Македонија
Меџити вети поддршка за три капитални проекти во Гостивар
Првиот вицепремиер и министер за животна средина и просторно планирање Изет Меџити денеска на работна средба го прими в.д. градоначалникот на општина Гостивар, Ваљбон Лимани, со кого разговараа за проекти кои оваа општина ги реализира во насока на подобрување на животната средина, и проекти кои ќе се реализираат во соработка помеѓу цетралната и локалната власт, а кои имаат за цел подобрување на животниот стандард на гостиварци.
Меџити рече дека оваа средба се одвива во рамки на редовните средби што тој како министер за животна средина и прв вицепремиер ги одржува со градоначалниците на општините, а изјави дека за општина Гостивар, во оваа фаза, дадена е поддршка на три капитални проекти.
„Разговаравме за проектите кои се во тек, за проектите кои ќе се реализираат во иднина и кои ќе бидат поддржани од владата, имајќи предвид дека децентрализацијата е на ниско ниво и секако дека општините имаат потреба од владина помош, ние ги поддржуваме проектот за фекална канализација од блок 2, многу важен за дел од градот Гостивар, најдовме можност да поддржиме и проект за најголемото село во Македонија Чегране, каде што треба да продолжи проектот за канализација вреден 1,3 милиони евра, и во оваа насока, покрај општината, ќе ја поддржиме и како Влада, а она што е најважно е што оваа влада даде важен стимул за децентрализацијата и во наредните четири години од нашиот мандат ќе бидат одвоени околу 1 милијарда евра за општински проекти, а секоја општина по методологија, според бројот на жители, ќе добие свој удел за конкретни проекти“, изјави Меџити за медиумите.
Општините, рече Меџити, во соработка со владината комисија ќе одлучуваат кои проекти се нивен приоритет. Лимани, изрази благодарност за безрезервната поддршка што ја доби од првиот вицепремиер и министер за животна средина, Меџити.
“Разговаравме за јавните повици и средствата кои владата ги предвидела за општините, како и за проблемите со кои се соочуваме како општина, како што се блок-дотациите од МОН, блок дотациите од Министерството за одбрана исто така како и проекти за подобрување на условите за живот на граѓаните, особено за проектите поврзани со животната средина, квалитетот на воздухот и подземната инфраструктура“, рече в.д. градоначалникот на општина Гостивар, Ваљбон Лимани.
На средбата Меџити-Лимани стана збор и за децентрализацијата и идејата за преминување во нова фаза на фискалната децентрализација, што значи зајакнување на општините, подобрување на блок дотациите, имајќи предвид дека со зголемувањето на платите, средствата за превоз и инвестиции во училиштата се намалија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Невреме во Тетово: Поплавени улици, домови, гаражи
Силно невреме го зафати Тетово, поплавени се улици, домови, гаражи.
Невреме со силни врнежи од дожд, град и грмотевици попладнево ја зафати Општина Тетово и околината.
„Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово“, информира вечерва Регионалниот центар за управување со кризи (РЦУК) Тетово.
За невремето известени се и ТППЕ-Тетово, ЈКП-Тетово и одговорни лица во Општина Тетово.
Македонија
Митева: Состојбата во односите со Бугарија е последица на погрешните политики на СДС
„Ситуацијата не е настаната од вчера за денес. Не зборуваме ние за состојба која била совршена до вчера, а од денес не е совршена. Зборуваме за причинско последични состојби и дека состојбата во која сме дојдени е резултат на погрешно преземани политики на СДС”, истакна портпаролката, пратеничка и членка на ИК на ВМРО-ДПМНЕ Марија Митева.
Митева продолжи и додаде:
„Во делот на тоа што се случува помеѓу Бугарија и Македонија е состојба која ја предизвика СДС со погрешните политики”, вели Митева Митева истакна дека состојбите кои ги креира СДС се тотално погрешни.
„Состојбите кои ги креира СДС од позиција на опозиција се тотално погрешни и користи политика за дневно политички поени без никаква суштина”, кажа Митева.
Митева истакна дека за разлика од СДС, ВМРО-ДПМНЕ е многу посветена.
„За разлика од СДС, ВМРО-ДПМНЕ е многу посветено и ќе ја оправда довербата која на 8-ми мај ја доби од граѓаните”, заклучи Митева.
Македонија
Николоски: Македонија не се откажува од идејата за квалитетно железничко поврзување со Бугарија
Влегуваме во силен инвестициски циклус во изградба и модернизација на патната и железничката мрежа во Македонија преку која ќе изградиме квалитетни транспортни мрежи во регионот и ќе допринесеме за побрза интеграција со Европската Унија, е ставот на заменик претседателот на Владата и министер за транспорт Александар Николоски кој денеска го пренесе на средби со министри за транспорт од земји на Европската Унија, средби со колегите министри од земјите на Западен Балкан како и со претставници од различни институции на Унијата во рамки на дводневниот состанок на министри за транспорт на ЕУ што се оддржува во Унгарија.
Министерот Николоски ја потенцира важноста на поддршка на земјите од Европската Унија за спроведување на овие проекти и како што нагласи, нивната реализација ќе значи економски развој и подобра комуникација за сите земји од регионот.
Во одвоени средби со министерот за градежништво и инвестиции на Унгарија Јанош Лазар, со заменик претседателката на Владата и министерка за инфраструктура на Албанија, Белинда Балоку како и претседателот на Заедницата на европски железници Алберто Мацола, информираше дека Македонија ги засилува инвестициите во изградба и модернизација на европските транспортни коридори 8 и 10, поврзувајќи ја оската Исток-Запад, како и брзо поврзување со југ со Атина и на север со земјите од Централна Европа.
Тој ги потенцираше силните заложби на македонската влада за изградба на модерни автопати на западниот дел на коридор 8 кои треба да обезбедат квалитетно регионално поврзување, притоа нагласувајќи дека до крај на оваа година источниот дел од овој коридор ќе биде завршен.
Во однос на железничкото поврзување приоритет е изградба на двоколосечна брза пруга на Коридор 10, проект кој ќе даде дополнителна вредност на целокупната економија во регионот. Во однос на пругата на коридор 8, тој нагласи дека Македонија не се откажува од идејата за квалитетно железничко поврзување со Бугарија.
Изградбата на брза пруга на Коридор 10 како и квалитетно патно и железничко поврзување со Албанија и Бугарија се проекти кои ќе донесат големи придобивки за сите земји од регионот и ќе овозможат сигурен и брз транспорт на производи и патници. Затоа мора заеднички да настапиме со добри развојни програми и планови и да побараме силна поддршка од нашите партнери од Европа, истакна министерот за транспорт Александар Николоски.
Тој исто така информираше дека Македонија започна и со модернизација на неколку гранични премини како дел од проектот за олеснување на трговијата и транспортот меѓу земјите од Западен Блакан.
Состанокот на министри на земјите од Европската унија е одлична можност да ги презентираме нашите планови и активности за развој и модернизација на инфраструктурата во Македонија и да дадеме сериозен придонес за регионалниот развој и интеграцијата на цел регион, посочи министерот Николоски по средбите.
На средбите тој ја истакна цврстата заложба на Владата за остварување на зацртаните цели на земјата кои се однесуваат на пристапниот процес за членство во Европската Унија.