Регион
„Ова не е невнимание, туку кривично дело“: таткото на загинатото младо момче на Халкидик бара правда за своето дете
19-годишно момче загина во забавниот парк на познато летувалиште на Халкидик.
Како што потсетуваат медиумите во регионот претходно, жртвата од несреќата добила сериозни повреди на вртелешката кога му пукнал синцирот на седиштето. Екипите на итната помош набргу пристигнале на местото на настанот, но и покрај сите напори на лекарите, тој во болница им подлегнал на повредите.
По повод трагедијата, уапсени се две лица. Првиот, машинскиот оператор (21), и вториот, сопственикот на забавниот парк (58). Тие веднаш по рочиштето се пуштени од притвор.
Членовите на семејството на починатиот млад човек бараат одговор на многу прашања.
Неутешниот татко бара сопственикот на озлогласениот рингишпил во Пефкохори да одговара за смртта на неговото дете бидејќи, како што вели, немал дозвола.
„Ако вие новинарите не ја најдете градоначалничката, утре, по погребот, кога ќе му го дадам синот на Бога, ќе ја најдам. Нема да се откажеме од барањето одговорност не затоа што се работи за мојот син. Живеам во Атина и кога слушнав што се случи, веднаш дојдов. Ова е кривично дело, а не небрежност.
Моите синови отидоа да се забавуваат. Бог нѐ спаси да не изгубиме уште еден син. Моите деца разговараа меѓу себе кога седиштата почнаа да пукаат. Помладиот успеал да се држи за шипката“, рекол таткото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Регион
Експлозија во Нови Сад: едно лице повредено
Едно лице е повредено денеска кога се случила експлозија во Нови Сад.
Дошло до експлозија на плинска боца.
Повредениот веднаш бил пренесен на Ургентниот центар, но за сега не се знае за сериозноста на повредите. Истрагата е во тек, а по задолжителниот увид, се очекува на самото место да излезат екипи на компанијата „Нови Сад гас“.
Регион
Три девојчиња претепале врсничка пред училиште во Панчево
На социјалните мрежи се појави снимка од тепачка што се случи синоќа во Панчево, а според првите информации, се работи за тинејџерки, инаку малолетни.
На видеото се гледа како три девојчиња ги тепаат своите врсници.
Околу нив има голем број луѓе, но никој не се обидува да ги спречи во насилството. Во еден момент претепаното девојче паѓа на бетонот, но трите врснички продолжуваат да ја удираат по главата по што некој од присутните ги раздвојува.
Од полициската управа во Панчево велат дека веднаш ги презеле сите дејства за идентификување на учесниците и утврдување на околностите, но дека самиот случај не бил пријавен во полиција од ниту еден од учесниците. Исто така, потенцираа дека по сознанијата за актерите на инцидентот, ќе се консултираат надлежното обвинителство и судот.