Регион
„Бато одлета, мајка ми и другиот брат гледаа сѐ“: детали за трагедијата во забавниот парк во Пефкохори
Откриени се детали од трагедијата што се случи во понеделникот во забавниот парк во Пефкохори, на Халкидик, кога животот го загуби млад човек (19).
Младиот човек починал кога паднал од конзолата бидејќи столчето на кое седел му се скршило за време на возењето.
Младиот човек дошол со семејството на одмор на Халкидик и сите отишле во забавниот парк да се забавуваат. Во моментот на несреќата тој бил на вртелешка со еден од браќата, а другиот бил сведок на страшната трагедија.
„Отидовме во забавниот парк и тргнавме на возење. Седнавме на седиштата, а потоа сопственикот ни рече да се поместиме. Пред да почне возењето рече дека ќе биде силно. Отпрвин сè почна полека, а потоа забрза и почуствував како ни се лизга седиштето, му реков на брат ми, тогаш почувствував како ми се оттргна дел од зад грбот“, раскажува братот на починатиот млад човек.
Потоа ги опишува драматичните сцени што следувале.
„За секунда паднав на грбот и сфатив дека брат ми не е до мене, се припивав за железната шипка, а брат ми полета од седиштето, не одлета далеку, но ме удри во главата. Сѐ тоа се случуваше пред очите нашиот брат и мајка ни, други луѓе ја запреа машината, раскажува младиот човек.
Полицијата го привела сопственикот (58), а истрагата е во тек.
Градоначалникот на Пефкохори, Јоргос Циркудис, рече дека не знае кој е одговорен за забавниот парк и додаде дека паркот постои 20 години.
„Не знам кој е на чело на тој парк, никогаш не сум бил“, рече Циркудис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Регион
Експлозија во Нови Сад: едно лице повредено
Едно лице е повредено денеска кога се случила експлозија во Нови Сад.
Дошло до експлозија на плинска боца.
Повредениот веднаш бил пренесен на Ургентниот центар, но за сега не се знае за сериозноста на повредите. Истрагата е во тек, а по задолжителниот увид, се очекува на самото место да излезат екипи на компанијата „Нови Сад гас“.
Регион
Три девојчиња претепале врсничка пред училиште во Панчево
На социјалните мрежи се појави снимка од тепачка што се случи синоќа во Панчево, а според првите информации, се работи за тинејџерки, инаку малолетни.
На видеото се гледа како три девојчиња ги тепаат своите врсници.
Околу нив има голем број луѓе, но никој не се обидува да ги спречи во насилството. Во еден момент претепаното девојче паѓа на бетонот, но трите врснички продолжуваат да ја удираат по главата по што некој од присутните ги раздвојува.
Од полициската управа во Панчево велат дека веднаш ги презеле сите дејства за идентификување на учесниците и утврдување на околностите, но дека самиот случај не бил пријавен во полиција од ниту еден од учесниците. Исто така, потенцираа дека по сознанијата за актерите на инцидентот, ќе се консултираат надлежното обвинителство и судот.