа важи и за утрешниот натпревар“, изјави Бајсуфинов.
Во првиот меѓусебен дуел, Казахстан го предводеше Али Алиев, кој по поразот од Белгија со 6-0 си поднесе оставка.
Спорт
Тренерот на Црвена Звезда ќе биде нов селектор на Србија?

Актуелниот тренер на Црвена Звезда, Владан Милојевиќ, според ексклузивни информации на „Спортски журнал“, ќе го преземе кормилото на фудбалската репрезентација на Србија.
Иако меѓу потенцијалните наследници се споменуваше и Вељко Пауновиќ, „Спортски журнал“ открива дека изборот паднал на Милојевиќ, кој ќе биде официјално потврден на седницата на Извршниот одбор на Фудбалскиот сојуз на Србија закажана за 17 октомври.
Одлуката доаѓа само еден ден по оставката на Драган Стојковиќ – Пикси, кој се повлече по поразот од Албанија (0-1) во Лесковац, резултат што практично ја затвори вратата за Србија за пласман во баражот за Светското првенство 2026.
Интересно е што Милојевиќ ќе ја комбинира новата функција со сегашната на клупата на Црвена Звезда, до зимската пауза ќе продолжи да го води клубот во Суперлигата и Лигата на Европа, по што клубот ќе добие нов тренер.
Дебитантскиот настап на Милојевиќ како селектор треба да биде на големиот дуел со Англија на „Вембли“ на 13 ноември.
Спорт
ВИДЕО: Фарски Острови ја победија Чешка, а тоа отвора пат Хрватска директно да се пласира на СП 2026

Фарските Острови приредија вистинска фудбалска сензација — во Торшавн го совладаа фаворитот Чешка со 2-1 и ѝ направија голема услуга на Хрватска во борбата за врвот на групата и директен пласман на Светското првенство 2026.
Овој неочекуван исход целосно ја расипа ситуацијата за Чесите, кои важеа за главен конкурент на „коцкестите“. По натпреварот, и двете селекции имаат по 13 бодови, но Хрватска има два меча помалку, што ѝ отвора широка врата кон Мундијалот доколку ги освои максималните поени.
Средбата во Торшавн започна внимателно, без голови во првиот дел, но второто полувреме понуди вистинска драма. Соренсен во 67. минута донесе предност за домаќините, Карабец израмни во 78., но само три минути подоцна Агнарсон повторно ја врати радоста кај Фарските Острови со удар што значеше конечни 2-1. До крајот, Чесите нападоа со сите сили, но без резултат.
Во другите натпревари, Холандија ја демонстрираше својата моќ против Финска, победувајќи со убедливи 4-0. Головите ги постигнаа Мален, Ван Дајк, Депај и Гакпо, а Мемфис Депај испиша историја — со двете асистенции на овој меч стана најдобар асистент во историјата на репрезентацијата со 36 додавања.
Шкотска лесно се справи со Белорусија (2-1), додека Кипар без проблеми го совлада Сан Марино со 4-0.