Саманта Милер (34) почина на денот на нејзината венчавка во Јужна Каролина откако Џејми Ли Комороски со голема брзина удри во колата голф во која се возеле Саманта и нејзиниот сопруг. Младоженецот, кој ја преживеа страшната несреќа, пред судот во Чарлстон изјави дека посакува „да умрел таа ноќ“.

Неколку моменти пред несреќата, Саманта му рекла на својот сопруг дека „не сака ноќта да заврши“. Во несреќата животот го загуби Саманта, додека нејзиниот сопруг Арик Хачинсон се здоби со сериозни повреди, вклучувајќи повреда на мозокот и повеќекратни скршеници. Џејми Ли Комороски (27) е осудена на 25 години затвор. Несреќата се случила минатата година.

На суд беше откриено дека Комороски таа вечер пиела алкохол во неколку локали и дека во крвта имала три пати повеќе од дозволеното ограничување. Покрај тоа, таа возела со брзина од 105 км/ч на патот во Фоли Бич, каде ограничувањето на брзината е само 40 км/ч.

View this post on Instagram

A post shared by CBS News (@cbsnews)

Младоженецот Хачинсон не можел да ги задржи солзите додека сведочел за последните моменти кои ги поминал со сопругата. „Додека се возевме во колата, таа ми рече дека не сака да заврши оваа ноќ. Ја бакнав во челото, а следното нешто што се сеќавам е дека се разбудив во болница“, рече тој.

Такер Карлсон повторно е во Москва. Конзервативниот американски коментатор и поранешен водител на Fox News доцна синоќа на X објави дека се вратил во Русија за да го интервјуира министерот за надворешни работи на земјата, Сергеј Лавров.

„Се вративме во Москва за да го интервјуираме рускиот министер за надворешни работи Сергеј Лавров, министерот за надворешни работи со најдолг стаж во светот“, рече Карлсон, додавајќи дека интервјуто ќе го објави „наскоро“. Во февруари оваа година тој го интервјуираше рускиот претседател Владимир Путин во Кремљ.

We’re back in Moscow. Here’s why. pic.twitter.com/7FfBhcaIUu

— Tucker Carlson (@TuckerCarlson) December 3, 2024

Сега тој вели дека ќе разговара со рускиот министер за надворешни работи за да ја расветли „руската перспектива“ за тековната војна со Украина. Да потсетиме, Русија во февруари 2022 година започна инвазија на соседна Украина.

Портпаролката на руското Министерство за надворешни работи, Марија Захарова, денеска изјави дека интервјуто било „обемно“ и дека траело „час и половина“ и опфаќало теми од „модерната, понова историја на тешките односи со САД, влијанието на сето ова врз светската геополитика и идната состојба на работите“.

Жена од Флорида е осудена на доживотен затвор затоа што го заклучила своето момче во куфер, оставајќи го внатре со часови додека не умрел. 47-годишната Сара Бун уште во октомври беше прогласена за виновна за убиство од втор степен, а сега е осудена.

Обвинителите рекоа дека го заклучила своето момче, Хорхе Торес Ј.Р., во куфер, снимила видео како го исмева пред да го остави во куферот преку ноќ да се задуши и да умре. Неколку членови на семејството на Торес зборуваа пред изрекувањето на пресудата.

„Понекогаш кога ќе погледнам низ прозорецот, го чекам да дојде и да каже – Мамо, те сакам“, изјави Бјанка Торес, мајката на жртвата.

Сестрата на жртвата, Викторија Торес, рече дека Бун „предизвикал огромна болка“. Една од ќерките на жртвата, Ана Викторија Торес, нагласила дека поради смртта на нејзиниот татко, таа е во хронична депресија и анксиозност, пренесува Си-ен-ен.

Бун исто така сведочеше пред изрекувањето на пресудата. Таа тврдеше дека Торес ја малтретирал. За време на судењето, таа и нејзиниот тим од одбраната се обидоа да докажат дека боледувала од „синдром на претепан сопружник“ и дека се плашела од Торес.

Таа истакна дека Торес „ја удирал, плукнал, ја силувал, ја избодел и давел“.

Во февруари 2020 година, парот пиел алкохол и си играл криенка, се вели во изјавата на државниот обвинител Ендрју Бејн. Мислеа дека „би било смешно“ да влезат во куферот како дел од играта, се додава. Бун тврдеше дека Торес доброволно влегол во куферот, пред таа да го затвори со патент.