Спорт
Словенците ја пензионираа „тројката“ на Драгиќ
Кошаркарскиот сојуз на Словенија го повлече дресот со број три, во чест на поранешниот капитен на репрезентацијата, Горан Драгиќ.
Драгиќ го освои Европското првенство во 2017 година со репрезентацијата на Словенија, а тој беше прогласен и за најкорисен играч на ЕП.
Тој беше член на третата најдобра петорка на НБА во 2014 година и беше прогласен за Ол-стар за 2018 година за време на кариерата во НБА која се протега од 2008 до 2023 година.
Со Мајами стигна до финалето на НБА во 2020 година, во кое пропушти четири натпревари поради повреда здобиена во првиот натпревар од финалната серија, кој неговиот тим го загуби од Лос Анџелес Лејкерс со резултат 4:1.
Прошталниот натпревар во чест на Горан Драгиќ ќе се одигра во сабота во салата Стожице од 20 часот.
На прошталниот меч на Драгиќ, гости ќе бидат Никола Јокиќ, Лука Дончиќ, Дирк Новицки, Стив Неш, Дејан Бодирога, Предраг Даниловиќ, Александар Ѓорѓевиќ, Марко Гудуриќ, Мирослав Бериќ и други.
Влезниците за натпреварот биле распродадени за 20 минути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Баерн го декласира Динамо – „Модрите“ го забележаа најтешкиот пораз во историјата
Баварците на своите навивачи им приредија вистински спектакл, а Динамо понижувачки пораз, најтежок во клупската историја, а Баерн стана првиот тим во историјата на Лигата на шампионите кој успеа да постигне девет гола на еден натпревар.
На „Алијанц арена“ навивачите видоа 11 гола, три гола беа поништени, три пенали за Баерн, блиц-криг на Динамо кога во 60 секунди дојде до 3:2 и четири гола на Хари Кејн.
Англичанецот со вечерашниот учинок ја исткна кандидатурата за прв стрелец во Лигата на шампионите. Кејн постигна три гола од пенал и еден од игра.
Покрај Кејн два гола, во своето деби во Лигата на шампионите постигна Мајкл Олисе, а по еден гол дадоа Грималдо, Лирој Сане и Леон Горецка.
Стрелци за Динамо беа Петковиќ во 49. и Огивара во 50.минута.
Во тимот на Динамо Стефан Ристовски го одигра целиот натпревар, а Аријан Адеми на теренот влезе во 78.минута.
Спорт
(Видео) Милан немоќен пред Ливерпул, Реал го победи Штутгарт
Ливерпул, во дербито на денот го победи Милан на „Сан Сиро“ со 3:1. Актуелниот првак Реал славеше над Штутгарт со 2.1. Победа на стартот од новата сезона во Лигата на шампионите запиша и Спортинг. „Лавовите“ во Лисабон со 2:0 го победија Лил.
Дербиот во Милано идеално започна за Милан. Во третата минута Пулишиќ го совлада Алисон и му донесе предност на Милан. Во тој момент малкумина веруваа дека тоа ќе биде се од домашниот тим на овој натпревар.
Некаде од 15.минута играчите на Ливерпул ја презедо контролата врз играта и до крајот на првиот дел целосно издоминираа. „Црвените“ постигнаа два речиси идентични гола во 23. и 41.минута. Стрелци беа дефанзивците Конате и Ван Дајк. Неразбирливо е како беа оставени само во петте метри по корнерите кои ги изведоа Александер-Арнолд и Цимикас.
Предноста на Ливерпул можеше да биде и поголема, но Салах немаш среќа. Два пати ја погоди гредата. Точка на натпреварот стави Слобослаи во 67.минута.
Реал се мачи од почетокот на сезоната, но некако победува. Штутгарт му пружи силен отпор на европскиот првак, но не успеа да направи изнендување.
Мбапе го постигна првиот гол во 46.минута, Штутгарт израмни со голот на Ундав во 68.минута. Предноста на реал му ја врати Ридигер во 83., а ја потврди Ендрик во 95.минута.
Спорт
(Видео) Спектакуларен гол на Јилдиз – Рутински победи за Јувентус и Астон Вила
Јувентус и Астон Вила со победи ја отворија новата сезона во Лигата на шампионите. Двата тима рутински славеа во дуелите со ПСВ Ајндховен, односно Јанг Бојс.
Првиот гол во новата сезона во Лигата на шампионите го постигна Јилдиз. 19-годишникот од Јувентус во 21.минута против ПСВ постигна спектакуларен гол. Од левата страна со десна гаѓаше и го погоди спротивниот агол. Шест минути подоцна Мекени искористи мала конфузија во одбраната на холандскиот тим и го постигна вториот гол.
Дилемите околу победникот ги реши Нико Гонзалес во 52.минута. Почесниот гол за ПСВ е дело на Саибали во 94.минута.
Во Берн, Астон Вила ја оправда улогата фаворит против Јанг Бојс. Англискиот тим доминираше, ги казни сите грешки на противникот и победи со 3:0.
Стрелци беа Тилеманс и Ремзи во првото полувреме и Онана во финишот на натпреварот.