Свет
Британка од едрилицата што потона кај Сицилија: Со сета сила го држев моето бебе над површината на водата
Британка од луксузната јахта што потона кај Сицилија опиша како ја држела својата едногодишна ќерка над површината на морето. Шарлот Голунски, нејзиниот партнер и едногодишното бебе беа меѓу 15-те луѓе кои рано утринава беа спасени од едрилицата во Бајзија.
Шест лица, меѓу кои и британскиот технолошки претприемач Мајк Линч, исчезнаа, а еден маж беше пронајден мртов. Едрилицата долга 56 метри со 10 членови на екипажот и 12 патници потона на околу 800 метри од брегот на Палермо.
Во текот на ноќта едрилицата наиде на силна бура и пијавица. Шарлот изјави за италијанскиот весник „Ла Република“ дека таа и остатокот од нејзиното семејство преживеале бидејќи биле на палубата кога потонала едрилицата. Таа се присети како ги разбудиле громови, молњи и бранови кои го нишале бродот.
Вели дека се изгледало како „крајот на светот“, а потоа завршиле во морето. „Две секунди ја изгубив ќерка ми во морето, а потоа брзо ја прегрнав среде брановите“, рекла таа. Таа вели дека ја држела на површина со сета сила, со рацете испружени нагоре за да не се удави.
“Се беше темно. Не можев да ги држам очите отворени во водата. Повикав помош, но се што можев да слушнам околу мене беа вресоците на другите”, додала таа. Таа рече дека 11 лица успеале да се качат на чамецот за спасување. Таа и нејзините најблиски избегале без никакви повреди, но сепак биле пренесени во болница.
Карстен Борнер, капетан на блискиот брод, потврди дека неговиот екипаж качил некои преживеани на сплав за спасување, меѓу кои и тројца кои биле тешко повредени. Опишувајќи го моментот кога започнала бурата, тој за италијанскиот „Rai“ изјави дека едрилицата се навалила на страна и потонала за неколку минути.
„Сè се случи за многу кратко време“, истакна тој. Локалниот рибар Џузепе изјави за Ројтерс дека бил во моторен чамец кога ги видел маичките како пливаат во морето. Фабио Цефалу, квели дека се подготвувал да оди на риболов кога видел молња, па останал во пристаништето. „Околу 4 часот и 15 минути утрото видовме сигнален пламен“, нагласи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полскиот премиер: Ако видите германски војници, не паничете
Најлошите поплави што ја погодија централна Европа во најмалку две децении оставија страшна трага на уништување од Романија до Полска, со тони кал и урнатини во градовите, уништени мостови, потопени автомобили и на крајот од драмата во срцето на Европа, сметките за штети ќе се мерат во милијарди долари.
Градовите јужно од Вроцлав, како што е Левин Брзески, веќе ја почувствуваа целата сила на поплавите, принудувајќи ги жителите да минуваат низ водата до половината или да бараат засолниште на покривите на зградите.
Германија им дојде на помош на Полјаците. Тоа беше можност за примеси на хумор во инаку незавидна ситуација. Така полскиот премиер Доналд Туск на хумористичен начин го најави доаѓањето на германски доброволци и војници, кои ќе им помогнат на Полјаците во санирањето на последиците од поплавите.
“If you see German soldiers, don’t panic. They’re here to help,” says Polish PM @donaldtusk after announcing that German troops were volunteering to help tackle the floods in Poland pic.twitter.com/h8XwO2egG3
— Daniel Tilles (@danieltilles1) September 19, 2024
„Ако видите германски војници, не паничете. Дојдоа да помогнат“, рече тој.
Инвазијата на Полска од страна на германските војници на 1 септември 1939 година се смета за почеток на Втората светска војна.
За време на германската окупација, 6 милиони Полјаци ги загубија животите, а повеќе од илјада села и градови беа срамнети со земја.
Свет
Повеќе од 1.000 луѓе евакуирани поради невремето во Италија, училиштата затворени
Реката Сенио се излеа во населбата Кастел Болоњезе кај Равена и водата стигнува до центарот на градот, додека низ регионот Емилија Ромања повеќе од 1.000 луѓе се евакуирани поради влошување на временските услови, соопштија денеска локалните власти.
Покрај 800-те луѓе евакуирани во областа Равена, уште 165 лица биле принудени да ги напуштат своите домови во областа Болоња, пренесува Анса.
Железничкиот сообраќај е во прекин од синоќа меѓу Форли и Фаенца, меѓу Равена и Кастел Болоњезе, Равена и Ферара и меѓу Равена и Фаенца поради временските услови кои можат да доведат до поплави.
Европа
ОН: Руските напади врз енергетската мрежа на Украина го прекршуваат хуманитарното право
Руските воздушни напади врз енергетската мрежа на Украина веројатно го прекршуваат меѓународното хуманитарно право, соопшти набљудувачката мисија на ОН, додека Украинците се подготвуваат за најлошата зима од почетокот на руската инвазија.
За време на инвазијата, Русија истрела стотици проектили и беспилотни летала врз украинските капацитети за производство, пренос и дистрибуција на електрична енергија.
Првиот голем бран удар се случи во есента и зимата 2022 година, неколку месеци откако Русија ја започна својата инвазија. Нападите продолжија во текот на целата војна, иако Москва значително ја засили својата кампања од март.
Секој бран напади ги остави украинските градови без струја.
Набљудувачката мисија на ОН за човекови права во Украина (HRMMU) го фокусираше својот извештај на девет бранови напади помеѓу март и август 2024 година.
„Постојат разумни основи да се верува дека повеќе аспекти на воената кампања за оштетување или уништување на цивилната инфраструктура за производство и пренос на електрична енергија и топлина во Украина ги прекршиле основните принципи на меѓународното хуманитарно право“, се вели во извештајот.