Македонија
Активни се 17 пожари на отворен простор, изгаснати 13, а под контрола 5

Од вкупно 35 пожари денес до 19 часот, активни се 17, изгаснати 13, а под контрола 5, објави Центарот за управување со кризи во последниот извештај за состојбата.
1. МАКЕДОНСКИ БРОД 1: Јасен – Белица (1Х – МВР Ми171) (60 АРМ) (3 ТППЕ, НШ, 4 НП) (борова шума);
2. РЕСЕН и ОХРИД: Галичица, на исток во правец на селата Лескоец и Стење, општина Ресен, додека на Охридска територија на запад кон месноста Војтино и на север кон планинарска куќа (1 ЕТ –ДЗС на ресенска страна) (120 лица вкупно-ДЗС, ТППЕ, НП, Планинска спасителна служба, доброволци и други лица) (нискостеблеста вегетација и букова шума);
3. ДОЛНЕНИ: с.Дебреште, крак кон с.Зрзе (8 ТППЕ, НШ, мес.нас), како и крак кон с.Крапа (5 НШ), Општина Македонски Брод (нискостеблеста деградирана шума, сува трева);
4. НОВАЦИ: с.Полог – Брник – Ивени – Рапеш – Паралово (6 ТППЕ, мес.нас) (ниска вегетација, деградирана шума);
5. КИЧЕВО 1: с.Цер, планина Љубин (1Х МВР) (25 МВР, 20 АРМ, 5 ДЗС) проширен е кон селата Брезово и Зашле, Општина Демир Хисар (7 ТППЕ) (нискостеблеста деградирана шума, сува трева и ниска вегетација);
6. КИЧЕВО 2: с.Патеец – с.Козичино, проширен кон с.Дупјани (5 НШ) (борова и букова шума);
7. ВАЛАНДОВО: с.Казандол, м.в. Чештово (6 ТППЕ, 4 НШ, 1 лов.дру.) (нискостеблеста шума, прнар, сува трева);
8. ПЛАСНИЦА: с.Пласница – с.Латово, Македонски Брод (нискостеблеста вегетација);
9. МАКЕДОНСКИ БРОД 2: с.Девич, м.в.Вртешка (НШ) (мешана шума)
10. ДЕБАР: с.Гари на планина Стогово (10 НШ) (мешана шума);
11. ЧАШКА: с.Мокрени (10 НШ, 4 ТППЕ, 7 мес.нас) (нискостеблеста дабова шума);
12. МАКЕДОНСКА КАМЕНИЦА: с.Цера (4 ТППЕ, 1 НШ) (мешана шума) – повторно се разгорел на еден крак;
13. ВАСИЛЕВО: м.в.Карбино (ЗИК Слобода) према с.Владевци (20 ТППЕ) (нискостеблеста шума, стрништа, сува трева, грмушки);
14. САРАЈ: с.Кондово (5 ТППЕ) (ѓубре и сува трева);
15. СТРУГА 1: с.Велешта – с.Долна Белица (2 ТППЕ) (стрништа и сува трева);
16. СТРУГА 2: с.Мороишта – с.Мислешево (4 ТППЕ) (стрништа и сува трева):
17. ГЕВГЕЛИЈА: с.Давидово (4ТППЕ) (грмушки и сува трева).
ПОД КОНТРОЛА: 5
1. МАКЕДОНСКИ БРОД: с.Грешница (мешана шума);
2. ДЕМИР ХИСАР: Илинска-Плакенска Планина, кај селата Вирово и Слоештица (8 НШ, 4 мес.нас) (ниска вегетација);
3. ДЕЛЧЕВО: Депонија Делчево (1 ЈКП) (депонија);
4. ЧАШКА 1: с.Папрадиште и с.Ореше (1 НШ) (мешана шума)
5. ЧАШКА 2: Планина Мукос кон с.Дреновци, Општина Прилеп (мешана шума);
ИЗГАСНАТИ: 13
1. БИТОЛА: с.Острец (2 ТППЕ, 4 НШ,2 НП, 3 РЕК Битола мес.нас) (сува трева, мешана шума);
2. ЧЕШИНОВО ОБЛЕШЕВО: с.Уларци (2 ТППЕ) (стрниште);
3. ПРОБИШТИП 1: с.Ратковица (2 ТППЕ) (мешана шума);
4. ПРОБИШТИП 2: с.Лезово (2 ТППЕ) (нискостеблеста вегетација);
5. ПЕХЧЕВО: с.Негрево (10 НШ, 6 ДЗС, 2 ЕЛС) (мешана шума);
6. РЕСЕН : с.Болно – с.Илино (16 НШ) (букова шума);
7. КАВАДАРЦИ: с.Ваташа, м.в.Фуштани (5 ТППЕ) (ниска вегетација и сува трева);
8. КУМАНОВО: локалитет Менкова Колиба (3 ТППЕ) (стрниште и сува трева);
9. СТАРО НАГОРИЧАНЕ: с.Младо Нагоричане (2 ТППЕ) (стрниште и сува трева);
10. ЖЕЛИНО: с.Чифлик (4 ТППЕ) (сува трева);
11. ГОСТИВАР 1: с.Балиндол (3 ТППЕ) ( сува трева);
12. ГОСТИВАР 2: с.Неготино (3 ТППЕ) (сува трева);
13. РАДОВИШ: с.Подареш (2 ТППЕ) (депонија).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Кривична за поранешни директори на Пошта поради незаконски набавки и штета од 32.500 евра

Полицијата поднесе кривична пријава против В.С. и Б.А. – поранешни генерални директори на АД Пошта, поради сомнение за несовесно работење во службата.
Според информациите од истрагата, тие во текот на 2023 година не извршиле соодветен надзор врз работата на подредените раководители на подружници, со што овозможиле да се реализираат набавки спротивно на законската постапка.
На овој начин, биле направени набавки во вредност од 56.546 евра, со што е надминат дозволениот праг, а на буџетот на компанијата му била нанесена директна штета од над 32.000 евра.
Македонија
Лажни налози и злоупотреба на печат – пријавен раководител од Шуто Оризари за измама од 3,6 милиони денари

Полицијата расчисти случај во врска со измама во службата, при што поднесе кривична пријава против Д.А. (51) вработен како раководител на сектор во општината Шуто Оризари, поради сума од 3.600.000 денари, односно над 58.000 евра.
„Имено, според сознанија од истрагата, осомничениот при крајот на 2023 година како раководител на сектор во општина Шуто Оризари со цел да прибави противправна имотна корист – од буџетската сметка на општината, по основ на одржување на училишни објекти, во пет наврати изготвил лажни налози за исплата на парични средства злоупотребувајќи печат на општината како и скратен потпис на актуелен градоначалник на истата“, велат од МВР.
Притоа откако ги пуштил паричните средства од тресорска сметка парите биле префрлени по основ на три налози кон правно лице од Скопје, а дополнително осомничениот формирал уште едно правно лице во кое тој бил сопственик каде што исто така пуштил уште два парични налози. На тој начин осомничениот Д.А. го оштетил буџетот на општина Шуто Оризари за 3.600.000 денари.
Македонија
УЈП спроведе 243 контроли за фискализација минатата недела: кај 37,4% од контролираните субјекти утврдени неправилности

Во периодот од 11.08.2025 – 17.08.2025 година, Управата за јавни приходи спроведе вкупно 243 теренски контроли за фискализација, насочени кон различни типови деловни субјекти, меѓу кои: ресторани, кафе барови, шанкови на плажа, хотели, бутици, колонијали, цвеќарници, месарници и други трговски објекти за продажба на мало.
Како што известува УЈП, контролите биле реализирани во повеќе градови низ државата, меѓу кои и туристичките места каде во летниот период има зголемена фреквенција на туристи. Од вкупно 243 контролирани субјекти, кај 37,4% односно 91 од контролираните субјекти биле констатирани неправилности согласно Законот за регистрирање на готовински промет. За утврдените неправилности донесени се 91 прекршочни санкции – глоби, кои ќе бидат одмерени согласно големината на субјектот.
За седум субјекти поради повторено неиздавање фискални сметки во рок од две години, изречена е мерка за привремена забрана за вршење дејност (запечатување). Анализата на спроведените контроли и утврдените неправилности по градови е следна:
· Во Скопје извршени се 31 контроли, а утврдени се 13 неправилности;
· Во Битола, Охрид, Струга, Демир Хисар и Ресен извршени се 67 контроли, а утврдени се 12 неправилности, од кои: 1 во Битола, 1 во Охрид, 6 во Струга, 1 во Демир Хисар, 3 во Ресен;
· Во Прилеп, Кавадарци, Велес и Кривогаштани извршени се 42 контроли, a утврдени се 12 неправилности, од кои 2 во Прилеп, 1 во Кавадарци, 7 во Велес и 2 во Кривогаштани;
· Во Тетово, Гостивар и Кичево извршени се 44 контроли, а утврдени се 29 неправилности, од кои: 17 во Тетово, 9 во Гостивар и 3 во Дебар;
· Во Куманово и Крива Паланка извршени се 16 контроли, а утврдени се 2 неправилности, од кои во Куманово не се утврдени неправилности, а 2 неправилности се утврдени во Крива Паланка;
· Струмица, Дојран, Гевгелија, Богданци, Василево, Пехчево и Берово извршени се 43 контроли, а утврдени се 23 неправилности, од кои: 12 во Струмица, 3 во Дојран, 4 во Гевгелија, Богданци без неправилности, 1 во Василево, 1 во Пехчево и 2 во Берово. Апелираме до сите даночни обврзници да постапуваат совесно и согласно законските прописи, со цел да придонесат кон зајакнување на даночната усогласеност и унапредување на даночната дисциплина во државата. Управата за јавни приходи врз основа на извршените контроли согласно Закон за регистрирање на готовински плаќања ќе врши вкрстени проверки со цел да ја провери веродостојноста на искажаните приходи кај даночните обврзници. Издавањето фискални сметки и користењето мобилни фискални апарати не претставуваат само законска обврска – туку и клучен чекор кон правично, транспарентно и одговорно деловно опкружување, се наведува во соопштението на УЈП.