Спорт
Норис и Пјастри ќе одат на „пеење“ кај шефовите на Мекларен
Тимот на Мекларен најави дека ќе го истражи „инцидентот“ меѓу Ландо Норис и Оскар Пјастри на Формула 1 трката за Големата награда на Италија.
Трката во Формула 1 во „храмот на брзината“ во Монца му припадна на возачот на Ферари, Шарл Леклер. Ферари ги надмудри конкурентите и со едно влегување во боксот ја однесе победата на домашната патека.
Пред трката главни фаворити за победа беа возачите на Мекларен, Ландо Норис и Оскар Пјастри кои ги имаа првите две позиции на стартот.
Ландо од пол-позиција имаше солиден, но потоа во првата шикана Пјастри со агресивен маневар ја презеде водечката позиција.
Оскар ја возеше многу добро целата трка и имаше шанса да победи на крајот, но Леклер успеа да извлече импресивен резултат.
„Тоа беше агресивен потег, но се уште не сум разговарал со нив. Имавме одличен почеток, гледачите беа воодушевени, а јас би рекол дека Ландо беше изненаден од тој потег и тоа е нешто за што ќе разговараме. Имаше многу нервоза кај сите нас во тимот кога Пјастри го изведе тој маневар мора да ги почитувате вашите колеги. Немаше контакт, но тоа беше агресивен и чисто претекнување“, изјави директорот на Мекларен, Зак Браун.
Ландо Норис трката во Италија ја заврши на третото место, а воедно го имаше и најбрзиот круг на трката што му донесе дополнителен бод, па сега има 62 бода помалку од првопласираниот Макс Верстапен, а разликата можеше да ја намали за уште 10 поени ако победеше.
„Приоритет на нашиот тим е шампионската титула“, јасно кажа Зек Браун.
Главниот инженер на Мекларен и тимски шеф Андреа Стела рече дека тимот мора мирно да ја разгледа целата ситуација пред да донесе некава одлука.
„Не само поради чинот на претекнувањето, туку и поради впечатокот што го оставија овие двајца ќе мора мирно да ја погледнеме ситуацијата и да поминеме низ се заедно. Ако можеме да научиме нешто од овој случај, тоа ќе го примениме во некои идни трки. Ова е разочарување бидејќи имавме доволно перформанси за да победиме“, изјави Стела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Норис супериорно до пол-позицијата во Сингапур, Саинц заврши во ѕидот, на Леклер му го избришаа кругот
Ландо Норис ја освои шестата пол-поизицја во кариерата петта оваа сезона. Возачот на Мекларен од првото место ќе ја започне трката за Големата награда на Сингапур. Квалификациите ги обележа катастрофата на Ферари, Шарл Леклер и Карлос Саинц ќе стартуваат од деветтото и десеттото место.
Норис ја потврди дека Мекларен во моментов го има најдобриот болид. Го искористи фактот што во третата сесија сите имаа псамо по еден обид да постават најбрз круг.
Со време Норис 1:29:525 минути дојде до пол-позицијата. Две десетински зад него беше лидеот во вкупниот пласман, актуелниот шампион Макс Ферстапен.
Вториот ред им припадна на возачите на Мерцедес, Луис Хамилтон и Џорџ Расел.
Петти на стратот ќе биде победникот од Баку, Оскар Пјастри, кој во текот на целиот викенд не можеше да го прати темпото на тимскиот колега Норис.
Следуваат Нико Хулкенберг (Хас), Фернандо Алонсо (Астон Мартин), Јуки Цунода (РБ) и двоецот на Ферари Леклер и Саинц.
Карлос Саинц, заврши во ѕидот во подготвителниот круг на самиот почеток на последната сесија.
За разлика од Шпанецот, единственото време кое Леклер го постави во последната сесија беше избришано бидејќи излета од патеката во 19 свиок.
Спорт
(Видео) Челси го прегази Вест Хем
Фудбалерите на Челзи победија на гости кај Вест Хем со 3:0 во 5. коло од Премиер лигата.
Натпреварот на „Олимпискиот стадион“ во Лондон беше игра на мачка и глушец. Фудбалерите на Челси решително влегоа во натпреварот и буквално го прегазија ривалот.
Двоен стрелец за „сините“ денеска во бела опрема беше Николас Џексон. Тој ги постигна првите два гола во четвртата и 18.минута.
Во 47. минута запиша и асистенција за Кол Палмер, кој стави точка на резултатот и на прашањето на победникот.
Спорт
Бањаја го победи Мартин во спринтот на ГН Емилија Ромања
Актуелниот светски првак Франческо Бањаја победи во спринт трката, во пресрет на Големата нграда Емилија Ромања. Перфектниот ден на Дукати го комплетираа Хорхе Мартин, возачот на Прамак и Енеа Бастијанини возачот на фабричкиот тим.
Спринтот не донесе никакви возбудувања. Можат да се издвојат два моменти во кои актер беше лидерот во генералниот пласман Хорхе Мартин.
Шпанецот имаше одличен старт, од втората позиција се катапултираше пред Бидер, Бањаја и Бастијанини. Италијанците од Дукати веднаш си ги вратија своите позиции и од тој момент ја започнаа потерата по лидерот.
Шпанецот направи грешка во седмиот круг и му ја препушти првата позиција на големиот ривал Бањаја.
До крајот немаше промени во поредокот.
Во првите десет спринтот го завршија: Марк Маркез (Гресини Дукати), Педро Акоста (ГасГас КТМ), Бред Биндер (КТМ), Фабио Квартараро (Јамаха), Марко Бецеки (ВР46), Франко Морбидели (Прамак Дукати), Маверик Вињалес (Априлија).
Големата награда Емилија Ромања се вози утре од 13 часот.