Спорт
Аргентинец во Ф1 по пауза од 23 години – Колапинто ќе вози за Вилијамс
Вилијамс објави дека 21-годишниот Аргентинец Франко Колапинто ќе вози до крајот на сезоната наместо Американецот, Логан Сарџент. Многумина очекуваа Вилијамс да го донесе Мик Шумахер, но сепак во тимот проценија дека е подобро да му дадат шанса на возач од нивната академија.
Момчето Буенос Аирес го освои шпанското првенство во Ф4 во 2019 година. Учествуваше во различни натпревари, а во 2021 година учествуваше во 24 часа Ле Ман, кога го освои седмото место во класата LMP2, односно 12 .позиција во генералниот пласман.
Колапинто дебитираше следната година во Ф3, а лани во Ф2 шампионатот. В моментов е метти во генералниот пласман во Ф2.
Сарџент има ужасна сезона. Во првата трка му го отстапи болидот на Алекс Албон по катастрофалната несреќа на Тајланѓанецот на тренинг пред трката за Големата награда на Австралија.
Веќе следниот викенд во Јапонија доживеа несреќа на тренинг, а не успеа да стигне до целта ниту во Мајами, ниту во Монтреал.
Сарџент се најде во центарот на вниманието минатиот викенд на Зандворт кога предизвика голема несреќа пред Големата награда на Холандија.
Сигурно е дека тоа беше капката што ја прели чашата, шефовите на тимот да се решат шанса да му дадат на младиот Аргентинец од академијата на Вилијамс.
Колапинто ја доби шансата и ќе биде првиот првиот натпреварувач во Формула 1 од Аргентина по 23 години. Гастон Макакане возеше за тимот на Ален Прост уште во 2001 година, но не ја заврши сезоната.
Дебито на Колапинто ќе биде овој викенд во Монца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Бенфика на турски погон победи во Белград, Баер го декласира Феенорд
Бенфика и Баер Леверкузен со победи стартуваа во новата сезона во Лигата на шампионите.
Бенфика славеше во Белград против Црвена звезда со 2:1, а Леверкузен рутински го порази Феенорд со 4:0.
Црвена звезда ја надигра Бенфика во Белград, но победата ја однесе тимот од Лисабон. Лошите десет минути од почетокот на мечот ја однесоа Црвена звезда во пораз.
Актуркоглу во деветта минута ја искористи бавната реакција на Круниќ. Од тј момент домаќинот притисна, но налетот го одби Кокчу со перфектно изведен слободен удар.
Во вториот дел црвено-белите притискаа, го надиграа и наттрчаа противникот, но успеаја да постигнат само еден гол, во 86.минута кога погоди Милсон.
Германскиот првак Баер Леверкузенза едно полувреме го декласира Феенорд во Ротердам. Два гола постигна Вирц, еден Грималдо, а како шлаг на победата дојде комичниот авто-гол што си го постигна голманот на Феенорд.
Спорт
Рикиардо би можел да го напушти тимот по ГП во Сингапур
Возачот на РБ, јуниорскиот тим на Ред Бул, Даниел Рикиардо изјави дека не е сигурен дали ќе остане во тој тим до крајот на сезоната во Формула 1 по трката во Сингапур.
Договорот на Рикиардо истекува на крајот од сезоната, но има шпекулации дека по неделната трка во Сингапур, тој би можел да биде заменет со Лиам Лосон во последните шест трки од сезоната на тимот РБ.
„Знам како е и како оди и знаев дека ќе има некои датуми и датуми оваа година, без разлика дали е летниот распуст или сега по Сингапур. Мислам дека има уште многу неизвесност. Ќе видиме како ќе помине викендот Ќе дадам се од себе, за се што имам секогаш има за што да се борам, планот е да се обидам да стигнам до подиумот“, изјави Рикиардо.
35-годишниот австралиски возач се врати во Формула 1 кон средината на минатата сезона со РБ, но не успеа да се врати во добра форма и сега е 14-ти во генералниот пласман кај возачите, со 10 поени помалку од тимскиот колега Јуки Цунода.
Запрашан дали трката во Сингапур може да биде негова последна, со оглед на условите на договорот, Рикиардо рече дека не мисли така.
„Но, јас исто така не сакам да почнам овде и да бидам адвокат. Би одговорил на прашањето – не, но знаеме како функционира овој спорт. Не сакам да кажам дека останувам и „100 проценти се обложувам на тоа Она што е лудо во врска со овој спорт е дека ако сум на подиумот овој викенд, веројатно ќе бидам еден од најпопуларните“, рече тој.
Рикиардо додаде дека работите брзо се менуваат во Формула 1, дека е свесен дека ситуацијата се вжештува, но дека ќе се концентрира на своите перформанси и ќе даде се од себе.
Големата награда на Сингапур се вози во недела од 14 часот.
Спорт
Карвахал се закани со штрајк: фудбалерите никој ништо не ги прашува
Дани Карвахал, легендата на Реал Мадрид и на шпанската репрезентација, клучен играч за освојување на европските титули за клубот и репрезентацијата, откри дека фудбалерите планираат радикален протест поради зголемениот број на натпревари.
„Штрајкот поради премногу натпревари во текот на сезоната е опција, можност што ние играчите ја разгледуваме. Никој ништо не не прашува, воопшто не ни обрнуваат внимание и затоа мораме да го кренеме гласот“, изјави тој за популарната радио емисија „Тоемпо де Хуего“.
Играчите во врвните клубови и репрезентации се револтирани што и онака пренатрупаниот распоред на натпревари е зголемен оваа сезона. На пример, Реал на Карвахал одигра 55 натпревари минатата сезона.
Поради новиот формат на Лигата на шампионите и на клупското СП, би можеле да одиграат над 70 натпревари Ако на тоа се додаде дека репрезентацијата на Карвахал од минатото до ова лето одиграа дури 18 натпревари, јасно е зошто е шпанскиот ас е уште еден од низатта фудбалери кои јавно го искажаа своето незадоволство.