Европа
„Волстрит џурнал“: Се плашат ли Русите од најмоќното оружје на Украина, 90 отсто од нивните авиони се преместени надвор од дострелот на непријателските проектили
Русија оддалечи 90 отсто од своите борбени авиони од границата со Украина за да бидат надвор од дофат на ракетите од типот ATACMS, кои властите во Киев ги добија од сојузниците.
Како што пренесува „Волстрит џурнал“, се чини дека Русија се плаши од најмоќното оружје на Украина, кое го доби од западните сојузници.
Дневникот се повикува на американски функционер, кој сакал да остане анонимен, кој имал увид во разузнавачкиот извештај за состојбата на фронтот. Дострелот на американските ракети ATACMS е 185 милји (нешто помалку од 300 километри), тие се многу прецизни и украинските вооружени сили успешно ги користеа во неколку наврати.
Извештајот на американскиот дневник дојде во време на заладени односи меѓу Вашингтон и Киев бидејќи украинските власти долго време инсистираат на добивање одобрение од САД за употреба на нивното оружје за гаѓање цели длабоко во руската територија.
Порталот „Политико“ објави дека Русија ги преместила само борбените авиони способни да носат таканаречени лизгачки бомби, што се покажало како оружје против кое украинските војници сè уште немаат соодветно решение.
Russia relocated 90% of its aircraft so they won’t be in range of Ukraine’s ATACMS, report sayshttps://t.co/67hDDONmCU
— Business Insider Africa (@BusInsiderSSA) August 29, 2024
И покрај тоа што Русија ги премести авионите подалеку од границата, барањата на Киев за добивање дозвола од Вашингтон не престануваат, наведува „Бизнис инсајдер“.
„Оние што ги бранат своите животи не треба да имаат ограничувања поврзани со оружјето, а од друга страна, Русија користи секакви видови оружје“, рече Володимир Зеленски, претседател на Украина.
Институтот за проучување на војната објави во извештајот на почетокот од оваа недела дека во дострел на ракетите ATACMS се најмалку 250 значајни воени цели во Русија. Но, поради наметнатите ограничувања, на Украинците им е дозволено да гаѓаат само кон 20 од нив.
Експертите претходно изјавија дека укинувањето на ограничувањата ќе ја принуди Русија да ги прошири своите воени капацитети на поголема област. „Телеграф“ и „Фајненшл тајмс“ во вторникот објавија дека претставници на британската влада приватно побарале од САД зелено светло за да ѝ се дозволи на Украина да ги користи своите ракети storm shadow на руска територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нова експлозија во центарот на Келн, втора за само неколку дена
Во градот Келн на западот на Германија денеска вторпат за само неколку дена одекна мала експлозија.
Експлозијата се случила околу 5 часот по локално време на улицата Еренштрасе во центарот на градот, соопшти полицијата. Експлозијата предизвикала пожар, но тој бргу бил изгаснат, соопшти полицијата. Од таму додадоа дека едно лице, кое се обидело да го изгасне пламенот, избегнало повреда и подоцна било сослушано како сведок, а никој друг не е повреден.
Aktueller #Einsatz
📍Im Bereich #Ehrenstraße gibt es einen #Polizeieinsatz
📍Wir sind mit vielen Einsatzkräften vor Ort und klären die Situation.
📍Wir sperren den Bereich.
❌Bitte meiden Sie großräumig den Bereich. Folgen Sie uns hier und auf Facebook für weitere Informationen pic.twitter.com/lWFeM7GsRf— Polizei NRW K (@polizei_nrw_k) September 18, 2024
Полицијата на социјалната мрежа „Икс“ објави дека е „на местото на настанот со голем контингент полицајци“ и дека „областа се затвора“. Граѓаните беа повикани да ја избегнуваат областа во близина на местото на експлозијата.
Европа
По разорниот циклон, кој ја поплави централна Европа, сега се закануваат лавини
Силниот циклон донесе катастрофални поплави во централна Европа, а беа погодени Австрија, Полска, Чешка, Словачка и делови од Унгарија. На некои локации наврнале над 400 литри дожд на квадратен метар.
Воедно, драстичниот пад на температурата донесе многу силно заладување, па на планините завеја снег.
Снежната линија се спушти на 1.000 метри надморска височина, а падна од 20 до 80 сантиметри снег, локално и повеќе, при што снегот беше проследен со урагански ветрови со брзина од 160 км/ч.
❄️ Il neige encore dans les Alpes autrichiennes ce lundi avec des congères dépassant les 2 mètres dans les stations, comme ici à Obertauern. Un épisode historique en septembre ! (© Hotel Alpenland) pic.twitter.com/A7j6drm74U
— Météo Express (@MeteoExpress) September 16, 2024
Најобилен снег падна на Алпите, особено на Алпите во јужна и западна Австрија, каде што локално на повисоките места наврнаа и до 2 метра снег.
Снегот ги изненади сите, во многу области два месеца порано, а пристигна по летото, кое никогаш не било потопло.
Инаку, снег над 3.000 метри надморска височина е можен и во лето, но ова лето на австриските Алпи над 3.000 метри е забележана низа од повеќе од 65 дена без снег, со температури во плус.
Силниот и обилен снег и снежната бура блокираа многу планински предели.
На Алпите сè уште паѓа снег, а бидејќи е многу влажен, лавините се закануваат во многу области.
Impressive snowline in the Austrian alps today as the weekend deluge (and huge snow dump) develops. pic.twitter.com/TB5Smize9F
— Dave Throup (@DaveThroup) September 13, 2024
Инаку, интересна е и многу острата линија помеѓу снегот и дождот, а оваа остра линија над Линц ја покажува и фотографијата споделена на социјалните мрежи.
Така, додека во долините на Алпите наврнаа повеќе од 200 литри дожд, заедно со поплавите, снегот вееше на над 1.000 метри.
Европа
Борис го напушти регионот над Унгарија и се упати кон југозапад
„Хунгаромет“ на својата фејсбук-страница напиша дека циклонот Борис, кој со денови беше над Унгарија, го напуштил регионот и се упатил кон југозапад.
Одтаму додаваат дека веќе не се очекуваат значителни врнежи.
Како што се наведува, најмногу врнежи имало во Австрија и Чешка, каде што количината дожд надминала 200 милиметри, но многу дожд наврнал и во Словачка и Хрватска.
Во Унгарија најмногу дожд наврна во околината на Сопрон и Мосонмаѓаровар, каде што количината врнежи надмина 100-150 милиметри.
Најмалку 17 лица загинаа во поплавите од Романија до Полска во последните неколку дена.