Скопје
Герасимовски: Награда за вработените на ПОЦ, кои учествуваа во гаснењето на пожарот на Јасен
Градоначалникот на Општина Центар Горан Герасимовски денеска им изрази голема благодарност на Воислав Чижбановски, Сами Камилов, Ѓунеш Елес и Мифтар Рајкович вработени во ЈП Паркинзи на Општина Центар, за храброто и пожртвувано гаснење на пожарот на Јасен.
Советот на Општина Центар на вчерашната 39 седница изгласа одлука за доделување на парични средства за учество во гасењето на пожарите во висина од 36 000 денари.
„Во време на крајно сериозна ситуација со беснеење на пожарите во целата држава, време кога беше потребна солидарност и поддршка од институциите за заштита на шумите и имотите на граѓаните, вклученоста на нашите вработени е навистина за почит. Вработените на ЈП ПОЦ
со цистерната неколкупати даваа логистичка поддршка на екипите од ЦУК и Армијата во справувањето на огнот. На Јасен гореше букова шума повеќе од 20 дена, додека во државата беа активни повеќе од 40 пожари. Во таква алармантна ситуација неопходна беше хуманост и институционална и цивилна поддршка. Затоа ви се заблагодарувам за тоа што сте храбри и свесни за давање поддршка кога тоа е потребно. Вие сте пример како треба да се постапува кога е загрозено државното и јавното добро“, им порача Герасимовски.
Општина Центар во периодот на беснеeње на пожарите свика итен координативен состанок со општинскиот Штаб за заштита и спасување и претставник на Центарот за управување со кризи каде беше договорено вклучување на општинските служби со сите расположливи капацитети на општината. Преку општествено одговорни компании Општина Центар обезбеди и донации на вода и освежителни пијалаци и нивен транспорт до местата каде се наоѓаа екипите кои интервенираа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Личните асистенти се веќе во училиштата, продолжуваме со инклузивниот пристап
Општина Центар обезбеди лични асистенти за 23 ученици со посебни образовни потреби, со што во целост им одговори на барањата на основните општински училишта за овој вид инклузивна поддршка. Од општинските служби најавуваат дека по адаптацијата на првачињата, можно е да се јави потреба од зголемување на бројката на лични асистенти за што локалната самоуправа има обезбедено средства во буџетот. Потенцираат дека повеќето ангажирани асистенти имаат долгогодишно искуство во оваа проблематика, а меѓу нив има лиценцирани и стручни лица.
„Запознаен сум со профилот на личните асистенти со кои ги потпишавме договорите за работно ангажирање во проектот ‘Образование за сите’. Можам да кажам дека и годинава имаме квалитетен кадар. Асистентите се од голема помош за севкупниот наставен процес. Со нивна поддршка на учениците им се обезбедува полесен пристап и движење во училишните простории, совладување на образовните содржини и адаптација и прифаќање во средината“, посочува градоначалникот на општина Центар, Горан Герасимовски.
Личните асистенти се ангажирани со скратено време од 20 работни часа неделно, во период од 9 месеци.
За ангажманот добиваат паричен надоместок во висина од 15.000,00 денари (нето-износ), со вклучен данок на личен доход и осигурување за инвалидност и телесно оштетување предизвикано од повреда на работа и професионална болест.
Општина Центар е една од ретките општини во државата, која години доследно и со свои сопствени сили го финансира проектот „Образование за сите“.
Скопје
(Видео) Мицкоски од Аеродром: Доградбата на ООУ „Блаже Конески“ од 200.000.000 денари ќе овозможи децата да се образуваат во современи услови
„Денеска сме овде во Општина Аеродром да означиме почеток на уште еден проект којшто значи пред сѐ за жителите во Општина Аеродром. 200 милиони денари е навистина огромна капитална инвестиција со којашто ќе се овозможи да децата се образуваат и да го стекнуваат своето знаење во услови коишто ќе бидат современи, би рекол европски. Како Влада ќе продолжиме и во иднина да ги продолжуваме ваквите иницијативи, ваквите проекти“, рече премиерот Христијан Мицкоски.
„Морам да напоменам дека заврши Јавниот повик којшто го објави Министерството за локална самоуправа во којшто беа повикани општините да поднесат предлог проекти. Општина Аеродром, исто така, поднесе свои проекти. Истото тоа ќе го сториме на почетокот на следната година, така што сето она коешто е ветено ќе биде испорачано. Можам да кажам дека повеќе од 21 милијарда денари ќе бидат реалоцирани од централниот буџет кон општините за капитални инвестиции, за нови булевари, улици, водоводи, канализации, училишта, градинки итн.. Нешто што досега не се случило“, посочи Мицкоски и додаде:
„Сепак, тоа е една огромна инвестициска активност. Целта на оваа Влада е да поддржува капитални инвестиции, да поддржува проекти коишто ќе значат додадена вредност во квалитетот на живот на македонските граѓани. Јас како претседател на Владата можам да кажам дека многу работи недостасувале изминативе години да се направат во Македонија. Нашиот мотив и инспирација се граѓаните. Така беше овие нецели три месеци откако сме Влада, така ќе биде и во иднина. Има многу да се направи, имајќи ја предвид катастрофалната ситуација којашто ја затекнавме оној 24 јуни, но тоа е што е. Ние мораме да го испорачаме тоа коешто сме го ветиле и тоа од ден на ден го испорачуваме. Ова е дел од тие ветувања и многу сум радосен што ете отпочнува со реализација овој капитален проект, бидејќи бев информиран од градоначалникот дека доколку ова не се случеше постоеше можност тука да се воведе и трета смена, нешто што не треба да го дозволиме, а ние сме за едносменско работење. Така што ова драматично ќе ја олесни работата“.
Скопје
Ѓорѓиевски: По четири децении, нов асфалт на краците 1, 7, 9 и 11 од улицата ,Христо Татарчев
Се реконструираат краците на улицата „Христо Татарчев“ во Кисела Вода.
Според она што го изјави градоначалникот Орце Ѓорѓиевски, се работи за улици кои не биле реконтруирани четири децении. Реконструкцијата на овој дел од општината опфаќа 3500м2 површина, а обновата на целата патна инфраструктура продолжува и понатаму.
– Она за кое со доаѓањето на градоначалничката функција дадов збор пред мојот народ, а тоа е дека до крајот на мандатот нема да има неасфалтирани улици во Кисела Вода, се остварува според утврдениот план. Се работи за реконструкција улицата „Христо Татарчев“ со вкупна површина од 3500 метри квадратни, односно краците 1, 7, 9 и 11 кои со децении биле заборавени од минатите локални власти.
Реконструкцијата на целата патна инфраструктура во Кисела Вода беше голем предизвик. И денес, со гордост можам да кажам дека направивме повеќе од предвиденото, си поставивме цел и докажавме дека со многу труд, посветеност и желба за работа се стигнува до целта.
Нашата цел е населбите во општината да бидат модерни и да ги нудат сите потребни услови за живеење“, истакна Ѓорѓиевски.