Забава
Шакира ја тужеше шпанската даночна управа: „Ме запалија на клада како вештерка“
Колумбиската пејачка Шакира минатата година беше обвинета дека не платила 14,5 милиони евра шпански данок на доход во периодот од 2012 до 2014 година. Таа сега го обвини Министерството за финансии дека јавно „ја запалило на клада како вештерка за време на инквизицијата“, пренесува „Дејли ,мејл“.
Шакира тврди дека била прогонувана пред да се реши и да се изјасни за виновна, а сега го обвини шпанскиот правосуден систем за кампања за оцрнување. Во писмото објавено во шпанскиот „Ел мундо“ пејачката ги обвини шпанските даночни власти за сексистичка кампања за заплашување, која заврши со тоа што таа беше претставена како ловечки трофеј.
„Можеби изгледа неразбирливо, но, за мене, шпанската деценија беше декада на финансиска загуба, а не затоа што работев малку, како што сите знаат. Имав 120 концерти во 90 града. Како може човек, кој има 120 концерти, да изгуби пари?
Звучи чудно, знам, но денес мојот имот се состои од она што го заработив пред да пристигнам во Шпанија и она што го заработив кога заминав. Сè што заработив во изминатите години отиде во Шпанија“, рече таа.
Шакира претходно изјави дека се изјаснила за виновна за да ги заштити своите деца и сега додаде: „Повеќе од желбата да ги казни оние што не ги почитуваат правилата, шпанските даночни власти сакаат да ги покажат своите ловечки трофеи за да го обноват кредибилитетот.
И како го постигнуваат тоа? Со заплашување на луѓето, заканувајќи им се со затвор, компромитирање на умот на нашите деца и ставање под притисок да нѐ скршат. Сакаа јавноста да верува дека не сум плаќала данок, кога вистината е дека платив многу повеќе отколку што требаше“, додала пејачката.
„Работите не се решаваат со палење јавна личност секоја година на клада, како што беше случајот за време на инквизицијата, за да си го повратам изгубениот престиж. Сакам на моите деца да им оставам наследство на жена што ги објасни своите причини мирно и во свое време, кога почувствува дека е потребно, а не кога ја принудија да го направи тоа. Треба да знаат дека јас ја донесов мојата одлука да ги заштитам, да бидам со нив и да продолжам со мојот живот“, рече таа на крајот.
Потсетуваме, минатата година, за време на судењето, шпанските државни обвинители најавија дека ќе бараат осум години и два месеца затвор и глоба од 23,7 милиони евра доколку судијата ја обвини за сите седум точки од обвинението за даночна измама, што пејачката наводно ги извршила од 2012 до 2014 година.
Минатата година таа се договори со шпанските обвинители и беше казнета со 7 милиони евра, објавија тогаш странските медиуми.
Исто така, во 2022 година Шакира ја прекина врската со Пике по 11 години поради неговото наводно изневерување. Двојката има два сина заедно, Милан и Саша.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.