Спорт
Американски бизнисмен го купува Евертон
Американскиот бизнисмен Џон Текстор (58) влегол во преговори за купување на поголемиот дел од сопственичкиот пакет во премиерлигашот Евертон.
Актуелен сопственик на клубот од Ливерпул е иранско-британскиот бизнисмен Фархад Мошири (69), кој поседува 94 отсто од акциите на „Карамелите“. Мошири е на чело на Евертон од 2016 година.
Претходните обиди за продажба на клубот беа неуспешни поради постојаните долгови, кои беа највисоки во периодот од 2019 до 2023 година и изнесуваа 500 милиони евра.
Премиерлигата го казни Евертон со одземање на вкупно осум бода токму поради тоа што клубот ги прекрши прописите на лигата за профитабилност и одржливост.
Текстор сега е подготвен да се справи со сите проблеми во кои се наоѓа клубот, делумно и поради фактот што инвестираше во изградба на новиот стадион.
Неговото отворање е планирано за почетокот на сезоната 2025/2026.
Текстор, пред каква било реализација на откупот на акциите од Мошири, ќе мора да го продаде целиот свој удел во Кристал Палас, каде што има косопственичка улога во управувањето преку компанијата „Игл Фудбал Груп“.
Премиер лигата не дозволува еден човек да има сопственот во два клуба.
„Евертон го претставува најдоброто од англискиот фудбал: борба, слава и желба“, рече Текстор уште во мај кога покажа интерес за го купи монзинскиот пакет акции.
Овој бизнисмен има неколку клубови во своето портфолио ширум светот: Ботафого во Бразил, белгиски Моленбек, Кристал Палас и француски Лион со кои управува преку компанијата „ОЛ Груп“.
Евертон наскоро би можел да биде новиот клуб во неговата фудбалска империја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА му го одзеде финалето на Лигата на шампионите на „Сан Сиро“, се бара нов домаќин
Финалниот натпревар од Лигата на шампионите во 2027 година нема да се одигра на миланскиот Сан Сиро, како што беше првично планирано, официјално соопшти УЕФА.
По состанокот на Извршниот комитет на УЕФА во Прага, така одлучија челниците на европската чадор фудбалска организација бидејќи градот Милан не можеше да гарантира дека дотогаш ќе биде завршено реновирањето на стадионот и неговата околина.
Во исто време, УЕФА најави дека повторно ќе го отвори натпреварувањето со цел да се најде соодветен домаќин и локација за тој финален натпревар. Одлуката за домаќинот најверојатно ќе следи во мај или јуни следната година. Финалето на тековната сезона во Лигата на шампионите ќе се одржи на минхенската „Алијанц Арена“ на 31 мај следната година, додека Будимпешта ќе биде домаќин на финалето на Лигата на шампионите една сезона подоцна.
Спорт
Пешиќ останува селектор на Србија
Искусниот кошаркарски стручњак, Светислав Пешиќ, ќе остане селектор на Србија.
Трофејниот стручњак, кој неодамна ја предводеше Србија до бронзениот медал на Олимписките игри, има истечен договор, но тој ќе биде продолжен по изборот на нов претседател на Кошаркарскиот сојуз на Србија.
Пешиќ неодамна имал средба со новиот претседател на КСС, Небојша Човиќ, при што двајцата договориле соработка во наредните години, пишува српскиот весник „Курир“.
Неодамна Богдан Богдановиќ и Вања Маринковиќ разговараа за тоа како би било добро Светислав Пешиќ да остане на српската клупа, а се чини дека нивната желба ќе биде остварена.
Спорт
ЕХФ доживотно суспендираше српски судии поради местење натпревари
Двајцата српски ракометни судии, Александар Панџиќ и Иван Мошорински, добија доживотна суспензија поради местење натпревари.
Имено, како што пренесува „HandNews“, портал специјализиран за ракомет, српските судии Панџиќ и Мошорински се доживотно суспендирани од сите активности на ЕХФ.
Причината поради која е донесена оваа одлука е тоа што тие биле вклучени во местење натпревари, тврди „HandNews“.
Двајца судии добија доживотна суспензија бидејќи биле вмешани во местење натпревари на Европското првенство во ракомет.
Истиот додава дека покрај доживотна суспензија, биле казнети и парично со по 2.000 евра.
Се додава дека судиите не се појавијле на рочиштето, но барањето на ЕХФ ило прифатено и тие и официјално се избришани од списоците на функционери на ЕХФ за натпреварите што се организираат.
Останува да видиме дали и ќе ги суспендира и Ракометниот сојуз на Србија.
🇪🇺 #EHF
👨⚖️ Le binôme d'arbitres 🇷🇸 impliqué dans l'affaire des matchs truqués radiés à vie par l'EHF 😯
👉 https://t.co/21PEkNDcY8 pic.twitter.com/BbSGAi1oQ3
— HandNews (@HandNewsfr) September 24, 2024