Спорт
Мерино официјално станата „топџија“
Шпанскиот играч за врска, Микел Мерино конечно премина во Арсенал од Реал Сосиедад.
Мерино доби четиригодишен договор со можност за продолжување на уште една сезона. Британските медиуми пишуваат дека Мерино би можел да заработи 27.400.000 фунти, а би можел да му бидат исплатени уште 4.200.000 фунти, доколку ја продолжи соработката.
Клубот од Сан Себастијан од трансферот заработи 37.450.000 евра.
Шпанецот е член на Сосиедад од 2018 година. Тој имаше договор со тимот од Баскија до летото 2025 година. Пред да дојде во Сосиедад, за кој одигра 242 натпревари, постигна 27 гола и забележа 30 асистенции, 28-годишникот роден во Памплона ги носеше дресовите на Њукасл, Борусија Дортмунд и Осасуна.
Мерино ја освои титулата на Европското првенство во Германија во јули.
Ова е трето летно засилување за клубот од северен Лондон, претходно во клубот дојдоа италијанскиот дефанзивец Рикардо Калафиори од Болоња и шпанскиот голман. Дејвид Раја чии договор беше откупен од Брентфорд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Динамо го отпушти тренерот Јакировиќ
Сергеј Јакировиќ (47) повеќе не е тренер на Динамо Загреб, објавија хрватските медиуми. Тренерот доби отказ поради серијата лоши резултати која започна со ремито во Риека (1:1), а продолжи со поразот од Хајдук на домашен терен (0:1), а кулминираше во Минхен со историскиот пораз од Баерн во Лигата на шампионите. (9:2).
Јакировиќ на клупата на Динамо остана нешто помалку од 13 месеци. Тој на „Максимир“ пристигна на почетокот на минатата сезона во контроверзен трансфер, кога ненадејно ја напушти Риека, кога доби понуда од Динамо.
Динамо успешно го предводеше до двојната круна, а летово успешно мина низ квалификациите за пласман во главната фаза во Лигата на шампионите.
Претходно ги водеше Сесвете, Горица, Марибор и Зрињски.
Досега како потенцијални замени се споменуваа поранешниот тренер на Динамо Ненад Бјелица и до неодамна тренер на Риека Жељко Шопиќ кои моментално се без работа. Се шпекулираше и со името на поранешниот селектор на Хрватска, Нико Ковач, но според хрватските медиуми тврдат дека тој нема да го преземе Динамо.
Спорт
Де Брујне неизвесен за Арсенал
Манчестер сити не успеа да го победи Интер во првото коло од Лигата на шампионите, а дополнителен проблем за тренерот Пеп Гвардиола е повредата на Кевин Де Брујне.
Белгиецот поради повреда беше заменет на полувремето од натпреварот против тимот на Милано.
„Не знам точно во што е проблемот. Сè уште не сум разговарал со лекарите. Верувам дека се ќе биде појасно во петок“, изјави тренерот Пеп Гвардиола.
Според медиумите во Англија, мали се шансите Де Брујне да го започне натпреварот против Арсенал во Премиер лигата, во недела.
Сити освои четири последователни титули на островот, а Арсенал е нивниот главен ривал во последните две сезони.
Спорт
Си-би-ес: Јокиќ е најдобриот играч во НБА
Познатата американска телевизиска куќа Си-би-ес направи листа на 100 најдобри кошаркари во НБА. На прво место е Никола Јокиќ, најдобриот играч на Денвер.
„Јокиќ е единствениот играч во светот кој може да му гарантира на својот тим квалитетен шут во секој посед. Не постои ситуација надвор или внатре што не може да ја искористи. Многу се подобри и во одбраната. Тој е целосно ослободен од егото. Јокиќ е најчистото олицетворение на кошаркар“, се вели во образложението за одлуката.
Јокиќ три пати во последните четири сезони беше прогласен за МВП на сезоната.
Второто место на оваа листа го зазема Гркот Јанис Адетокумбо (Милвоки Бакс), додека на третото место е уште еден Европеец, Лука Дончиќ (Далас Маверикс).
Во првите десет се уште: Шеј Гилџес-Александер (Оклахома Тандер), Џоел Ембиид (Филаделфија ’76), Стеф Кари (Голден стејт Вориорс), Џејсон Тејтум (Бостон Селтикс), Леброн Џејмс (ЛА Лејкерс), Кевин Дурент (Феникс Санс) и Ентони Едвардс (Минесота Тимбервулвс).
CBS Sports' annual NBA Top 100 is here. 10 analysts voted on the top 100 players for the 2024-25 season.
99. Klay Thompson
68. Michael Porter Jr.
58. LaMelo Ball
30. Chet Holmgren
8. LeBron James
1. Nikola JokicFull list 👇https://t.co/TwneRW4Rit
— CBS Sports NBA (@CBSSportsNBA) September 17, 2024