Спорт
(Видео) Јанг Бојс победи во Истанбул, Галатасарај испадна од Лигата на шампионите

Јанг Бојс, Спарта Прага и Салцбург обезбедија пласман во новиот формат во Лигата на шампионите. Спарта и Салцбург пласманот во голема мерка го обезбедија по првите натпревари, додека Јанг Бојс среде Истанбул целосно го надигра Галатасарај и вистинско чудо е како Швајцарците славеа само со 1:0.
Играчите на Јанг Бојс не се исплашија од атмосферата во Истанбул, во првиот дел целосно го надиграа Галтасарај, два пати ја погодија стативата, а постигнаа гол кој беше поништен поради офсајд.
Во вториот дел Галатасарај се обиде, меѓутоа гостите беа тие кои ја контролираа играат.
Моментот на одлука се случи во 87.минута, Икарди беше во шанса неговиот удар беше блокиран, а потоа во контранапад Виргиниус постигна гол.
Напаѓачот на Јанг Бојс потоа малку ги провоцираше домашните наввачи, реагираше капитенот на Галатасарај Муслера, па доби црвен картон.
Во Прага, Спарта го победи Малме со 2:0. Во првиот дел двата тима не реализираа по еден пенал, Бирманчевиќ за Спарта, а Кристијансен за Малме. Спарта славеше со головите на Хараслин во 80. и Рахмани во 83.минута.
Салцбург во реваншот со Динамо Киев влезе со предност 2:0, а кога Дахим во 12.минута погоди за 1:0 беше јасно дека Австријците ќе играат во Лигата на шампионите. Динамо избегна пораз со голот на Ванат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона одбиле 80 милиони за Фермин Лопез

Каталонски „Спорт“, откри дека Манчестер јунајтед и Челзи испратиле понуди до Барселона од 80 милиони евра за Фермин Лопез. Понудата на „Ноу Камп“ пристигнала кон крајот на јули.
Во Барселона имало несогласување околу тоа дали треба да биде продаден или не. Некои членови на Управниот одбор верувале дека продажбата ќе помогне во тешката финансиска ситуација и во регистрацијата на нови играчи, додека тренерот Ханси Флик сакал играчот од средниот ред да остане.
Се вели дека преговорите траеле повеќе од една недела, а двата англиски клуба се обиделе да го доведат 22-годишниот шпански фудбалер.
Флик наводно лично интервенирал за да се осигури дека офанзивниот играч од средниот ред ќе остане на „Камп Ноу“.
Фермин одиграл вкупно 89 натпревари за Барселона, постигнува 19 гола и запиша 11 асистенции.
„Трансфермаркт“ ја проценува неговата вредност на 50 милиони евра.
Спорт
Њукасл ќе ја прифати понудата од Ливерпул за Исак

Пред неколку дена се чинеше дека ништо нема да произлезе од трансферот на Александар Исак (25) во Ливерпул, но британските медиуми во петокот објавија дека раководството на Њукасл очекува нова понуда од „црвените“ за шведскиот напаѓач.
Првичната понуда од 125 милиони евра беше категорично одбиена од „страчките“, посочувајќи дека шведскиот репрезентативец вреди 170 милиони евра.
Во меѓувреме, Исак и раководството на Њукасл разменија остри зборови, а Швеѓанецот тврдеше дека клубот му ветил дека нема да го саботираат неговиот трансфер во нов клуб.
„Кога ветувањата се прекршуваат, тогаш повеќе нема доверба и таа врска мора да заврши. Затоа мислам дека промената би била корисна за двете страни, за Њукасл и за мене“, објави Исак во вторникот на социјалните мрежи.
По тие изјави, раководството на Њукасл сфати дека нема смисла да го блокира заминувањето на Исак, бидејќи во своите редови ќе имаат незадоволен играч кој би можел да ја расипе атмосферата во целиот тим.
Иако во моментов нема соодветна замена за Исак, бидејќи Словенецот Бенјамин Шешко се пресели во Манчестер јунајтед, а Уго Екитике во Ливерпул, клубот од стадионот „Сент Џејмс Парк“ е свесен дека ќе мора да го продаде шведскиот голгетер.
Британските медиуми наведуваат дека овој пат „страчките“ без двоумење би прифатиле значително пониска понуда од бараните 170 милиони евра, во опсег од 135 до 140 милиони евра.
Ливерпул веќе потроши 340 милиони евра за нови играчи ова лето.
Исак дојде во Њукасл од Реал Сосиедад во 2022 година за речиси 70 милиони евра. За три сезони, тој постигна 62 гола и додаде 11 асистенции. Сегашниот договор е со важност до јуни 2028 година, а според него тој заработува седум милиони евра годишно.
Спорт
Ренато Веига од Челзи се пресели во Виљареал

Потврдено е дека Ренато Веига (22) потпишал за Виљареал во трансфер вреден 29,5 милиони евра, вклучувајќи бонуси и клаузула за процент од идните продажби.
Трансферот на Веига е најскап во историјата на шпанскиот клуб, а португалскиот дефанзивец дојде од Челзи.
Претходниот рекорд го држеше Пако Алкасер, кого Виљареал го донесе од Борусија Дортмунд за 25 милиони евра во 2020 година.