Спорт
Синер преку Медведев до полуфиналето на Ју-ес опен
Јаник Синер е последниот полуфиналист на Ју-ес опен. Пласман меѓу најдобрата четворка на турнирот во Њујорк избори со победата над Данил Медведев 6:2, 1:6, 6:1, 6:4. На првиот тенисер во светот му беа потребни два часа и 39 минути за да го совлада некогаш најдобриот, а денеска петти на светската ранг-листа.
Ова беше 13. меѓусебен дуел меѓу Синер и Медведев. Со победата Италијанецот го намали резултатот на 6:7 во однос на рускиот тенисер. Синер оваа година има биланс од 53 победи и пет порази.
Натпреварот меѓу Синер, победникот на овогодинешното издание на Австралија опен, и Медведев беше последен во четвртфиналето, Комплетирани се полуфиналните двојки, Синер ќе игра против Британецот Џек Дрејпер, 25. носител на турнирот, за кого ова е најдобар резултат на Грен слем турнирите.
Во второто полуфинале ќе играат Американците, 12. носител Тејлор Фриц и 20. Френсис Тиафо.
Полуфинални парови на Ју-ес опенб:
Тенисери:
Синер (1) – Дрејпер (25)
Фриц (12) – Тиафое (20)
Тенисерки:
Пегула (6) – Мучова
Сабаленка (2) – Наваро (13)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Динамо пред Борусија и Хајдук остана без капитените Адеми и Мишиќ
Лоши вести доби тренерот на Динамо Загреб, Ненад Бјелица во пресрет на двата натпревари оваа недела кои можат да претствуваат пресвртница за „мордите“ во тековната сезона.
Откако минатата недела Динамо остана без Петар Сучиќ до крајот на годината,претпладнево клубот потврди дека утре на „Максимир“ против Борусија Дортмунд нема да бидат присутни Петар Мишиќ и Аријан Адеми. Неизвесно е дали овие двајца ќе играат и в недела против Хајдук во Сплит.
Динамо во овие два натпревари ќе биде без тројца клучни играчи од средниот ред, а капитени и лидери на тимот се и Адеми и Мишиќ.
Динамо во првите четири кола во Лигата на шампионите освои седум бода.
Спорт
Викарио со скршеница на ногата бранел против Манчестер сити
Голманот на Тотенхем, Гуљелмо Викаро, скрши коска на зглобот на дерби натпреварот против Манчестер сити во Премиер лигата. Во саботата, Тотенхем во Манчестер го декласира Сити со 4:0.
Италијанскиот репрезентативец, во вторникот, бил успешно опериран во Англија.
Викарио против Сити се повреди по сударот со Савињо, но и во таква состојба остана на теренот до крајот на мечот и му помогна на тимот да оствари значајна победа.
„Скршив коска на ногата на натпреварот со Манчестер сити, но останав на теренот до крајот. Направив се што можев за да му помогнам на тимот. Ситуацијата е таква што морав да одам на операција, која беше успешна, а од утре ќе го започнам процесот на рехабилитација. Благодарам на сите за поддршката, особено на навивачите на Тотенхем и се надевам дека ќе се вратам уште посилен“, напиша Италијанецот на социјалните мрежи.
Викаро пристигна во Тотенхем во јули минатата година од Емполи и оттогаш одигра 55 натпревари за англискиот клуб. Додека не се врати Викарио на голот на Тотенхем ќе биде ветеранот Фрејзер Фостер, кој бранеше оваа сезона на натпреварите против АЗ Алкмар и Галатасарај, како и во Лига купот против Ковентри.
Спорт
(Видео) Поранешен фудбалер со нож нападнат во Њујорк
Никлас Бендтнер, познат меѓу фудбалските под прекарот „Лорд“ кој во кариерата играше за Арсенал и Јувентус, бил нападнат на улиците на Њујорк. Страшниот напад е снимен на од безбедносните камери.
Поранешниот дански напаѓач се движел со пријател кога од зад грб бил нападнат со напаѓач со нож.
Кон него истрчал 25-годишен маж со нож. Набрзо овој млад човек бил уапсен и обвинет за обид за убиство.
Пријателот на Данецот се здобил со повреди на лицето и увото и му била укажана помош во болница. Бендтнер самиот го пријавил инцидентот.
„Да, можам да потврдам дека јас бев на видеото.. Дали можев јас да бидам нападнат, немам коментар за тоа. Жртвата е поранешен професионален фудбалер кој шеташе со нас“, одговори Бендтнер откако се појави видеото.
Данецот е запаметен како напаѓач со најголема самодоверба во историјата на фудбалот (барем на тестирањата), а од 2005 до 2014 година го носеше дресот на Арсенал.