Забава
Се ожени синот на Тони Кукоч, невестата сподели моменти од венчавката
Марин Кукоч, син на поранешниот кошаркар Тони Кукоч, минатиот викенд во Чикаго се ожени со својата девојка Марсела, со која беше во долга врска. Во приказните на „Инстаграм“ невестата покажа како изгледа нивната венчавка и му испрати емотивна порака на својот сопруг.
„Ти ветувам дека ќе те избирам тебе, секое изгрејсонце и зајдисонце, низ сите сезони од овој живот што ја имаме радоста и честа да ги поминеме заедно, во добро или лошо, секогаш ќе те избирам само тебе. Те сакам, моја љубов“, пишува таа и објавила серија фотографии со гости.
Тони во април минатата година на социјалните мрежи откри дека син му се свршил, а потоа ѝ посака добредојде на Марсела во семејството.
Инаку, Марин е прво дете на Тони и Рената Кукоч, кои ја имаат и ќерката Стела. Тој играше кошарка како дете, но мораше да се откаже поради низа повреди. Студиите ги завршил на еден од најпрестижните американски универзитети, Универзитетот во Пенсилванија, а живее и работи во Чикаго.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.